1393ټاكنې
په دوه یم پړاو ټاكنو کې باید له درغلیو ډډه وشي -اروپایی ټولنه
Last Updated on: لړم ۳, ۱۴۰۱
د افغانستان له انتخاباتو څخه د اروپایي ټولنې څارونکى پلاوی وایي، چې په دوه یم دور انتخاباتو کې ټولې ښکېلې خواوې باید د انتخاباتو شفافیت ته ډېر پام وکړي.
د دې پلاوي مشر تیجز برمن د پنجشنبې په ورځ(د غبرگولي۲۲) په کابل کې خبریالانو ته وویل، چې د افغانستان خلک باید پریښودل شي، چې په خپله خوښه رایه ورکړي.
ده څرگنده کړه، چې د نورو زرگونه څارونکيو ترڅنگ به مونږ هم د افغانستان د انتخاباتو دوه یم پړاو په جدي توگه وڅارو.
د افغانستان له انتخاباتو څخه د اروپایي ټولنې څارونکي پلاوي د جمهوري ریاست په دوه یم پړاو ټاكنو کې پر ټولو ښکېلو خواوو غږ کوي، چې له تاوتریخوالي ډډه او د شفافو او عادلانه انتخاباتو لپاره جدي کار وکړي.