تازه خبرونه
په ګردېز ښار کې موتر بم برید درې کسان وژلي او ۱۹ نور ټپیان دي
د پکتیا په ګردېز ښار کې موتر بم چاودنې د امنیتي ځواکونو لږ تر لږه درې کسان وژلي او ۱۹ ملکي وګړي ټپیان شوي دي.
د پکتیا د والي ویاند عبدالرحمن منګل ویلي؛ چاودنه د لومړۍ امنیتې حوزې په لین ګردیز – خوست سیمه کې رامنځته شوې ده.
د نوموړي د څرګندونو له مخې؛ دغه موتربم د امنیتي ځواکونو پر ګزمه رامنځته شوی دی.
په ورته وخت کې د پکتیا والي حلیم فدايي ویلي، چې برید طالبانو تر سره کړی دی.
طالبانو تر دې دمه پدې اړه څه ندي ویلي.