تازه خبرونه
طالبان: پاکستان د سولې د خبرو له پاره ورسره اړیکه نه ده نیولې
وسله والو طالبانو ويلي چې د دول له ډلې سره تر اوسه پاکستان د سولې له پاره اړيکه نه ده نيولې. تر دې مخکې پاکستان ویلي وو چې د افغانستان ټولو وسله والو مخالفو ډلو ته یې د سولې د خبرو پیغام استولی دی.
کارپوهان وايي که پاکستان اوبه خړې نه کړي، وسله وال طالبان حاضر دي چې د سولې په خبرو کې ګډون وکړي. له بلې خوا د افغانستان ولسمشرۍ ماڼۍ وايي چې دوی له هغو ډلو سره سوله نه کوي چې خلک وژني او اساسي قانون نه مني.
د افغانستان د سولې له پاره څلور ځله د څلور اړخیزو غونډو له ترسره کېدو وروسته اوس هیلې په غوړېدو دي چې ښايي د افغان حکومت او وسله والو مخالفینو تر منځ د سولې خبرې بریالۍ شي.
پاکستان چې په دې هڅو کې دا ځل تر پخوا ځان ډېر ښکېل بولي، وايي چې د افغان دولت ټولو وسله والو مخالفینو ته یې د سولې خبرو ته د تیاري پیغامونه استولي دي. له بلې خوا وسله والو طالبانو ویلي چې تر اوسه د سولې په هکله چا ورسره اړیکې نه دي نیولې.
افغان کارپوهان په دې بارو دي چې که پاکستان د سولې په خبرو کې خنډ ونه ګرځي، ښايي وسله وال طالبان د سولې خبرو ته حاضر شي.
د پوهنتون استادپوهنوال نصرالله ستانکزی وايي: “له طالبانو سره د خبرو موضوع څرګنده ده، دا د پاکستان مسولیت دی چې بايد ترسره يې کړي او د مارچ په مياشت کې به د سولې مېز په خبرو کې د طالبانو د ګډون شاهدان وو خو په دې شرط چې پاکستان خنډ جوړ نه کړي.”
د پوهنتون استادپوهاند ودیر صافی وايي: “د سولې په څلور اړخيزو خبرو اترو کې دوه ضمانت کوونکي هېوادونه چين او امريکا دي، نو په دې صورت کې پاکستان سرغړونه نه شي کولای. له همدې امله دا ځل هيله شته چې د سولې له پاره بنسټ کېښودل شي په دې سره به د سيمې ستونزې هم اوارې شي.”
د ولسمشرۍ د ویاند مرستیال وايي چې د سولې د خبرو له پاره د افغان حکومت دریځ روښانه شوی دی او یوازې له هغو ډلو سره خبرې کوي چې اساسي قانون ومني او د خلکو له وژنو لاس واخلي.
د ولسمشر د وياند مرسيتال: سید ظفر هاشمي وايي: “د افغانستان د حکومت موقف څرګند دی په دې معنی چې که دوی تاوتريخوالی پرېږدي او د اساسي قانون تر سيوري لاندې له افغان دولت سره خبرو ته حاضر شي، نو موږ بيا له دوی سره خبرو ته حاضر يو، خو هغوی چې تاوتريخوالی کوي، ځانمرګي بريدونه کړي او افغانان وژني نو د افغان نظاميانو له سخت غبرګون سره به مخ شي.”
له بلې خوا افغان کارپوهان وايي چې په پاکستان لاهم د سولې په برخه شک کېږي.
سياسي کارپوه عتیق الله ځاځی وايي:” پاکستان په خپلو سياستونو کې هېڅ کله هم له افغانستان سره صداقت نه دی کړی او حکومت بايد د طالبانو ملاتړي د سولې په خبرو اترو باوري کړي، په داسې حال کې چې تر دې وړاندې د سولې د عملي خبرو اترو له پاره هيله نه وه، خو دا ځل هيله شته چې د سولې خبرې اترې يوې پايلې ته ورسېږي.”
د طالبانو د رژیم له را نسکورېدو څو کاله وروسته په افغانستان کې د جګړې اور بیا بل شو او وسله والو طالبانو د نړیوالو سرتېرو او افغان دولت په ضد وسله وال خوځښتونه پیل کړل. که څه هم په تېرو کلونو کې افغان چارواکو وسله والو طالبانو ته د سولې وړاندیزونه وکړل خو مثبته پایله یې ورنه کړه.
تازه خبرونه
د افغانستان په خاوره کې د ټي ټي پي د شتون په اړه شواهد لرو – د پاکستان پوځ
د پاکستان پوځ یو ځل بیا ادعا کړې، چې تحریک طالبان پاکستان د افغانستان خاوره کاروي او په دې اړه کوټلي شواهد شته.
د پاکستان پوځ ویاند احمد شریف چوهدري نن سېشنبه د غویی اتلسمه) په یوه خبري غونډه کې ویلي، چې په پاکستان کې د وروستیو ترهګریزو پېښو ریښه په افغانستان کې ده.
هغه ټینګار کړی، چې پاکستان د ترهګرۍ ضد هڅو ته ژمن دی او د ټي ټي پي د له منځه وړلو لپاره به هره شونې لار وکاروي.
