تازه خبرونه
زابلي: د ښار جوړولو وزارت شپږو جګپوړو مامورینو محاکمه دې علني وي
لویه څارنوالۍ باید هغه پیسې مشخصې کړي چې د ښار جوړولو وزارت شپږو جګپوړو مامورینو بې ځایه لګولې او همدا راز د دغو تورنو کسانو محاکمه علني تر سره کړي.
د مشرانو جرګې د شکایتونو د رسیدګي کمیسیون رییس د دې مطلب په څرګندولو سره وایی، چې په دې قضیه کې نور کسان هم لاس لري او هغوي هم باید وپیژندل شي.
په همدې حال کې د آزادو رسنیو د ملاتړ بنسټ وایی، چې د ښار جوړولو وزارت د دغو شپږو جګپوړو تورنو کسانو د اسنادو په وړاندې کولو کې له رسنیو سره همکاري نه ده کړې.
په اداري فساد کې د ښار جوړولو وزارت د شپږو جګپوړو چارواکو لاس لرل او د بیت المال د پیسو لوټ او تالان د زیاتو اندیښنې را پارولي دي.
د مشرانو جرګې د شکایتونو د رسیدګي کمیسیون په دې نیوکه کوي چې ولې د دغو کسانو له خوا د حیف او میل شویو پیسو اندازه نه ده معلومه شوې.
د مشرانو جرګې د شکایتونو د رسیدګي کمیسیون رییس زلمی زابلي له لویې څارنوالۍ غواړي چې په دې برخه کې جدي څیړنه وکړي او خلکو ته روښانه کړي چې دغو شپږو کسانو څومره پیسې لوټ کړي دي.
بلخوا لویه څارنوالي وایی چې د شپږو تنو دوسیه په جدي توګه تر څیړنې لاندې ده او د قضیې د محرمیت له کبله دوي نه شي کولای په دې اړه ټول معلومات له رسنیو سره شریک کړي.
په داسې حال کې چې پر معلوماتو د لاس رسي قانون توشیح شوی او د دې قانون له مخې باید هر حکومتي بنسټ له رسنیو او خلکو سره معلومات شریک کړي، خو د ښار جوړولو وزارت کې د شپږو تنو د فساد په اړه زیات اسناد دې وزارت کې شته؛ خو دغه وزارت نه حاضریږي چې په دې اړه رسنیو ته لازم معلومات ورکړي.
تازه خبرونه
په بدخشان ولایت کې ماین چاودنې ۸ کسانو ته مرګ او ژوبله اړولې
کورنیو چارو وزارت تائید کړې، چې په بدخشان ولایت کې د یوه نښلېدونکي ماین په چاودنه کې ۳ امنیتي سرتېري وژل شوي او ۵ نور ټپیان دي.
د کورنیو چارو وزارت ویاند عبدالمتین قانع وايي: له بده مرغه نن له غرمې مخکې شاوخوا ۱۱ بجې د بدخشان ولایت د فیضآباد ښار د جوزون په اړوند سیمه کې پر موټرسایکل نښلول شوي ماین چاودنه کړې ده.
د عبدالمتین قانع زیاته کړې؛ دغه ماين هغه مهال چاودنه وکړه، چې د پوليسو د موټرو یو کاروان له ياد سړک څخه د کوکنارو د کښت د له منځه وړلو لپاره له سیمې څخه د تېرېدو په حال کې و.
ده زياته کړې، چې دغه پېښه د پوليسو تر څېړنې لاندې ده.
تر اوسه کومې ډلې یا شخص د دې پېښې مسوولیت پر غاړه ندی اخیستی.
تازه خبرونه
د سې شنبې پر ورځ خراسان او سرخ پوشان لوبډلو لوبه وګټله
د سې شنبې پر ورځ ( د غویي اتلسمه) د افغانستان فوټبال اتلانو لیګ د سیالیو په پېنځه دېرشمه لوبه کې د خراسان فاریاب لوبډلې کابل استقلال لوبډلې ته ۱ د صفر پر توپیر ماتې ورکړه.
د خراسان فارياب لوبډلې لوبغاړي فريد احمد يو ګول وواهه او د ميدان غوره لوبغاړی ونومول شو.
دغه راز په شپږدېرشمه لوبه کې سرخ پوشان خوافې لوبغاړو سرسبز یاشلر لوبډلې ته ۴ پر۱ ماتې ورکړه.
حبيب الله هوتک او اميد رجبي د سرخپوشانو لوبغاړو ګولونه وکړل او حبيب الله هوتک هم وتوانېد، چې د ډګر د غوره لوبغاړي نوم خپل کړي.
د نن چارشنبه د ثور نولسمه د غرمې ۱:۳۰ ابو مسلم فراه او عدالت فراه او له غرمې وروسته ۳:۳۰ بجې میوند او جوانان واحدي لوبډلې سره مخ کېږي.
د يادونې ده، چې دغه سيالۍ له آريانا ټلويزيون څخه پر ژوندۍ بڼه خپرېږي.
تازه خبرونه
د پاکستان خاوره د افغانستان پر ضد کارول کیږي
د افغانستان ملي دفاع وزارت د پاکستان د پوځ د ویاند وروستۍ ادعا، چې په پاکستان کې پر چینايي اتباعو وروستی برید د افغانستان له خاورې پلان شوی و، له حقیقته لرې بولي او پر کلکه یې ردوي.
عنایت الله خوارزمي وایي، چې داعش له پاکستان څخه د افغانستان خاورې ته را اوښتي او موخې یې له هغه ځایه تنظیم شوې دي.
د دفاع وزارت ویاند دا هم په ډاګه کړې، چې پاکستان باید دغو کړنو ته پخپله ځواب ورکړي.
د ملي دفاع وزارت وياند عنايت الله خوارزمي ويلي، د خيبر پښتونخوا په يوه سيمه کې، چې د پاکستان د پوځ تر امنيتي پوښښ لاندې ده؛ د چينايي وګړو وژل کېدل د امنیتي بنسټونو خپله کمزوري ده او یا هم له بریدګرو د دوی د همکارۍ ښکارندویي کوي.
ویل کیږي، چې اسلامي امارت په دې اړه چین ته ډاډ ورکړی او دوی هم په دې خبره پوه شوي، چې افغانان په داسې مسایلو کې ښکېل ندي.
-
تازه خبرونه3 days ago
په غور کې د سېلابونو له کبله سلګونه خلک بې ځایه شول
-
تازه خبرونه3 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه3 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه2 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
نړۍ2 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري3 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
لوبی2 days ago
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
-
نړۍ2 days ago
د غزې په جګړه کې مو د مصر او قطر د اوربند وړاندیز منلی – حماس