سیمه ییز خبرونه
په ۲۰۱۷م كال كې د يو لړ گډوډيو وړاندوينه شوې
د امريكا يو استخباراتي تازه رپوټ په ۲۰۱۷ كال په افغانستان كې د يو شمېرگډوډيو او وروسته تگ وړاند وينه كړې ده.
ددغه رپوټ په اساس ويل شوي، چې كه د افغانستان او امريكا تر منځ امنيتي تړون لاسليك نه شي؛ نو د افغانستان په حالت كې به د پام وړ خرابوالۍ راشي.
د افغان دولت او نړيوالې ټولنې له خوا تر لاسه شوې لاسته راوړنې اوس هم له گواښونو سره مخ دي.
يو چارواكي، چې دغه رپوټ لوستې واشنگتن پوست ته ويلي:
د دوامداره مالي او پوځي ملاتړ پرته به د افغانستان حالت ډېر ژر خراب شي.
د ولسي جرگې غړى فكوري بهشتي وايي: دا يو رواني جنگ دى.
د ولسي جرگې غړې ناهيد فريد وايي:
د زرگونه امريكايي سرتېرو د حضور او له كابل سره د مالي مرستو له دوام سره سره به بيا هم وسلوال طالبان او زورواكان خپل نفود وساتي.
د افغانستان د بهرنيو چارو وزارت وياند جانان موسي دا رپوټ بې ارزښته بولي او زياتوي، چې دا ډول رپوټونه ډېر وخت نا سم وي.
سپنې ماڼۍ د دغه رپوټ په اړه له څه ويلو ډډه كړې.
افغانستان به تر راتلونكې يوې ورځې پورې د بهرنيو ځواكونو د حضور ورستى كال پاى ته ورسوي او افغان امنيتي چارواكو ته به به د ټول هېواد د امنيتي مسووليتونو د ليږد وروستى پړاو پيل شي.