سیمه ییز خبرونه
ځانگړيو گټو د پوليسو ولسي ځواك زيانمن كړى
د افغانستان د کورنیو چار وزارت د خلکو او پولیسو تر منځ د نږدیوالی او د خلکو د اندېښنو او وېرې د له منځه وړلو په موخه د سه شنبې په ورځ(د غويى۳) د بشري حقونو، مدني ټولنو او کار پوهانو په گدون لومړنۍ مشورتی شورا جوره کړه.
د مدني ټولنو يو شمېرغړي وايي:
د قانون نه حاكميت، ناوړه چلند او له ملي شتمنيو ځانگړې گټه هغه ستونزې دي، چې د خلكو او پوليسو ترمنځ يې واټن رامنځ ته كړى او خلكو پر پولسيو خپل باور له لاسه وركړى دى.
د افغانستان د كورنيو چارو وزارت وايي:
تر راتلونکيو لس کلونو به ملي پوليس غښتلي، مسلكي، ولسي، ځواكمن او د خلكو د باور وړ ځواك شي.
د کورنیو چار وزیرمجتبى پتنگ په پولیسو کي شته ستونزی مني او وایي، چې:
هڅه مو داده، چي په راتلونکيو لس کلونو کي یو شمېر پولس مسلکي او له وسلې پرته د قانون د پلي کولو لپاره خدمت وکړي.
د نوموړي په وينا، د ملي پوليسو په پياوړتيا به په پولو كې له ملي اردو سره يو ځاى د خلكو فيزيكي او سياسي امنيت ټينگ او له نورو هېوادونو څخه به د تنظيم شويو جنايتونو مخنيوى وشي.
د چارواكو په وينا، د پولیسو د سمون لپاره څه نا څه ۱۰۲ بیلا بیلې پاليسۍ جوړې شوي، چې د ملي پوليسو د وړتياوو په لوړولو به تر ډېره په هېواد كې شته ستونزې حل شي.