سیمه ییز خبرونه
په واشنگټن كې د افغانستان د خپلواكۍ ۹۲ كليزه په ځانگړيو مراسمو ونمانځل شوه
په هغه غونډه كې، چې په همدې وياړ جوړه شوې وه؛ په امريكا كې د افغانستان د سفارت د كاركوونكيو تر څنگ يو شمېر امريكايي چارواكو او د افغانساتان د سوداگرۍ وزيرانوارالحق احدي گډون درلود، په ياده غونډه كې د افغانستان او پاكستان لپاره د امريكا ځانگړى استازى مارك گروسمن وايي، چې:
امريكا په افغانستان كې د سولې او امنيت د ټينگښت لپاره ژمنه ده.
په واشنگټن كې د آريانا راډيو – ټلويزيون خبرياله نذيره عظيم كريمى څرگنده كړې، چې:
په امريكا كې د افغانستان د آزادۍ د ۹۲ غونډې كوربه توب په دغه هېواد كې د افغانستان د سفارت چارواكو په غاړه درلود .
په ياده غونډه كې د افغانستان د سفارت د كاركوونكيو تر څنگ د افغانستان او پاكستان لپاره د امريكا ځانگړي استازي ليون گروسمن، د افغانستان د سوداگرۍ وزير، د افغانستان د كورنيو چارو پخواني وزيرعلي احمد جلالي او په امريكا كې يو شمېر مېشتو افغانانو برخه درلوده .
په غونډه كې يو شمېر افغان تاريخي آثار او ملي كالي، چې ښځو او نجونو اغوستي وه د غونډې رنگ بدل كړى و.
غونډه په امريكا كې د افغانستان د سفير محمد اكليل حكيمې له خوا ميلمنو ته په ښه راغلاست پيل شوه او زياته يې كړه :
په داسې حال كې، چې اوس هم يو شمېرستونزې شته، خو بيا هم افغانان د خپل هېواد د خپلواكۍ ۹۲ كليزه نمانځي .
د افغانستان او پاكستان لپاره د امريكا ځانگړي استازي، چې په واشگټن كې يې د افغانستان د سفارت د كاركوونكيو او د يو شمېرافغان او امريكايي ډيپلوماټانو ترمنځ خبرې كولې وويل، چې:
امريكا په تېرو څو كلونو كې كوښښ كړى، چې له ترهگرۍ او ترهگرو سره جدي مبارزه وكړي او دا هڅې به همداسې روانې وي .
نوموړى وايي، چې:
امريكا په افغانستان كې د سولې د راوستو او د يو پياوړي حكومت رامنځته كولو ته هم ژمن دى .
د افغانستان د سوداگرۍ وزيرانوار الحق احدي، چې د امريكا د سوداگرۍ د خونو په بلنه امريكا ته تللۍ د افغانستان د راتلونكې لپاره يې خوښي او هيله ښكاره كړه.
په امريكا كې د افغانستان د خپلواكۍ ۹۲ كليزه په داسې حال كې نمانځل كيږي، چې اوس هم دا هېواد له ناامنيو او تاوتريخوالي سره مخ دى.
د غونډې برخه والو هيله وښوده، چې د امنيتې ستونزو او تاوتريخوالو په ختيمدو به دا مراسم په نور هم په شاندره توگه تر سره شي
سیمه ییز خبرونه
پوتین د ولسمشرۍ بله ۶ کلنه لوړه وکړه
د روسیې ولسمشر ولادیمیر پوتین د سې شنبې پر ورځ د غویی اتلسمه په کرملین ماڼۍ کې د یو لړ مراسمو پر مهال د دغه هېواد د ولسمشر په توګه خپل نوی شپږ کلن پېر پیل کړ.
پوتین له دې مخکې څلور ځله د روسیې د اساسي قانون د ساتنې لوړه کړې ده.
ولادیمیر پوتین له ۱۹۹۹ ز.کال راپدیخوا د روسیې په سیاسي ډګر کې د ولسمشر یا لومړي وزیر په توګه خپل واک ساتلی دی.
۷۱ کلن پوتین په تېر مارچ کې د روسیې د ولسمشریزو ټاکنو ګټونکی وپېژندل شو.
د هغه تر ټولو نومیالی سیال الکسي ناوالني یوه میاشت مخکې د شمالي قطب په یوه زندان کې ناڅاپه مړ شو.
د الکسي ناوالني میرمنې په یوټیوب کې د ولسمشرۍ د لوړې له مراسمو مخکې یوه ویډیو خپره کړه؛ پوتین یې ظالم او قاتل یاد کړی او له پلویانو یې وغوښتل، چې د پوتین پر وړاندې مبارزه روانه وساتي.
امریکا، بریټانیا او یو شمېر نورو هېوادونو د پوتین د لوړې له مراسمو ډده کړی ده.
د امریکا بهرنیو چارو وزارت ویاند مټیو میلر د دوشنبې پر ورځ ویلي: مونږ به د هغه د لوړې په مراسمو کې استازی ونلرو. مونږ د [روسیې] ټاکنې ازادې او عادلانه نه ګڼو؛ خو پوتین د روسیې ولسمشر دی او په اټکل کیږي، چې خپل کار به روان وساتي.
د آلمان خبري آژانس او د اروپايي اتحاديې د ډيپلوماتانو د څرګندونو له مخې؛ ځينو هېوادونو لکه فرانسې، هنګري او سلواکیا د پوتين د لوړې مراسمو ته د اړیکو د ساتلو لپاره خپل استازي استولي دي.
ولادیمیر پوتین، چې لږ تر لږه ۲۵ کاله په واک کې پاتې دی؛ تر ۲۰۳۰ پورې به د روسیې د ولسمشر په توګه خپلې دندې ترسره کوي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
-
تازه خبرونه4 days ago
د پاکستان خاوره د افغانستان پر ضد کارول کیږي
-
نړۍ5 days ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه4 days ago
د سې شنبې پر ورځ خراسان او سرخ پوشان لوبډلو لوبه وګټله
-
سوداگري3 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
تازه خبرونه5 days ago
دولتي بنسټونه د برښنا له شرکت څخه یو نیم میلیارډ افغانۍ پوروړي دي
-
لوبی3 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه4 days ago
په بدخشان ولایت کې ماین چاودنې ۸ کسانو ته مرګ او ژوبله اړولې
-
تازه خبرونه3 days ago
تېر کال پر زړه د سوريو ۷۰۰ ماشومانو درملنه وشو – سره میاشت