31 سلنه افغانان د ملي یووالي حکومت ناکام دی

د افغانستان د دریم بهیر په نوم بنسټ په یوې ټولپوښتنه کې موندلې چې زیاتره افغانان د ملي یووالي حکومت راتلونکې ته هیله من دي.

په دغې سروې کې له مرکه کوونکو نه د ملي یووالي د حکومت په رول او ټاکنیزو جوړښتونو پوښتنې شوي دي.

د دغه بنسټ مسولین وایي، مرکه کونکو ټینګار کړی چې باید ټاکنیز سمونونه راشي.

د افغانستان د دریم بهیر په نوم بنسټ تازه سروې چې په شلو ولایتونو کې له ۲۵۷۱ کسانو سره شوې، په دوو برخو په کې تمرکز شوی: د ملي یووالي د حکومت لومړیتوبونه او ټاکنیز نظام.

د دغې سروې په لومړۍ برخه کې مرکه کونکو لاندیني موارد د ملي یووالي د حکومت لومړیتوبونه په  ګوته کړي دي:

28 سلنه مرکه کونکو ویلي فساد دې له منځه ولاړ شي.

9 سلنه مرکه کونکو ویلي، کاري آسانتیاوې دې رامنځ ته شي.

39 سلنه  مرکه کونکو د امتیت غوښتنه کړې.

28 سلنه   مرکه کونکو د قانون حاکمیت غوښتنه کړې.

د دغې ټولپوښتنې په بلې برخه کې د ملي یووالي د حکومت راتلونکې داسې ارزول شوې دی:

۴۳ سلنه مرکه کوووکو ویلي، د ملي یووالي حکومت بریالی دی.

31 سلنه مرکه کوووکو ویلي، د ملي یووالي حکومت ناکام دی.

26 مرکه کوووکو ویلي، نه پوهیږي.

د دغې ټول پوښتنې په دوهمه برخه کې له مرکه کونکو پوښتل شوي چې آیا د راتلونکي کال د ولسي جرګې په ټاکنو کې ګډون کوي او که نه:

65 سلنه ځواب هو و.

35 سلنه ځواب نه و.

40 سلنه مرکه کونکو ویلي چې د کمیسیون اوسني غړي دې کار ته دوام ورکړي.

او ۶۰ سلنه مرکه کونکو د نه ځواب غوره کړی دی.

دریم بهیر دولت، کورني او بهرني بنسټونه مسول بولي چې باید د ټاکنیزو ستونزو د حل لپاره  د راتلونکي کال له ټاکنو مخکې ژر عملي اقدامات وکړي.