سیمه ییز خبرونه
په كابل ښار كې نن سهار د ملي دفاع وزارت په كارمندانو ځانمرگى بريد وشو
Last Updated on: لړم ۳, ۱۴۰۱
په كابل ښار كې نن سهار د ملي دفاع وزارت په كارمندانو ځانمرگي بريد يو تن وواژه او لس نور يې ټپيان كړل.
دا بريد نن سهار په اوو بجو او لسو دقيقو په شاوخوا كې د كابل ښار د درېيمې امنيتي حوزې اړوند د گولايي دواخانه په سيمه كې شوى دى .
چارواكي وايي:
دغه ځانمرگي، چې خپل چاوديدونكي توكي يې د ځان پورې تړلي ول، د ملي دفاع وزارت د كارمندانو په موټر بريد كړى.
د كابل د درېيمې امنيتي حوزې جنايي مدير زرگل هلمندوال وايي:
په دې بريد كې يو تن وژل شوى او لس نورټپيان دي.
هغه زياتوي:
په ټپيانو كې د ملي دفاع وزارت شپږ كارمندان او څلور ملكي وگړي شامل دي.
د ۱۰۱ آسمايي زون قومانداني وايي، چې:
ټپيان روغتون ته ليږدول شوي او روغتيايي حالت يې د ډاډ وړ دى.
ويل كيږي، چې سيمه د ترافيكو او خلكو په مخ تړل شوې ده.