Connect with us

تازه خبرونه

که په څارنوالۍ کې له لس دقیقو ډېر پاتې شم، هېواد به اور واخلي-سید اسحاق ګیلاني

خپور شوی

د

(Last Updated On: لړم ۲, ۱۴۰۱)

د افغانستان د خلکو د ملي نهضت مشر سید اسحاق ګیلاني څه موده وړاندي په اسلام آباد کي یوې ناستې ته ویلي وه، چی هند د افغانستان له خاورې د پاکستان پر ضد کار اخلی، چي وروسته بیا ملی امنیت د هغه خبرې د هېواد د ملي ګټو خلاف وبللی او له همدې کبله د خپلو وروستیو څرګندونو له کبله لویې څارنوالۍ غوښتی و، چې توضیحات ورکړي.

ښاغلی ګیلاني د سې شنبې پر ورځ(د وري ۱۴) له خپلو یو شمېر پلویانو او مریدانو سره د دې بنسټ د ملي امنیت څانګې ته ورغی او داسې ګواښ یې کړی دی: په ښکاره وایم، چې که په څارنوالۍ کې له لس دقیقو ډېر پاتې شم، هېواد به اور واخلي!

د افغانستان د خلکو د اسلامي نهضت رییس سید اسحاق ګیلاني په لویې څارنوالۍ کې شل دقیقې تېرې کړې او  له دې ادارې څخه یې د راوتو پر مهال وویل: زمونږ په خاوره کې هم هندیان، هم پاکستانیان، هم امریکایان او هم انګلیسان لاسوهنه کوي. د امریکایانو بې پلوته الوتکو د افغانستان له خاورې الوت کړی او د پاکستان خاوره یې بمبارد کړې او یو شمېر خلکو ته یې زیانونه اړولي دي. اوس پاکستان د دغو بریدونو قصد له امریکایانو اخیستلی نشي او هغه د افغانستان له بېوسي ملته اخلي.

نوموړی اوس هم پخپلې خبرې ولاړ دی او وایي: هند او امریکا د خپلو ګټو لپاره په افغانستان کې حضور لري.

ښاغلي ګیلاني تر اوسه د لویې څارنوالۍ غوښتنو ته ځواب نه دی ورکړی؛ خو یو زیات شمېر پلویان یې، چې د څارنوالۍ ملي امنیت ته ورغلي وه او ضرب الاجل یې هم وټاکه وایي، چې ولې یې مشر لویې څارنوالۍ غوښتی دی؟

اعتراض کوونکی نورآغا منګل وایي: ښاغلي ګیلاني حقیقتونه څرګند کړي او حکومت باید د هغه په وړاندې ناسم ګام پورته نکړي.       

زیارمل نومي یو بل اعتراض کوونکي ویلي، چې: حکومت د ښاغلي ګیلاني په وړاندې د دسیسې جوړولو هڅه کوي؛ مونږ یې مریدان یو او دا اجازه نه ورکوو.

د افغانستان د ساداتو قومي شورا رییس سید ناصرعطایي وایي: د پیر صاحب په خبرو کې هیڅ شک نشته. دا رښتیا دي. په افغانستان کې دننه زرګونه لاسونه کار کوي او مونږ هم پرې پوهیږو.       

لویه څارنوالۍ وایي، د ګیلاني دوسیه د څېړنې په حال کې ده.

د لویې څارنوالۍ ویاند جمشېد رسولي زیاتوي:  زمونږ همکارانو د هغه په اړه څېړنې کړي او اوس هم روانې دي. د خوښۍ ځای دی، چې نوموړي نن د ملي امنیت څانګې ته ورغی، له قانون څخه سرغړونه رامنځته نشوه او دا یوه غوره کړنه ده.      

ښاغلی ګیلاني پخپلو  خبرو ولاړ دی او له افغان حکومت غواړي، چې نور هېوادونه لاسوهنو ته پرینږدي.

خبریال: علي اصغري

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!