پرمختګ او بشپړتیا
څه د پاسه ۱۵ زره راستنیدونکیو ته کاري زمینه رامنځته شوې-کریمي
(Last Updated On: لړم ۲, ۱۴۰۱)
د کلیو او پراختیا وزارت د ۹ ولایتونو څه د پاسه ۱۵ زره راستنیدونکیو ته کاري زمینه رامنځته کړې ده.
د کلیو او پراختیا وزیر مجیب الرحمن کریمي وایي، په ۹ ولایتونو کې د ۱۵ زره راستنیدونکیو لپاره د کاري بوختیاوو د رامنځته کولو لپاره د غالۍ اوبدلو وسایل وېشل شوي دي.
د نوموړي په وینا؛ د بېرته راستنیدونکیو لپاره د کاري بوختیاوو لپاره څه د پاسه ۵ زره د غالۍ اوبدلو وسایل او کارګاوې چمتو شوې دي.
د غالیو اوبدلو د مرکزونو د جوړولو مسوول سید عباس وایي، د غالیو اوبدلو د اړتیا وړ توکي به تر درې میاشتو چمتو شي.
ویل کیږي هر کال په هېواد کې څه باندې یو میلیون متر مکعب غالۍ اوبدل کیږي؛ خو دغه غالۍ د پوره ظرفیت د نشتون له کبله د افغانستان له نښې پرته ګاونډ هېوادونو ته لیږدول کیږي او بیا دا غالۍ نورو هېوادونو ته د خپل هېواد پر نوم او مارک صادروي.