سیمه ییز خبرونه
په پلخمري كې سيلابونو خلك زيانمن كړل
د بغلان ولايت چارواكي وايي، په پلخمري كې باران او سيلاب دوه تنه مړه او سلگونه كورونه وران كړل.
د بغلان والي سلطان محمد عبادي او د طبيعي پېښو په وړاندې د مبارزې رييس محمد نصير كهزاد په ډاگه كړه، چې له زيانمنو كورنيو سره هرډول مرستې ته چمتو دي.
ښاغلى كهزاد وايي، تراوسه په دې سيلابونو كې د زيانمنو كسانو كره شمېر څرگند نه دى.
زيانمن شوي كسان له دولت څخه د مرستې غوښتنه كوي.
دغه راز سيلاب د بغلان ولايت د ټاكنو خپلواك كميسيون د رايو زيرمې هم زيانمنې كړي دي.
په بغلان ولايت كې د ټاكنو خپلواك كميسيون سيمه ييز مشر امان الله حبيبي وايي:
كه څه هم د ټاكنو د پايلو يوه كاپي مركز ته ليږل شوې، خو سيلاب د رايو له ۳۰۰ څخه ډېرې كڅوړې زيانمنې كړي دي.
نوموړى دغه زيان د رايو پر پايلو بې اغېزې بولي.
له بلې خوا د دغه ولايت په دوشي، بنو، ده صلاح او پلحصار ولسواليو كې هم سيلابونو خلكو ته مالي زيانونه اړولي او نښلوونكي لارې يې تړلې دي.