Connect with us

سیمه ییز خبرونه

پوليسو سيمن باركزۍ له تاوتريخوالي پرته روغتون ته ليږدولې- صديقي

خپور شوی

د

(Last Updated On: لړم ۳, ۱۴۰۱)

له قانون څخه ملاتړ پارلماني ائتلاف د پوليسو له خوا روغتون ته د سيمين باركزۍ ليږدول د اساسي قانون خلاف گڼي.

له قانون څخه د ملاتړ د ائتلاف رييس ظاهر قديروايي :

د پارلمان پرحريم د بريد له كبله له دې وروسته د كورنيو چارو د وزيرد كار دوام د خلكو له گټو سره په ټكركړى دى.

دې ائتلاف يوځل بيا پخپله قانوني مبارزه ټينگاركړى او له نړيوالو بنسټونو يې غوښتي، چې د دولتي چارواكو د دې كار په وړاندې جدي اقدام وكړي.

د كورنيو چارو وزارت وايي:

دا كار يې د سيمين باركزۍ او د هغې د ملاتړو د ژوند د خونديتوب په خاطر كړى دى.

د مدني ټولنې غړي هم خبر دارى وركوي، چې:

دوى به د عدالت د ټينگښت په موخه په پراخو حركتونو لاس پورې كړي.

د افغانستان امنيتي ځواكونه د جمعې په شپه(دتلې په ۲۱) د سيمن باركزۍ د اعتصاب خيمې ته ورغلل او هغه يې په وچ زورد سردارمحمد داودخان روغتون ته وليږدوله.

له قانون څخه ملاتړ پارلماني ائتلاف د پوليسو دا كار په كلكو ټكو غندي او هغه يو وحشيانه عمل نوموي.

د كورنيو چارو وزارت وياند صديق صديقي وايي:

له دوى سره داسې اطلاعات موجود ول، چې مخالفين غواړي پرميرمن باركزۍ او د هغې پر ملاتړو وسله وال بريد وكړي.

له بلې خوا هغه  له دې كسانو سره د پوليسو هرډول تاوتريخوالى ردوي.

د مدني ټولنې غړي طوفان وزيري او اجمل سهيل د حكومت دا كارغندي او ټينگاركوي، چې:

د ولسمشرحامد كرزي، ملي شورا، د امريكا ولسمشربارك اوباما او ملگرو ملتونو د عمومي منشي بانكي مون په نامه به څلور پرانيستې ليكونه وليږي .

سيمين باركزۍ نږدې دوه مياشتې مخكې د ولسي جرگې له اته نورو غړيو سره د ټاكنو خپلواك كميسيون د پرېكړې له مخې د ولسي جرگې غړيتوب له لاسه وركړ او له ديارلس ورځو راپدې خوا د دې كارپه غبرگون كې يې غذايي اعتصاب پيل كړ، خو په دولسمه ورځ يې د ولسمشر په فرمان د خپلې دوسيې د څېړنې په موخه د يوه پلاوي د گومارنې غوښتنه كړې وه

Advertisement
Click to comment

Leave a Reply

Your email address will not be published. Required fields are marked *

سیمه ییز خبرونه

د مسکو د برید تر شا امریکا، بریټانیا او اوکراین لاس لري – FSB

Published

on

(Last Updated On: وری ۸, ۱۴۰۳)

د روسیې د فډرالي امنیتي خدماتو (FSB) رییس الکساندر بورتنیکوف د سې شنبې پر ورځ څرګنده کړې؛ امریکا، بریټانیا او اوکراین د مسکو د وسله‌وال برید تر شا لاس لري، چې په کې لږ تر لږه ۱۳۹ کسان ووژل شول.

اوکراین په دې برید کې، چې پړه یې داعش وسله‌والې ډلې منلې؛ د روسیې تورونه رد کړي دي.

رویټرز راپور ورکړی، چې لویدیځو هېوادونو ویلي؛ د دوی استخباراتي څرګندونې ښیي، چې د داعش افغان څانګه د برید مسووله ده.

روسیې د شنبې پر ورځ ویلي، چې مسکو ته نږدې یې د کنسرت په یوه تالار کې يې پر ډزو او وژنې تورن ټول څلور وسله‌وال نیولي دي.

داعش د جمعې د ورځې د وسلوال برید پړه پر غاړه واخیسته؛ خو داسې نښې نښانې شته، چې روسیه یې له اوکراین سره اړیکې څاري. په داسې حال کې، چې اوکرایني چارواکې په کې لاس لرل ردوي.

د مسکو والي اندرې وروبیوف ویلي؛ په ۲۴ ساعتونو کې له کنډوالو څخه ۱۳۳ جسدونه را ایستل شوي او ډاکټران د ۱۰۷ کسانو د ژغورنې لپاره مبارزه کوي.

د دولتي ټلویزیون مدیره مارګریتا سیمونیان پرته له دې، چې سرچینې ته نغوته وکړي؛ د ځاني زیان شمېر ۱۴۳ ښودلی و.

پوتین په یوه ټلویزیوني وینا کې ویلي، چې د څلورو وسله‌والو په ګډون ۱۱ کسان نیول شوي دي.