نوموړي زیاته کړې؛ د پاکستان امنیتي ځواکونه به د ترهګرو پر وړاندې تر هغه ځایه، چې شونې وي مخکې ولاړ شي.
چوهدري د عاملینو د محاکمې تر څنګ ویلي: د ستر درستیز د څر\ندونو له مخې ترهګر په پاکستان کې ځای نلري.
د پاکستان د پوځ ویاند د افغان کډوالو د مسئلې په اړه ویلي: په میلیونونو افغانان اوس هم په پاکستان کې اوسیږي. په داسې حال کې، چې له ترهګرۍ سره مبارزه کوي. پاکستان له افغان کډوالو سره مرسته کړې او نړۍ هم پرې پوهېږي.
هغه زياته کړې؛ په پاکستان کې د افغان وګړو د شتون له کبله د قانون او نظم وضعيت خراب شوى او تر اوسه له ٥٦٣ زره ډېر افغانان خپل هېواد ته ستانه شوي دي.
دا څرګندونې په داسې حال کې کېږي، چې له دې مخکې اسلامي امارت په افغانستان کې د تحریک طالبان پاکستان شتون رد کړی او څرګندوي، چې د پاکستان امنیتي ستونزه له افغانستان سره هیڅ تړاو نلري.
تازه خبرونه
په افغانستان کې د قزاقستان د سوداګرۍ خونه پرانیستل شوه
د افغانستان صنایعو او سوداګرۍ وزارت څرګنده کړې، چې د افغانستان په هرات ولایت کې د قزاقستان د سوداګرۍ خونه پرانیستل شوه.
د دغه وزارت په خبرپاڼه کې، چې نن سې شنبه د غویی اتلسمه خپره شوې راغلي، چې د صنایعو او سوداګرۍ وزارت چارسمبالي نورالدین عزیزي په افغانستان کې د قزاقستان د سوداګرۍ خونې پرانیستل د دواړو هېوادونو ترمنځ د سوداګریزو اړیکو د پیاوړتیا او پراختیا په برخه کې یو مثبت او اغېزمن ګام وباله.
یادې خونې د پرانیستې پر مهال نورالدین عزیزي څرګنده کړې، چې د افغانستان د رسمي پلاوي او خصوصي سکټور د سوداګریزو اړیکو کنفرانس، دوه اړخیزو سوداګریزو غونډو او پر ۱۴۰۲ کال د قزاقستان په استانه ښار کې د افغانستان د محصولاتو او تولیداتو له نندارتون وروسته قزاقستان ته د افغانستان صادرات زیات شوي دي.
د قزاقستان د سوداګرۍ خونې مشر ارمان یوسینتایوف ټینګار کړی، چې د دې خونو له پرانیستلو څخه هدف د دواړو هېوادونو ترمنځ د سوداګرۍ د حجم او ارزښت لوړول دي؛ ځکه، چې قزاقستان له اسلامي امارت سره د اړیکو او سوداګرۍ پراختیا ته لیوالتیا لري.
تازه خبرونه
د نړۍ قوتونه زمونږ د اقتصادي او سیاسي پرمختګونو د مخنیوي هڅې کوي – ملا برادر
د ریاست الوزراء اقتصادي مرستیال ویلي، چې د نړۍ ستر قدرتونه هڅه کوي، چې د اسلامي امارت د اقتصادي او سیاسي پرمختګ مخه ونیسي.
ملا عبدالغني برادر دغه څرګندونې د ۲۰۱ خالد بن ولید قول اردو له روزنيز مرکز څخه د ملي اردو د سرتېرو د فراغت په مراسمو کې وړاندې کړې دي.
نوموړي زیاته کړې: د نړۍ ستر قدرتونه اسلامي امارت ته د شک پر سترګه ګوري او اوس هم هڅه کوي، چې زمونږ د اقتصادي او سیاسي پرمختګ مخه ونیسي؛ خو مونږ او تاسې باید ویښ او بیدار اوسو.
په افغانستان کې د اسلامي امارت له واکمنۍ نږدې درې کاله تېر شول؛ خو تر اوسه هیڅ هېواد اسلامي امارت پر رسمیت ندی پېژندلی؛ د افغانستان پر بانکي سکټور لګول شویو بندیزونو د هېواد پر اقتصاد منفي اغېز کړی دی.
نړيوالې ټولنې د اسلامي امارت د رسمیت پېژندلو لپاره د ښځو د حقونو خوندیتوب او د يوه ټولګډونه حکومت جوړول خپل شرطونه ایښي دي.
اسلامي امارت هم څرګنده کړې، چې د ښځو حقونه د شریعت له مخې تضمین شوي او په کابینه کې بېلابېل قومونه پراخ حضور لري.
-
تازه خبرونه2 days ago
په غور کې د سېلابونو له کبله سلګونه خلک بې ځایه شول
-
تازه خبرونه3 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه2 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه2 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
نړۍ2 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري2 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
لوبی2 days ago
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
-
نړۍ1 day ago
د غزې په جګړه کې مو د مصر او قطر د اوربند وړاندیز منلی – حماس