تازه خبرونه
په هرات ښار کې د زورواکي غوریاني او امنیتي ځواکو نو په نښته کې ۱۶ کسان ټپیان شوي
یوې سرچینې آریانا نیوز ته ویلي، چې حکومت د حبیب غوریاني نومي زورواکي وسلوال د نیولو هڅه وکړه؛ خو د امنیتي ځواکونو او د نوموړي د وسلوالو ترمنځ نښته رامنځته شوه.
دغه نښته نن د هرات ښار د ۱۲ ناحیې اړوند په جبرائیل نومې سیمه کې د زورواکي حبیب غوریاني نومي د نیولو پر مهال رامنځته شوې ده.
د هرات د عامې روغتیا ویاند رفیق شېرزي وايي، چې له دې نښتو درې سرتېري او ملکي وګړي په ټپي حال کې د هرات حوزوي روغتون ته رالېږدول شوي دي.
د شېرزي په وینا؛ په پېښه کې درې ماشومان هم ټپیان شوي دي.
حبیب غوریانی د ناقانونه کړنو په ګډون پر وژنو او ناقانونه وسلوالو پر لرلو تورن پېژندل شوی دی.
د پېښې عیني شاهدانو ویلي، چې د ټپيانو شمېر ډېر دی او د پېښې ځای ته نږدې روغتیایي مرکزونو کې یې درملنه شوې ده.
تر دې دمه غوریاني او په هرات کې ځایي چارواکو رسنیو ته پدې اړه څه ندي ویلي.