نوموړی وایي: هغوی د پټېدو هڅه وکړه او اوکراین ته پر لاره ول او د لومړنیو معلوماتو له مخې د اوکراین له لوري د دوی لپاره یوه لار چمتو شوې وه، چې د دولت له پولې تېر شي.

د روسيې د FSB ادارې ويلي، وسله‌والو له اوکراين سره اړيکې درلودې او له پولې سره نږدې نيول شوي دي. د رویټرز د راپور له مخې؛ دوی مسکو ته لېږدول شوي دي.

له دې مخکې د روسیې بهرنیو چارو وزارت ویاندې ماریا زخاروا ویلي وه، چې داعش د امریکا پر دښمنانو برید کوي.

Continue Reading

سیمه ییز خبرونه

په بلوچستان کې د پاکستان د بحري ځواک پر هوايي اډه وسلوال برید وشو

Published

on

(Last Updated On: وری ۷, ۱۴۰۳)

د پاکستان د بلوچستان ایالت په تربت ښار کې د پاکستان د بحري ځواکونو پر هوایي ډګر ډله‌ییز وسله‌وال برید شوی دی.

د پاکستان سیمه‌ییزو رسنیو د پاکستان د اړوند چارواکو د څرګندونو له مخې په ډاګه کړې؛ امنیتي ځواکونو د دوشنبې پر شپه د بلوچستان ایالت د بحري ځواکونو په یوه هوايي اډه کې شپږ وسلوال وژلي دي.

ډان ورځپاڼې د مکران د کمشنر سعید احمد عمراني د څرګندونو له مخې ویلي، چې د تربت هوايي ډګر په شاوخوا کې د ډزو او درندو چاودنو راپورونه ورکړ شوي دي.

نوموړي ویلي: وسله‌والو پر هوايي ډګر له درې خواوو څخه بريد وکړ؛ خو امنيتي ځواکونو سمدستي ځواب ورکړ او د هغوى د ورننوتلو هڅه يې شنډ کړه.

نوموړي د مرګ او ژوبلې په اړه کره شمېر څرګند نکړ؛ خو وایي، چې تر دې دمه د سیمې روغتون ته کوم مړى او ټپي ندى رسېدلى.

پي این ایس صدیقي، چې د پاکستان تر ټولو لویه بحري هوايي اډه ده؛ د برید موخه وه.

امنیتي چارواکو د دوشنبې پر شپه ویلي، د تربت هوايي ډګر له پولې بهر “شپږ ترهګر وژل شوي”، چې ورسره د اډې امنیت ډاډمن شوی دی.

هغه زیاته کړې: د حساسو بحري تاسیساتو د زیان راپور هم نلرو.

د سیمې خلکو ویلي؛ په تربت ښارګوټي کې د ۱۲ چاودنو غږونه اورېدل شوي او ډزې، چې د شپې له شاوخوا لس بجو پیل شوې د شپې تر ناوخته روانې وې.

د بلوچستان ازادي غوښتونکي اردو د دې برید پړه منلې ده.

Continue Reading

سیمه ییز خبرونه

د هند یوې محکمې په خپل ګڼ یو ‌میشته ایالت کې پر مدرسو بندیز ولګاوه

Published

on

(Last Updated On: وری ۵, ۱۴۰۳)

په هند کې یوې محکمې د دغه هېواد له وګړیو څخه په ډک ایالت کې پر مدرسو بندیز لګولی، چې دا کار کولی شي له عمومي ټاکنو مخکې د ډېرو مسلمانانو او د لومړي وزیر نریندرا مودي د حکومت ترمنځ درز رامنځته کړي.

د رویټرز د څرګندونو له مخې؛ یوې هندي محکمې په اترپردیش ایالت کې د ۲۰۰۴ ز. کال د ښوونځیو قانون لغو کړ او څرګندوي، چې دا قانون د هند د اساسي قانون له سیکولریزم څخه سرغړونه ده. محکمې سپارښتنه کړې، چې د مدرسو زده‌کوونکیو ته دې په ښوونځیو کې زده کړې ورکړ شي.

د دغه ایالت د ښوونځيو د مدرسو د ښوونې او روزنې بورډ مشر افتخار احمد جاوید، چې د ۲۴۰ میلیون وګړو پېنځمه برخه یې مسلمانان دي؛ ویلي، چې د اله‌آباد د سترې محکمې دغه پرېکړه په ۲۵ زره مدرسو کې ۲ اعشاریه ۷  میلیون طالبان او ۱۰ زره استادان اغېزمنوي.

هند به د اپریل او جون تر منځ عمومي ټاکنې ترسره کړي، چې تمه کیږي د مودي بهارتیا جنتا ګوند به یې وګټي. مسلمانانو او د بشري حقونو ډلو د دغه ګوند ځینې غړي د کرکې پر خپرولو او د مسلمانانو د ملکیتونو پر ړنګولو تورن کړي دي.

دا په داسې حال کې ده، چې لومړی وزیر نریندرا مودي په هند کې د مذهبي تبعیض شتون ردوي.

 

Continue Reading

Trending

Copyright © 2022 Ariana News. All rights reserved!