تازه خبرونه
د کرونا ویروس پروړاندې مبارزه کې د بیات ګروپ او افغان بیسیم هڅې
بیات ګروپ او افغان بیسیم مخابراتي شرکت د عامې روغتیا وزارت او کابل ښاروالۍ په مرسته د پلازمېنې په اوومه ناحیه کې، چې د کرونا ویروس ډېرې پېښې پکې ثبت شوي، ډیرې سیمې ضد عفوني کړې او د خلکو د روغتیایي پوهاوې په موخه یې لس زره پوهنیزې پاڼې ووېشلې.
داوود سلطان زوی، د کابل ښاروالۍ سرپرست، د بیات ګروپ د مرستو په رسولو کې مخکښ بولي او وايي حکومت د خلکو له همکارۍ پرته نشي کولی د کووېډ-۱۹ ناروغۍ پر وړاندې هراړخیز مبارزه وکړي. هغه له نورو خصوصي بنسټونو هم وغوښتل چې د دغې وبا په شنډولو کې ونډه واخلي.
د ویلو وړ ده چې د بیات ګروپ او افغان بیسیم مخابراتي شرکت د کرونا ویروس د مخنیوي لپاره د خپلو تدابیرو په ترڅ کې د ښار د ضد عفوني کولو په لومړۍ ورځ د دارالامان سړک، فیض محمد کاتب واټ، دښت برچي، کوټې سنګي، کارتې سه، کارتې چهار، د استقلال روغتون د افغان-جاپان څانګه، پل باغ عمومي، مکروریانونه او د خیرخانې لومړۍ برخه ضد عفوني کړل.
حاجی اسماعیل، د بیات بنسټ مرستیال، وايي په پلازمېنه کې د ضد عفوني کولو پروګرام دوام لري او په راتلونکې کې به هرات، ننګرهار، بلخ، کندهار، کندز او یو شمېر سویلي ولایتونو ته هم دغه لړې وغځیږي.
تر دې دمخه، افغان بیسیم مخابراتي شرکت د هوا ککړتیا په پام کې نیولو سره کابل کې سلګونه زره ماسکونه وېشلي او د کووې-۱۹ د مخنیوي لپاره یې په یو لړ نوښتونو لاس پورې کړی دی.
د کروناویروس له امله د مړینې د احتمال کچه لوړه ده او ښاریان هم مسوول دي چې د دغه ویروس د سمبالولو لپاره خپله ونډه ترسره کړي.
تردې دمه ترټولو غوره ممکنه حل لاره د امکان تر وروستي حده په کورونو کې پاتې کېدل دي چې خلک یې باید په جدي ډول په پام کې ونیسي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه14 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه15 hours ago
په عراق کې به همجنسبازان پر۱۵ کاله بند شي –پارلمان
-
لوبی12 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل