تازه خبرونه
په کابل کې وژنو او چاودنو بېلابېلې پوښتنې او اندېښنې راپورته کړي
په کابل کې هدفي وژنو، د نښلیدونکیو ماینونو چاودنو او د ترور پېښو ډېرېدو ګڼې پوښتنې او اندېښنې راپورته کړي دي.
د ولسمشر د لومړي مرستیال د معلوماتو له مخې: له تېرو څلیریشت ګړیو راپدیخوا په کابل کې څلور هدفي بریدونه رامنځته شوي دي.
نوموړي زیاته کړې؛ د افغانستان بانک کارکوونکیو پر موتر د ماین چاودنه، په پغمان کې د یوه افسر وژنه، په قرباغ کې د یوه سرتېري ترور هغه هدفي بریدونه دي، چې په تېرو ۲۴ ګړیو کې رامنځته شوي دي.
د یکشنبې پر ورځ ( د لړم ۱۸) هم د کابل په څرخي پله په اړوند سیمه کې د ملي دفاع وزارت د پېژنوال یاور حنیف الله ترور شو.
ځينې پدې باور دي، چې دا ډول هدفي وژنې د طالبانو د استخباراتي جګړې یوه برخه ده او امنیتي ادارې یې په مخنیوي کې کمزورې پاتې دي.
د زیاترو دغو پېښو مسوولیت څوک پر غاړه نه اخلي؛ خو د ملي دفاع وزارت پخوانی مرستیال مراد علي مراد وايي، چې هدفي وژنې د طالبانو د استخباراتي جګړې یوه برخه ده، چې له یوې خوا حکومت ناکاره ښیي او له بلې خوا طالبانو ته په قطر کې د پام وړ موقف ور په برخه کوي.
امین رضايي دوه دېرش کلن او کورنۍ سرپرست و، چې د ولسمشر د لومړي مرستیال په باور په هدفي برید کې ووژل شو.
رضايي د افغانستان بانک سره د دیارلس زره افغانیو په بدل کې د موتر چلوونکي دنده پر مخ وړله.
د امین رضايي ورور حمید رضايي وایي؛ له امین څخه درې کلنه ریحانه او یو کلن رامین یتمیان پاتې شول او میرمن یې کریمه رضایي کونډه شوه.
د کورنیو چارو وزارت ویاند طارق آرین د دغو ډول هدفي وژنو پړه پر وسلوالو طالبانو او حقاني شبکې ور اچوي او وایي، چې تر شا یې استخباراتي موخې دي.
په کابل کې د شنبې پر ورځ د نښلیدونکي ماین په چاودنه کې د افغانستان بانک دوه لوړ پوړي کار کوونکیو او یو موتر چلوونکي ژوند له لاسه ورکړ. د دغه پېښې مسوولیت کومې ډلې پر غاړه ندی اخیستی.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
نړۍ23 hours ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