سیمه ییز خبرونه
په كابل ښار كې اشتهاري لوحې او بېلبوردونه په پرديو ژبو ليكل كيږي
په كابل ښار كې زياتره اشتهاري لوحې او بېلبوردونه په پرديو ژبه ليكل شوي ، چې يو شمېر ژبپوهان يې پرافغانستان د پرديو فرهنگي يرغل بولي او اندېښنه څرگندوي، چې::
دې حالت ته نه پاملرنه به د افغانستان رسمي ژبې زيانمنې كړي.
د اطلاعات او فرهنگ وزارت چارواكو دې مسئلې ته پرجدي پاملرنې ټينگار كړى دى.
ځيني ژبپوهان وايي، چې:
په افغانستان كې هڅه كيږي، چې په پرديو ژبو لوحې وليكل وشي. دې كار د افغانستان رسمي ژبې زيانمنې كړې دي.
ژبپوه افسر رهبين وايي:
د كابل په واړه، خو له گنې گوڼې ډك ښاركې انگليسي، اردو او په نورو ژبو ليكل شوې لوحې تر سترگو كيږي.
د اطلاعاتو او فرهنگ وزارت مرستيال دين محمد مبارز راشدي او د كابل ښاروالۍ د فرهنگي څانگې رييسه راحله كوهستاني وايي، چې دوى د دغه كار د مخنيوي لپاره هڅې پيل كړي او سرغړوونكي د قانون منگولو ته وسپارل شي.
د اطلاعاتو او فرهنگ وزارت وايي، چې د افغانستان په رسمي ژبو د لوحو ليكل په زياترو ولايتونو كې له كومې ستونزې پرته عملي شوي؛ خو كابل ښاريان دغې مسئلې ته چندان پام نه كوي.