سیمه ییز خبرونه
۳۴ كاله وړاندې پخوانې شوروي اتحاد پر افغانستان يرغل كړى و
نن د مرغومي پېنځمه، چې پر افغانستان د پخوانې شوروي د يرغل له څلوردېرشمې كليزې سره برابره ده.
څلور دېرش كاله وړاندې په همدې ورځ د پخوانې شوروي پوځ د افغانستان د يرغل لپاره كار پيل كړ او د افغانستان خاورې ته را د ننه شول.
د ۱۳۵۸ل كال د مرغومې په شپږمه كابل د سرو لښكرو د لومړۍ جوپې شاهد ول او په دغه شپه د الوتكو زړه بوگنونكي غږونه اوريدل كيدل.
ډېرى په دې نه پوهيدل، چې څه پېښ شوي. سهار د حفيظ الله امين په وژل كيدو سره ټولو د يرغل احساس وكړ.
د كابل يو تن اوسيدونكى جان علي وايي:
شوروې د افغانستان يو شمېر برخې ونيولې او ورو ورو يې په دغه هېواد كې د خپلو سرتېرو شمېر سل زره كسانو ته ورساوه.
افغانانو، چې له دې وړاندې يي د بريتانيا يرغل مات كړى و د دوى په وړاندې يې مقاومت وكړ او بلا اخيره يې دغه ښكېلاك هم مات كړ.
پوځي كارپوه جاويد كوهستاني وايي:
شوروي د دغه يرغل تر شاه سترې موخې درلودې؛ فارس خليج ته لاس رسى او د هندوستان تودو اوبو ته ځان رسول د دوى له مهمو موخو بلل كيږي.
د نوموړي په وينا، د ميليونونو كسانو وژل كيدل، مهاجر كيدل او همدا راز په افغانستان كې د جگړې دوام پر افغانستان د شوروي د يرغل پايله بلل كيږي.
اوس له څلور دېرش كلونو وروسته د افغانانو ژوند يو څه بدلون كړى او ماشومان پر زده كړو بوخت دي.
د شوروي د يرغل پر مهال شاوخوا يو ميليون افغانان ووژل شول او شاوخوا درې ميليون نور ټپي، معيوب او يا هم له هېواده مهاجرشوي دي؛ خو د شوروي لس كنه جگړه ناكامه شوه او روسي پوځيان له افغانستان څخه ووتل.
د يادونې وړ ده، چې تر اوسه هم په افغانسان كې جگړه روانه ده. وليدل شي، چې جگړه به كله په افغانستان كې پاى ته رسيږي .