سیمه ییز خبرونه
په هېواد كې د كرنيزو ځمكو د اوبه خوړ ۱۸ تړونونه لاسليك شول
د افغانستان د كرنې وزارت له بېلابېلو ساختماني شركتونو سره د كرنيزو ځمكو د اوبه خوړ ۱۸ تړونونه لاسليك كړل.
د كرنې او اوبو رسولو وزير محمد آصف رحيمي وويل:
د كرنيزو ځمكودا پروژې ۴۱ ميليون امريكايي دالر لگښت لري، چې د نړيوال بانك په مالي مرسته د افغان دولت د ملي بديجې له لارې لگول كيږي.
د كرنې او اوبو رسولو وزير رحمي زياته كړې، چې:
د اوبه خوړ دا پروژې به د هېواد په بېلابېلو ولاتيتونو كې پلې شي.
د كرنې او اوبو رسولو وزير وايي:
دغه وزارت هڅه كوي، چې د اوبو سرچينې پراخه كړي او د اوبه خوړ سيستم په كرنيزو ځمكو كې د ډاډ وړ پايلې ولري.
د ننگرهاركانال د بيارغونې په گډون به د اوبه خوړنوي سيستمونه د هېواد په يوولس ولايتونو كې جوړ شي.
د دغه وزارت د وزير په وينا به تر ۱۳۹۲ل كال پورې د ۱۳۰ كانالونو د جوړولو چارې پيل شي.
دا په داسې حال كې ده، چې د ولسي جرگې يو شمېر غړي وايي:
گاونډ هېوادونه په دې هېواد كې د كانالونو د جوړولو مخه نيسي.
د ولسي جرگې غړى محمد داود كلكانى وايي:
په هېواد كې روان جنگ د گاونډ هېوادونو تر منځ د اوبو په سر جگړه ده.
سره له دې، چې افغانستان پراخې كرنيزې ځمكې لري؛ خو د اوبه خوړ د غوره سيستم نشتوالي خلك اړ كړي ، چې له ځمكو ناوړه او ناسمه گټه پورته كړي.
د يادونې وړ ده، چې همدا اوس د هېواد اته ميليون هكتار ځمكه د كرنې لاندې ده، چې پېنځه ميليون هكتار يې اوبه لري او پاتې نوره للمي كرل كيږي.