سیمه ییز خبرونه
په روان كال كې د تازه او وچې ميوې صادرات زيات شوي
د افغانستان د سبزيو او ميوو د صادراتو د پرمختيا ادارې مسوولين وايي، چې په روان كال كې د تازه او وچې ميوې صادرات زيات شوي؛ خو د تمې پر خلاف د طبي بوټو په صادراتو كې لږوالى راغلى دى.
د افغانستان د تازه ميوو او سبزيو د صادراتو د ادارې رييس سيد عظيم هاشمي وايي، چې:
د افغانستان تازه او وچې ميوې په روان كال د نړۍ اووه څلوېښت هېوادونو ته رسيدلي دي.
د هغه په وينا، په روان كال كې د طبي بوټو صادرات هغسې نه ول، چې مونږ او حكومت يې تمه درلوده.
د افغانستان د كرنې وزارت مسوولين وايي، چې په روان كال كې د انگورو توليد له درې سوه شپيته زره څخه شپږ سوه لس زره ټنو ته او د مڼو توليد له څلور پنځوس زره ټنو څخه اويا زره ټنو ته لوړ شوي دي.
د كرنې وزارت د څرگندونو له مخې سږ كال د بادامو توليد هم دوه شپيته زره ټنو ته رسيدلى دى.
دوى پر دولتي اداره نيوكه كوي، چې په خپلو منځو كې همغږي نه لري؛ نو، ځكه د طبي بوټو صادرات لږ شوي دي.