تازه خبرونه
فيفا: په ټاکنو کې د لرې پرتو سيمو د ښځو او ځوانانو ګډون له ستونزو سره مخ دی
د افغانستان د ازادو او عادلانه ټاکنو بنسټ په ټاکنو کې د ښځو او ځوانانو د سیاسي ګډون په اړه اندېښنه څرګندوي، دوی زیاتوي چې په سيمو کې به زورواکي د دوی د نوماند کېدو مخه ونيسي.
دوی وايي چې لاهم په کلیو او لرې پرتو ولسوالیو کې ملکان او زورواکي په خلکو حکمراني کوي نو ځکه ښځې او ځوانان نه شي کولی ځانونه کاندید کړي او د یو بل ملاتړ وکړي. دوی وېره څرګندوي چې که ټول افغانستان د ګوندي کاندیدانو له پاره یوه حوزه وګڼل شي، په دې صورت کې به په سیمو کې د مافیایي کړو له خوا د ښځو او ځوانانو حقوق تر پښو لاندې شي. دوی د ملي یووالي له حکومت غوښتنه کوي چې د ښځو او ځوانانو پر وړاندې ستونزو ته په پام جدي ګامونه پورته کړي او د سیاسي مشارکت ونډې ته یې پام وکړي.
د افغانستان د ازادو او عادلانه ټاکنو بنسټ فیفا په ټاکنو کې د ښځو او ځوانانو د سیاسي مشارکت په څرنګوالي اندېښنه ښيي. دوی وايي چې امنیتي، اقتصادي او کلتوري ستونزې د ښځو او ځوانانو د سیاسي ګډون په مخ کې اوس پرتې دي. دوی وايي په راتلونکو پارلماني او د ولسوالیو د شوراګانو په ټاکنو کې ښايي ځوانان او ښځې ډېره کمه ونډه واخلي. دوی اندېښنه ښيي چې که د ګوندي کاندیدانو له پاره ټول افغانستان یوه ټاکنیزه حوزه وګڼل شي، د ښځو او ځوانانو حقونه به تر پښو لاندې شي.
د فیفا اجرایي رییس محمدیوسف رشید وايي: “د ټاکنیزې حوزې د ګوندونو او کاندیدانو له پاره به په ټول هېواد کې یوه حوزه و ګڼل شي په دې صورت کې به بیا هم ښځې او ځوانان د قومی مافیا او اربابانو په ګرو کې وي او د دوی ونډه به سمبولیکه وي او هر څوک به که د اربابانو خوښه وه په ټاکنیزو بنسټونو کې ځان کانديد کړای شي.”
دوی وايي چې که څه هم د ټاکنو په قانون کې راغلیو تعدیلاتو په ولایتي شورا او د ولسوالیو په شوراګانو کې د ښځو ۲۵په سلو کې ونډه یقيني کړې، خو بیا هم ستونزو ته په کتو ښايي د ښځو ونډه پيکه شي او د اساسي قانون په لویه جرګه به یې هم اغیزې منفي وي.
د فیفا اجرایي رییسمحمدیوسف رشید وايي: “په ټاکنو کې موږ له ډېرو ګواښونو سره مخامخ یو د ښځو محدود حضور کولای شي چې د اساسي قانون په لویه جرګه کې د ښځو ونډه پیکه کړي چې دا خپله لویه ستونزه ده.”
د ښځو په چارو کې د ولسمشر او اجرايي ریاست سلاکاران که څه هم چې په سیاسي ډګر کې د ښځو رول د اندېښنې وړ بولي خو وايي چې ولسمشر او اجرايي رییس د ښځو او ځوانانو د ستونزو اوارولو ته ژمن دي.
د ځوانانو په چارو کې د ولسمشر سلاکاره ملالۍ شينوارې وايي: “په سیاست کې ښځو واقعا خپل ځای نه دی ترلاسه کړی نور خیراتي ځای نه غواړو ښځو ته په سیاسي پرېکړو کې ځای ورکړل شي.”
د ځوانانو او ښځو په چارو کې د اجرايي رییس سلاکارهسجیه بهګام وايي: “په ټاکنو کې د ښځو د ستونزو په اړه له ښځو سره مو خبری اترې درلودې او هغه مېرمنې چې کاندیدېدو ته لیواله دي خپلې ستونزې يې له موږ سره شریکې کړې دي. اجرايي رییس به په غور سره د دوی ستونزې اوارې کړي.”
دا په داسي حال کې ده چې د ټاکنو د قانون مسوده د کابینې له خوا په اصولو کې تصویب شوې ده.
خبريال: عبدالعزیز کریمي
تازه خبرونه
امیرخان متقي په کابل کې د ملګرو ملتونو له ۲۱ کسیز پلاوي سره وکتل
د بهرنیو چارو وزارت چارسمبالي امیرخان متقي د ملګرو ملتونو مالي او اداري مشورتي کمیټې له ۲۱ کسیز پلاوی سره، چې کابل ته د لومړیتوبونو د څېړلو لپاره راغلی؛ په کتنه کې ویلي: اسلامي امارت نهغواړي، چې افغانستان د ډېر وخت لپاره پر بشردوستانه مرستو تکیه وکړي او دا مرستې باید اوس پر کار، کورنیو تولیداتو او صنایعو ولګول شي.
