کوید۱۹
کرونا له ۹۰ سلنې څخه په ډېرو هېوادونو کې روغتیايي چارې ګډوډ کړي – راپور
د روغتیا نړیوالې ټولنې راپور ورکوي، چې د کرونا ویروس خپریدو د ۱۲۹ هېوادونو ۹۲ سلنه روغتیایي چارې اغېزمنې کړې دي.
دې ټولنې ویلي، چې د ایډز واکسین او درملنې پروګرام هم اغېزمن شوی دی.
د روغتیا نړیوالې ټولنې د ۲۰۲۱ کال له نومبر څخه تر ډسمبر پورې یوه سروې کړې، چې ښیي تېر کال روغتیایي خدمات اغېزمن شوي دي.
د دې سروې پایلې د روغتیایي سیسټم پر وړاندې د لویو ننګونو د حل لپاره بېړنۍ لارې چارې پر ګوته کوي. دغه راز د روغتیایي چارو بیا رغونه او د کرونا ویرس د اغېزو کمولو لپاره هڅې کوي.
د راپور له مخې، په ۳۶ سلنه هېوادونو کې د بیړنيو پاملرنو په ګډون د امبولانس کاري آسانتیاوو خرابې شوې دي.
رویټرز زیاته کړې، چې د زنګون او ورون د بدلولو د غوراوي چارې هم په ۵۹ سلنه هېوادونو کې ګډوډې شوې دي.