سیمه ییز خبرونه
په هېواد كې د نفوسو له زياتيدو سره د جرمونو كچه هم لوړه شوې
د افغانستان د احصايې ملي اداره وايي، چې په تېر يو كال كې د جرمونو كچه دوه برابره زياته شوې ده .
د احصايې ملي ادارې د افغانستان اوسنۍ نفوس اوه ويشت ميليون اټكل كړى دى.
دغه شمېر ښييي، چې د ۱۳۹۰ل كال په پرتله په ۱۳۹۱ل كال كې د افغانستان نفوس پېنځه سوه زره تنه زيات شوى دى.
د ازادو رسنيو ملاتړ ادارې مشر وحيد الله توحيدي وايي:
د وركړ شوي رپوټ له مخې، د قتل ، غلا ، اختطاف، اختلاس، له زندان څخه تېښتې، د نشه يې توكو قاچاق، رشوت، وهلو ټكولو، قمار، زنا، جعل او نور گڼ جرمونه په ۱۳۹۰ل كال كې د ۱۳۹۱ كال په پرتله دوه برابره زيات شوي دي.
كه څه هم يو شمېر كار پوهان په هېواد كې د جرمونو د كچې لوړيدل د اندېښنې وړ بولي؛ خو د كورنيو چارو وزارت وياند صديق صديقي وايي، چې:
د تېر كال په پرتله په روان كال كې د جرمونو كچه ټيټه ده، خو د جرمونو د شمېر وړاندې كول د احصايې د دارې كار نه دى.
كارپوهان وايي، چې په اوسني افغانستان كې بايد د احصايې اداره د هېواد د نفوسو شمېر معلوم كړي.