ساینس او ټیکنالوژي
په فزیک کې د ۲۰۲۱ د نوبل جایزې ګټونکي اعلان شول
په فزیک کې د ۲۰۲۱ د نوبل جایزه د جاپان امریکایيوګړي سوکورو مانابه او د آلمان کلاس هاسلمن او د آیټالیا جورجیو پارسي ته ورکړ شوې.
د رویټرز د څرګندونو له مخې؛ دغه ساینس پوهان په فزیک کې د سږکال د نوبل جایزې ګټونکي اعلان شوي دي.
دغه د نوبل جایزې په فزیک کې د ۲۰۲۱ د امریکا سوکورو مانابه او د آلمان کلاس هاسلمن ته د ځمکې د اقلیم د فزیکي جوړښت او د نړۍ د تودوخې د وړاندویېنې په اړه ورکړ شوې او پاتې نیمه نوره یو میلیون و ۱۴۵ زره ډالري جایزه جورجیا پاریسي ته، چې تر ستورو یې د اټومي پیمانې په فزیکي سیسټمونو کې د بې نظمیو او بدلونونو تعامل کشف کړ ورکړ شوه.
سوکورو مانابه په جاپان کې زیږیدلی او دا مهال د نیو جرسي په پرینسټون پوهنتون کې اقلیم پوه دی.
کلاس هاسلمن په جرمني کې زیږیدلی او اوسمهال په هامبورګ کې د مکس پلانک په انسټیټیوټ کې د هوا پېژندنې په برخه کې کار کوي. هغه هم د ورته فعالیتونو پربنسټ په فزیک کې د نوبل جایزه ترلاسه کړه.
د جایزې بله نیمه برخه جورجیا پارسي په ایټالیا کې زېږیدلي، چې اوس د روم په ساپینزا پوهنتون کې کار کوي.
د نوبل جایزه د ساینس په برخه کې ساینس پوه ته ورکول کیږې، چې ترټولو معتبر جایزه ده.
د نوبل جایزه په ۱۸۹۵ زېږدیز کال کې د یو سویډني صنعتکار او کیمیا پوه الفریډ نوبل په سپارښتنه رامنځته شوې، چې نوموړی د ډینامیټ اختراع نومیالی کړی و.
هغه په خپله وروستۍ سپارښتنه کې خپله ټوله پانګه د نوبل جایزې ته وقف کړه.
ساینس او ټیکنالوژي
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
د IDC څېړنیز انسټیټیوټ راپور ښیې، چې د ۲۰۲۴ ز.کال په لومړۍ ربع کې د اپل آی فون بازار د انډرایډ ګرځند له تولید سره په سیالۍ کې سوړ شو.
د رویټرز خبري آژانس د راپور له مخې؛ د جنورۍ او مارچ په میاشت کې د نړۍ بازارونو ته ۷ اعشاریه ۸ سلنه وده وکړه، چې شمېر یې ۲۸۹ اعشاریه ۴ میلیون ته ورسېد.
د ګرځند جوړونکي شرکت (سامسونګ) د بازار ونډه ۲۰ اعشاریه ۸ راغله او په دې توګه یاد شرکت له اپل څخه له ټولو د لوی ګرځند پلورونکي مقام خپل کړ.
اپل د ۲۰۲۴ کال په تېرو درې میاشتو کې ۵۰ اعشاریه ۱ میلیون آی فونونه پلور ته وړاندې کړل، چې دا د تېر کال د ورته وخت پر پرتله ۵۵ اعشاریه ۴ میلیون کم دي. همدارنګه د ۲۰۲۳ په وروستیو دریو میاشتو کې هم چین ته د آی فون د وړاندې کولو په کچه کې ۲ اعشاریه ۱ کموالی راغلی و.
