نړۍ
په قبرس کې د اسرائیلو د سفارت مخې ته چاودنه وشوه
رویترز ته پولیسو ویلي، چې تېره شپه د قبرس په پلازمېنه نیکوزیا کې د اسرائیلو له سفارت بهر یوه کوچنۍ چاودنه وشوه، چې ځاني زیان نهلري؛ خو وروسته بیا یوازې څلور کسان ونیول شول.
پولیسو څرګنده کړې: یو فلزي شی، چې لږ اور رامنځته کوونکي توکې یې لرل؛ د سفارت د انګړ په ۳۰ مترۍ کې وچاودېد. څلور کسان، چې عمرونه یې د ۱۷ او ۲۱ کلونو تر منځ دي په سیمه کې د چاودېدونکیو توکو د چولو، د چاودېدونکیو توکو د لرلو او کارولو او ویجاړۍ رامنځته کولو پر تور نیول شوي دي.
پولیسو د یوه تورن کس په موټر کې دوه چړې او یو څټک هم موندلی دی.
د پولیسو یوې سرچینې ویلي، نیول شوي کسان سوري وګړي دي.
قبرس، چې د منځني ختیځ د ناکرارې سیمې په څنډه کې پروت تاپو دی؛ پولیسو ورته په ټولو اړوند برخو کې امنیت ټینګ کړی دی.
د پولیسو د څرګندونو له مخې؛ د تازه تاوتریخوالي په پایله کې چارواکو د سفارت شاوخوا امنیتي کمربند پراخ کړی او ملکي لارې یې تړلې دي.
رویترز راپور ورکړی، چې سفارت په ۱۹۸۸ ز. کال کې د یوې ناکامې بمي چاودنې هدف هم و. هغه وخت له چاودېدونکیو توکو ډک یو موټر سفارت ته په نږدې پل کې وچول شو او درې کسان یې ووژل.