د دغې کمیټې مشر بچار بونګ عبدالله له امیر خان متقي سره په خبرو کې ویلي، چې کابل ته د دوی د سفر موخه په افغانستان کې د یوناما د چارو ارزونه ده او دوی غواړي، چې د افغان لوري لومړیتوبونه وڅېړي او د ملګرو ملتونو عمومي ناستې ته یې وړاندې کړي.
امیرخان متقي د منځنۍ سوداګرۍ وده، پراختیایي پروژو ته پاملرنه، د کروندګرو لپاره د بدیل کښت برابرولو او په بشري مرستو پورې محدود نهپاتې کیدل مهم لومړیتوبونه وګڼل او څرګندوي، چې له څو کلنو جګړو او بې ثباتیو وروسته د ټاپي پروژې، کاسا -۱۰۰۰، افغان ټرانس اورګاډي پټلۍ سترو پرژو عملي کېدو ته زمینه برابره ده.
په دې اړه د بهرنیو چارو وزارت په خبرپاڼه کې رغلي: مرستې بايد په داسې ډول ولګول شي، چې خلکو ته کار پيدا شي، کورني توليدات او صنعت وده وکړي او افغانستان له خپلو بازارونو څخه خپلې اړتياوې پوره کړي او د افغانستان د خصوصي سکټور ملاتړ رامنځته شي. دغه راز د کروندګرو لپاره بدیل کښت برابر او د وړو کسبونو ملاتړ وشي.
د بهرنیو چارو وزارت چارسمبالي زیاته کړې؛ اسلامي امارت نه غواړي، چې په اوږدمهاله بشري مرستو تکیه وکړي، بلکې غواړي د افغانستان ملي اقتصاد پخپلو پښو ودریږي.
د دغې کمیټې غړیو په بېلا بېلو برخو کې د اسلامي امارت لاسته راوړنې وستایلې او څرګندوي، چې په پام کې لري د وضعیت د ارزونې لپاره د افغانستان یو شمېر ولایتونو ته هم سفر وکړي.
افغانستان ته د ملګرو ملتونو د دغه پلاوي سفر په داسې حال کې ترسره کېږي، چې په تېرو درې کلونو کې نړيوالو مرستندويه سازمانونو په افغانستان کې د بېوزلۍ د کچې د زياتوالي او پراخېدو او د مرستو لپاره د بودجې کموالي په اړه څو ځلې خبردارى ورکړى دی.
تازه خبرونه
په بدخشان ولایت کې ماین چاودنې ۸ کسانو ته مرګ او ژوبله اړولې
کورنیو چارو وزارت تائید کړې، چې په بدخشان ولایت کې د یوه نښلېدونکي ماین په چاودنه کې ۳ امنیتي سرتېري وژل شوي او ۵ نور ټپیان دي.
د کورنیو چارو وزارت ویاند عبدالمتین قانع وايي: له بده مرغه نن له غرمې مخکې شاوخوا ۱۱ بجې د بدخشان ولایت د فیضآباد ښار د جوزون په اړوند سیمه کې پر موټرسایکل نښلول شوي ماین چاودنه کړې ده.
د عبدالمتین قانع زیاته کړې؛ دغه ماين هغه مهال چاودنه وکړه، چې د پوليسو د موټرو یو کاروان له ياد سړک څخه د کوکنارو د کښت د له منځه وړلو لپاره له سیمې څخه د تېرېدو په حال کې و.
ده زياته کړې، چې دغه پېښه د پوليسو تر څېړنې لاندې ده.
تر اوسه کومې ډلې یا شخص د دې پېښې مسوولیت پر غاړه ندی اخیستی.
تازه خبرونه
د سې شنبې پر ورځ خراسان او سرخ پوشان لوبډلو لوبه وګټله
د سې شنبې پر ورځ ( د غویي اتلسمه) د افغانستان فوټبال اتلانو لیګ د سیالیو په پېنځه دېرشمه لوبه کې د خراسان فاریاب لوبډلې کابل استقلال لوبډلې ته ۱ د صفر پر توپیر ماتې ورکړه.
د خراسان فارياب لوبډلې لوبغاړي فريد احمد يو ګول وواهه او د ميدان غوره لوبغاړی ونومول شو.
دغه راز په شپږدېرشمه لوبه کې سرخ پوشان خوافې لوبغاړو سرسبز یاشلر لوبډلې ته ۴ پر۱ ماتې ورکړه.
حبيب الله هوتک او اميد رجبي د سرخپوشانو لوبغاړو ګولونه وکړل او حبيب الله هوتک هم وتوانېد، چې د ډګر د غوره لوبغاړي نوم خپل کړي.
د نن چارشنبه د ثور نولسمه د غرمې ۱:۳۰ ابو مسلم فراه او عدالت فراه او له غرمې وروسته ۳:۳۰ بجې میوند او جوانان واحدي لوبډلې سره مخ کېږي.
د يادونې ده، چې دغه سيالۍ له آريانا ټلويزيون څخه پر ژوندۍ بڼه خپرېږي.
-
تازه خبرونه3 days ago
په غور کې د سېلابونو له کبله سلګونه خلک بې ځایه شول
-
تازه خبرونه4 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه4 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه3 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
نړۍ3 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري4 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
نړۍ20 hours ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه19 hours ago
د پاکستان خاوره د افغانستان پر ضد کارول کیږي