ساینس او ټیکنالوژي
د جاپان سپیس ون کایروس توغندی له توغېدو وروسته وچاودېد
د چارشنبې پر ورځ د جاپان سپیس ون کایروس کوچنی تېل سوځوونکی توغندی له توغولو لږ وروسته وچاودېد.
د رویټرز د څرګندونو له مخې؛ دغه ۱۸ مټره توغندی پر ځایي وخت ۱۱:۰۱ له توغولو لږ وروسته وچاودېد، چې لوګی او اور یې د رسنیو په انځورونو کې لیدل کیږي.
سپیس ون ویلي؛ دوی د جاپان د لویدیځ ټاپو په څنډه کې توغېدا لغو کړه او په اړه یې ارزونې هم پیل شوې دي.
د ځایي واکایاما حکومت والي شوهی کیشیموتو خبریالانو ته د سپیس ون له معلوماتو وروسته ویلي، چې یوه ستونزه د دې سیسټم د توغېدو خنډ شوې ده.
هغه په ډاګه نکړه، چې ستونزه څه ده.
کیشیموتو زیاته کړې، چې د توغندي د توغېدا مرکز ته هیڅ زیان نه دی رسیدلی او اور هم مړ شوی دی.
کایروس یوه تجربه لرونکې دولتي سپوږمکۍ لېږدوله، چې کولی یې شول په لنډمهاله توګه معلوماتي او استخباراتي سپوږمکۍ په مدار کې ځای پر ځای کړي.
که څه هم جاپان په فضایي سیالیو کې نسبتا کوچنی لوبغاړی دی؛ خو د توغندیو توغولو لپاره د ارزانه وسایطو د جوړولو هڅې کوي.
ساینس او ټیکنالوژي
فیسبوک او انسټاګرام له لنډې پرچاوۍ وروسته بېرته فعال شول
د رویټرز د څرګندونو له مخې؛ د سې شنبې پر ورځ د میټا اړوند فیسبوک او انسټاګرام د دوه ساعته تخنیکي ستونزو له کبله بېرته فعال او په ټوله نړۍ کې یې سلګونه زره کاروونکي اغېزمن کړل.
د میټا اړوند سرچینو ویلي؛ یوه تخنیکي مسله د دې لامل شوه، چې خلک زمونږ خدماتو ته د لاسرسي په اړه له ستونزې سره مخ شي.
د میټا ویاند انډي سټون په ایکس پاڼه کې له بشپړې څرګندونې پرته ولیکل، چې مونږ د خپلو اغېزمنو شویو لپاره اړوند مسله حل کړه .
سټون د فیسبوک او انسټاګرام له کاروونکیو څخه د دې ستونزې له پېښېدا بښنه وغوښته.
دا شرکت د WhatsApp او Threads په ګډون شاوخوا ۳ اعشاریه ۱۹ میلیارد ورځني فعال کاروونکي لري.
په هر حال د واټس اپ او ترایډ لپاره بندښت خورا کوچنی و.
د رویټرز د لیدل شويو پوسټونو له مخې؛ د میټا ډېرو کارمندانو په نامعلوم پیغام رسولو اپلیکیشن بلینډ کې څرګنده کړې، چې دوی نشي کولی خپل داخلي کاري سیسټمونو ته ننوځي. ان دوی حیران شول، چې له دندې ګوښه شوي دي.
د وېبپاڼو څارونکې ډاونډيټکټر څرګنده کړې، چې د فیسبوک پرچاوۍ په اړه ۳۰۰ زره او دغه راز د انسټاګرام د پرچاو کېدو په اړه ۲۰ زره شکایتونه ترلاسه شوي دي.
د یادونې ده، چې په ۲۰۲۱ ز. کال کې هم د فیسبوک، انسټاګرام او وټسآپ خدمات د تخنیکي ستونزو له کبله څو ساعتونه بند شوي وه.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه13 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه14 hours ago
په عراق کې به همجنسبازان پر۱۵ کاله بند شي –پارلمان
-
لوبی11 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل