تازه خبرونه
په فاریاب ښار کې موټر بم برید ځاني او مالي زیانونه رامنځته کړي
سیمه ییزو چارواکو تائید کړې، چې د سې شنبې پر شپه طالبانو د دولت آباد ولسوالۍ په بازار کې له چاودیدونکیو توکو ډک هاموی موټر ته چاودنه ور کړې ده.
د فاریاب والي نقیب الله فایق څرګنده کړې؛ دغې چاودنې لسګونه کورونه او پلورنځي ویجاړ کړي دي.
هغه دا هم ویلي، چې ملکیان د خاورو او خټو لاندې بند پاتې دي.
نوموړي د ځاني زیانونو د بشپړ شمېر په اړه جزئیات ورنکړل؛ خو څرګندوي، چې په دې پېښه کې دوه سرتېري وژل شوي او څلور نور ټپیان دي.
تر دې دمه د طالباني په ګډون هیڅچا د برید مسوولیت پر غاړه ندی اخیستی.