سیمه ییز خبرونه
په كابل كې وسله والو مخالفينو پربېلابېلو سيمو وسله وال بريدونه كړي
امنيتي چارواكي وايي، چې:
څلور بريد كوونكيو په درېيمو مكروريانو كې د نيم كاره ديارلس پوړيزې ودانۍ ساتونكي وواژه او وسله وال ودانۍ ته پورته شول.
دغه راز د كابل لويديځ هم ځانمرگو بريدونو او چاودنو ولړزاوه.
وسله والو طالبانو د بريدونو مسووليت په غاړه اخيستى دى.
د سه شنبې(د وږي په ۲۲) ورځ يوه نيمه بجه د كابل سوله ييزه فضا ډزو او چاودنو خړه پړه كړه.
د عيني شاهدانو په وينا:
وسله والو بريد كوونكيو د درېيمو مكروريانو په سيمه كې د عبدالحق څلور لارې ته څېرمه له نيم كاره ديارلس پوړيزې ودانۍ څخه د امريكا پر سفارت، د آيساف ځواكونو پر كوماندانۍ، د وزير محمد اكبر خان سيمې او شش درك د سپكو او درندو وسلو بريدونه پيل كړل.
د رپوټونو له مخې په جگړه كې د پېنځه غټو چاودنو غږونه هم يو پر له پسې پورته شول.
دغه راز په ښار كې څو ملكي موټر هم زيانمن شوي او ولسي وگړيو ته هم زيان اوښتى دى.
امنيتي مسوولين وايي، چې:
په دې جگړه، چاودنو او ځانمرگو بريدونو كې د لومړنيو معلوماتو له مخې دوه پوليس وژل شوي او څلور ولسي وگړي ټپيان شوي دي.
د كابل امنيه كوماندان په داسې حال كې، چې د امنيتي ځواكونو او وسله والو مخالفينو ترمنځ جگړه روانه ده خبري رسنيو ته وويل، چې پوليسو دوه ځانمرگي وژلي او دوه نور له امنيتي ځواكونو سره مقاومت كوي.
د كابل په لويديځ كې د درېيمې امنيتي حوزې اړوند د دهمزنگ په څلورلاري او د پوليسو د دوه سوه دوه يم شمشاد زون كوماندانۍ مخې ته هم ځانمرگي بريدونه وشول.
له كورنيو چارو وزارت څخه په خپره شوې اعلاميه كې راغلي، چې:
د وږي په ۲۲ له غرمې وروسته په درې بجو او لس دقيقو يو ځانمرگى هغه وخت د پوليسو لخوا وويشتل شو، چې غوښتل يې په دهمزنگ كې د عامه نظم پرلوا بريد وكړي.
د سرچينې د معلوماتو له مخې په دغه بريد كې دوه پوليس ټپيان شوي دي.
له دې پېښې پېنځه دقيقې وروسته د حبيببيې ليسې مخې ته، چې د پوليسو دوه سوه دوه يم شمشاد زون كومانداني ده، ځانمرگى بريد وشو.
د كورنيو چارو وزارت وايي، چې:
په دغه بريد كې يو پوليس او يو ولسي وگړى ټپيان شوي دي.
وسله والو طالبانو د بريدونو مسووليت په غاړه اخيستى او ادعا كوي، چې وسله والو يې په كابل كې د امريكا د سفارت تر څنگ پر څو پوځي ځايونو بريدونه كړي ، چې په كې كورني او بهرني سرتېري وژل شوي دي.
ويل كيږي ، چې د وسله والو درنده جگړه له ۲۰ گړيو وروسته په سيمه كې د ۳۰ تنو په مرگ و ژوبله پاى ته رسيدلې، خو خال خال سپكې ډزې كيږي
سیمه ییز خبرونه
پوتین د ولسمشرۍ بله ۶ کلنه لوړه وکړه
د روسیې ولسمشر ولادیمیر پوتین د سې شنبې پر ورځ د غویی اتلسمه په کرملین ماڼۍ کې د یو لړ مراسمو پر مهال د دغه هېواد د ولسمشر په توګه خپل نوی شپږ کلن پېر پیل کړ.
پوتین له دې مخکې څلور ځله د روسیې د اساسي قانون د ساتنې لوړه کړې ده.
ولادیمیر پوتین له ۱۹۹۹ ز.کال راپدیخوا د روسیې په سیاسي ډګر کې د ولسمشر یا لومړي وزیر په توګه خپل واک ساتلی دی.
۷۱ کلن پوتین په تېر مارچ کې د روسیې د ولسمشریزو ټاکنو ګټونکی وپېژندل شو.
د هغه تر ټولو نومیالی سیال الکسي ناوالني یوه میاشت مخکې د شمالي قطب په یوه زندان کې ناڅاپه مړ شو.
د الکسي ناوالني میرمنې په یوټیوب کې د ولسمشرۍ د لوړې له مراسمو مخکې یوه ویډیو خپره کړه؛ پوتین یې ظالم او قاتل یاد کړی او له پلویانو یې وغوښتل، چې د پوتین پر وړاندې مبارزه روانه وساتي.
امریکا، بریټانیا او یو شمېر نورو هېوادونو د پوتین د لوړې له مراسمو ډده کړی ده.
د امریکا بهرنیو چارو وزارت ویاند مټیو میلر د دوشنبې پر ورځ ویلي: مونږ به د هغه د لوړې په مراسمو کې استازی ونلرو. مونږ د [روسیې] ټاکنې ازادې او عادلانه نه ګڼو؛ خو پوتین د روسیې ولسمشر دی او په اټکل کیږي، چې خپل کار به روان وساتي.
د آلمان خبري آژانس او د اروپايي اتحاديې د ډيپلوماتانو د څرګندونو له مخې؛ ځينو هېوادونو لکه فرانسې، هنګري او سلواکیا د پوتين د لوړې مراسمو ته د اړیکو د ساتلو لپاره خپل استازي استولي دي.
ولادیمیر پوتین، چې لږ تر لږه ۲۵ کاله په واک کې پاتې دی؛ تر ۲۰۳۰ پورې به د روسیې د ولسمشر په توګه خپلې دندې ترسره کوي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
-
تازه خبرونه3 days ago
د پاکستان خاوره د افغانستان پر ضد کارول کیږي
-
نړۍ3 days ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه3 days ago
د سې شنبې پر ورځ خراسان او سرخ پوشان لوبډلو لوبه وګټله
-
تازه خبرونه3 days ago
دولتي بنسټونه د برښنا له شرکت څخه یو نیم میلیارډ افغانۍ پوروړي دي
-
سوداگري2 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
نړۍ5 days ago
د غزې په جګړه کې مو د مصر او قطر د اوربند وړاندیز منلی – حماس
-
لوبی2 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه3 days ago
په بدخشان ولایت کې ماین چاودنې ۸ کسانو ته مرګ او ژوبله اړولې