سیمه ییز خبرونه
په مزار شريف كې د ټاكنو په اړه شپږمه مناظره ترسره شوه
په مزارشريف كې د ټاكنو د څاروونكيو د رول په اړه د پوهنتون د استادانو او محصلينو شپږمه مناظره ترسره شوه .
د دغه مناظرې ګډونوالو د ټاكنو په بهير كې د څاروونكو د شتون په اړه بيلابيل نظرونه لري ، خو ډير يې وايي چې د څارونكو حضور به په ټاكنو كې د درغلۍ مخه ونيسي .
د دې مناظرې موخه د ټاكنو په بهير كې گډون ته د ځوانانو هڅول دي.
ځوانان وايي، دا ډول مهم بحثونه كولى شي د ځوانانو او ټولنې د پوهاوي كچه لوړه كړي.
د پوهنتون استاده ماريا رهين وايي، رڼې ټاكنې او په ټاكنو كې د درغلۍ د مخنيوي په موخه د څاروونكيو ټاكل او د ښځو ډېر گډون هغه څه دي، چې د مناظرې گډونوالو پرې ټينگار وكړ.
د پوهنتون استاد نورآغا شريفي په ټاكنو كې د څاروونكيو رول مهم وگاڼه او وايي، چې د خلكو په پراخ گډون به د ټاكنو د روڼښت په اړه د خلكو ډاډ نور هم ټينگ شي.
په همدې وخت كې يو شمېر محصلين وايي، د كليواليو سيمو د ټاكنو په پروسه كې د څاروونكيو گډون مهم دى. دوى په دې باور دي، چې د ښارونو په مركزونو كې د بېلابېلو بنسټونو او رسنيو حضور د درغلۍ زمينه له منځه وړي او يا هم به يې د ليرې پرتو سيمو په پرتله ترټولو ټيټې كچې ته را ټيټه كړي.