نړۍ
په روانه جګړه کې تر ۳۰۰۰ پورې اوکرایني سرتېري وژل شوي- زیلینسکي
د اوکراین ولسمشر ولادیمیر زیلینسکي ویلي، چې د دې هېواد چارواکي باوري دي، چې له روسیې سره په رامنځته شوې جګړه کې تر دې دمه تر ۳۰۰۰ اوکرایني پوځیان وژل شوي دي.
زیلینسکي له سي ان ان سره په خبرو کې دا هم ویلي، چې شاوخوا لس زره اوکرایني سرتېري ټپیان شوي دي او دا ستونزمنه ده، چې ووایو څومره به ژوندي پاتې شي.
دغه راز د اوکرایین ولسمشر د ځاني زیانونو دغه شمېر د روسي پوځیانو له تلفاتو سره پرتله کړ او ادعا یې وکړه، چې تر ۲۰ زره پورې روسي پوځیان وژل شوي دي.
مسکو تېره میاشت اعلان څرګنده کړې وه، چې ۱۳۵۱ روسي پوځیان وژل شوي او ۳۸۲۵ نور ټپیان دي.
دا په داسې حال کې ده، چې لویدیځو هېوادونو ویلي؛ د روسیې ځاني زیان د اوکراین په جګړه کې د څو زره کسان له لاسه ورکړي دي.