تازه خبرونه
په هرات کې د ۱۰۰ ځوانانو د ودونو ګډ مراسم ترسره شول
په هرات کې د ۱۰۰ ځوانانو د واده ګډ مراسم ترسره شول او د یوه خیره بنسټ لهخوا ورته کورتوکي او د اړتیا وړ وسایل هم برابر شول.
هغه ځوانان، چې کلونه کلونه یې د واده د مراسمو پر تمه ول؛ اوس خپل واده له نورو ځوانانو سره ګډ نمانځي.
په هرات کې ځايي چارواکي او فرهنګي کارپوهان وايي، چې د اقتصادي ستونزو او بېکارۍ له کبله ډېرو ځوانانو د واده د مراسمو د تر سره کولو توان نهدرلود؛ خو ځينو خيريه موسسو د واده د مراسیمو پر جوړولو دوی ته د ګډ ژوندانه د پیل زمینه برابره کړه.
په هرات کې د دې ودونو تنظیموونکی عبدالحق صدیقي وایي: د هغې سروې له مخې، چې مونږ ترسره کړې؛ دا د ټولنې بېوسه کسان دي. دې خلکو د واده د ترسره کولو وس نهدرلود؛ د سروې په پای کې دوی بېوسي پېژندل شوي او نن یې د واده مراسم ترسره شول. د ناوې او ناوک د جامو په ګډون د دوی لپاره ټول شپېته قلمه جهیزونه چمتو شوي دي.
په اوسنيو حالاتو کې ډېر ځوانان د واده د لګښتونو توان نهلري او بې ځایه لګښتونه د دوی پر وړاند ستر خنډ بلل کیږي.
یو ناوک اسماعیل نومی وايي: دغه خیریه بنسټ راغی او زمونږ واده یې تنظیم کړ. خلک بېوزله دي.
بل ناوک غلام صدیق وايي: دا یوه اقتصادي ستونزه ده. زمونږ اقتصاد ډېر کمزوری و. مونږ نشو کولی واده وکړو.
په وروستیو کلونو کې د ډلهییزو ودونو جشنونه د خلکو له تاوده هرکلي سره مخ شوي دي.
یو شمېر فرهنګي کارپوهان وايي، چې د ودونو د زیات لګښت د مخنیوي لپاره دا ډول پروګرامونو ولسي کولو ته اړتیا لري.
د حکومت د رسنیو مرکز مشر نعیم الحق حقاني وایي: مونږ دغه فرهنګ ښکلی او د ستایلو وړ ګڼو او د خپل ګران هېواد د ځوانانو او کورنیو پر ګټه یې ګڼو. هیله لرو، چې د حبیب یار بنسټ فرهنګي او ټولنیز فعالیتونه نور هم پراخ شي. دا په ټول افغانستان کې د ټولو خیریه بنسټونو لپاره یو ښه مثال دی.
د دین عالم خلیل الله محمدي وايي: کله، چې دوه کورنۍ واده کوي؛ نو د واده پایله یې په ټولنه کې نیک او صالح اولادونه دي او په دې توګه د فساد مخه هم پرې نیول کېږي.
نږدې دوه اوونۍ مخکې په نیمروز کې د سل ځوانانو د واده مراسم ترسره شول. له څه وخت راپدیخوا د هېواد په بېلابېلو ولايتونو کې د ډله ييزو ودونو د نمانځنې فرهنګ نور هم ځواکمن او دود شوی دی.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
تازه خبرونه24 hours ago
ترکمنستان د ټاپي پروژې بشپړولو ته ژمن دی – امانوف
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
لوبی22 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل