تازه خبرونه
په روزګان کې بمي چاودنې د یوه خبریال په ګډون ۸ کسان ټپیان کړل
(Last Updated On: مرغومی ۳۰, ۱۳۹۹)
په روزګان ولایت کې سیمه ییزو چارواکو ویلي، چې په ترینکوټ ښار کې موټرسایکل بم چاودنې د یوه خبریال په ګډون اته کسان ټپیان کړي دي.
سیمه ییزو چارواکو زیاته کړې، چې چاودنه نن (سې شنبه مرغومي ۳۰) له غرمې وروسته د ترینکوټ ښار په څلورلاري کې رامنځته شوې؛ د روزګان د سلام راډیو خبریال شاه محمد همدرد په ګډون اته کسان په کې ژوبل شوي دي.
د چارواکو د څرزګندونو له مخې، تر دې دمه د دې پېښې لامل او انګېزه په ډاګه شوې نده او نه یې چا مسوولیت پر غاړه اخیستی دی.
دا په داسې حال کې ده، چې له تېرو څو میاشتو راپدیخوا یو شمېر هېوادوال له روان تاوتریخوالي په ځانګړي توګه له موخه ییزو وژنو اندېښمن شوي او غواړي له هېواده ووځي.