تازه خبرونه
ځينو ټولنيزو بنسټونو او كابل ښاريانو د بدخشان له زيانمنو سره مرسته وكړه
د بهاوي بڼسټ رییس نثاراحمد بهاوي وايي ، په كابل ښار كې د دې طبيعي پېښې له زيانمنو شويو سره د ځینو ټولنيزو بنسټونو او كابل ښاريانو له خوا هم د مرستو را ټولو كمپاين پيل شو.
د کابل ښار مرسته کوونکي محمد نادر عزیزي او سید شعیب سادات وايي، دا مو ايماني دنده او مسووليت دى، چې د بدخشان د وروستۍ پېښې له زيانمنو شويو سره مرسته وكړو.
دا مرستې د مشعل پوهنتون، بهاوي بڼسټ او ځينو كابل ښاريانو له خوا غونډې شوي دي.
دوي په نورو هېواد والو هم غږ كوي، چې د دې پېښې له زيانمنو شويو سره مرستو ته را ودانګي او د بهرنيانو په تمه پاتې نه شي.
دې بنسټونو او كابل ښـاريانو زيانمنو شويو كورنيو ته نغدې پیسې او يوه اندازه خوراكي او نور اړين توكي ځانګړي كړي دي.