سیمه ییز خبرونه
پوليسو يوه هلمندۍ ښځه له سړي تښتوونكيو وژغورله
په افغانستان كې سړي تښتونه له ښځو سره د تاوتريخوالي يوه بله بڼه ده، چې اوس مخ په ډېريدو ده.
له هلمند ولايت څخه سړي تښتوونكيو شريفه نومې جوزجان ولايت ته راتښتولې، چې په دې ولايت كې پوليسو د هغو له منگولو ژغورلې ده.
د شريفه نومې په وينا، د شپې ناپېژندي وسلوال په كور ورننوتل او له بېهوشه كولو وروسته يې وتښتوله.
د كورنيو چارو وياند صديق صديقي وايي:
په جوزجان ولايت كې شريفه نومې ښځه له تښتووونكيو څخه پوليسو ژغورلې ده.
دغه راز نوموړى په بغلان ولايت كې د يو پوليس له نيولو هم خبر وركوي، چې دوه ښځې يې تښتولې وې.
دغه دوه ميرمنې څو مياشتې وړاندې د دې ولايت له ده صلاح ولسوالۍ تښتول شوې وې، چې يوه يې وژل شوې او د بلې په اړه معلومات نه دي تر لاسه شوي.
همدارنگه دغه وزارت له ښځو سره د تاوتريخوالى په وړاندې د گړنديو هڅو له پيلولو خبر ور كوي.
د كورنيو چارو وزارت په وينا، د ښځو په وړاندې د تاوتريخوالي مخنيوى يې په لومړيتوبونو كې راغلى دى.