تازه خبرونه
راتلوونکې اوونۍ به د ښوونځیو د زدکړو بهیر د رسنیو له لارې پیل شي
ولسمشر به راتلوونکې اوونۍ د ښوونځیو د درسي چارو د پیل زنګ ووهي او د زدکړو بهیر به د رسنیو له لارې انلاین پیل شي.
د ښوونځیو او پوهنتونونو ښوونیز او تحصیلي بهیر د کرونا ویروس د پراختیا د مخنیوي لپاره ځنډول شوی او پوهنې وزارت انلاین د رسنیو له لارې د زدکوونکیو د زدکړې پر پلان کارکوي.
د دې پلان له مخې به ساینسي مضمونونه د تلویزیونونو له لارې او ټولنیز مضمونونه په راډیوګانو کې د ځانګړي مهالوېش له مخې تدریس شي.
د پوهنې وزارت وایي؛ کومه طرحه، چې لري، د زدکوونکیو د مهالوېش له تنظیمولو سره کولی شي د تلویزیونونو او راډیوګانو له لارې د زدکوونکیو ستونزې له شپېته تر اویا سلنه حل کړي.
د پوهنې وزارت ویانده نوریه نزهت څرګندوي: تر دې دمه رسمي خپرونې پیل شوې ندي او ان نه مو د رسنیو له لارې پر آزمایښتي بڼه څه کړي دي. یو شمېر رسنیو چمتووالی ښودلی دی. په راتلونکې اوونۍ کې مو رسمي او ازمایښتي انلاین خپرونې د ولسمشر غني لخوا د ښوونځیو د زنګ پر وهلو پیلیږي.
د لوړو زدکړو وزارت د دولتي او خصوصي پوهنتونونو لپاره د انټرنټ واحد پروګرام جوړیدو خبر ورکوي.
د لوړو زدکړو وزارت مسوولین وایي، دا انټرنټي پروګرام به ټاکل شوې راتلوونکې اوونۍ خپل کار پیل کړي او د ټول افغانستان د استادانو او محصلانو تر منځ به ګډ کمپیوټري پروګرام وي.
که څه هم ځینو خصوصي پوهنتونونو له انټرنټي انلاین پروګرامونو سره له وړاندې زدکړې پیل کړي؛ خو ښکاري، چې په دې برخه کې د لوړو زدکړو وزارت پروګرام پراخه دی.
په هغه انلاین پروګرام کې، چې د محصلینو لپاره په ځینو خصوصي پوهنتونو کې تطبیق کیږي، ویل کیږي، چې محصلانو ته ډېر لګښت لري؛ خو د لوړو زدکړو وزارت ویلي، پر کوم پروګرام، چې دوی کار کوي، تر وروستي حده هڅه شوې، چې استادانو او محصلانو ته په وړیا ډول وړاندې شي.
تازه خبرونه
د ریښتر پر کچه ۶.۱ درجې زلزلې د افغانستان ځینې سیمې ولړزولې
د راپور له مخې، د دې زلزلې مرکز د بدخشان ولایت د جرم ولسوالۍ ښودل شوی او ژوروالی یې ۲۰۸.۳ کیلومټره و.
د امریکا د ځمکپېژندنې ادارې د راپور له مخې، نن(شنبه د چنګاښ شپږمه) ماښام د ریښتر پر کچه ۶.۱ درجې زلزلې د افغانستان یو شمېر سیمې ولړزولې.
د راپور له مخې، د دې زلزلې مرکز د بدخشان ولایت د جرم ولسوالۍ ښودل شوی او ژوروالی یې ۲۰۸.۳ کیلومټره و.
تر اوسه د دې زلزلې له کبله د مرګ او ژوبلې یا مالي زیان په اړه کوم راپور نهدی خپور شوی.
تازه خبرونه
د سالنګونو لویې لارې د ۱۵ کیلومټره سړک د بیارغونې تړون لاسلیک شو
د یاد وزارت د ویاند محمد اشرف حقشناس د څرګندونو له مخې؛ دا لاره د اولنګ له سیمې پیلېږي او د جبلالسراج تر سیمې غځېږي، چې د ۱۵ کیلومټره پر اوږدوالي او ۱۲ مټره پر سور به قیر او بیاورغول شي.
د ټولګټو چارو وزارت ویلي، د سالنګونو لویې لارې اړوند د سویلي سالنګ د ۱۵ کیلومټره سړک د بنسټیزې بیارغونې تړون له ودانیز او سړک جوړونې شرکت سره د څه باندې ۱.۲ میلیارډ افغانیو پر ارزښت لاسلیک شوی دی.
د یاد وزارت د ویاند محمد اشرف حقشناس د څرګندونو له مخې؛ دا لاره د اولنګ له سیمې پیلېږي او د جبلالسراج تر سیمې غځېږي، چې د ۱۵ کیلومټره پر اوږدوالي او ۱۲ مټره پر سور به قیر او بیاورغول شي.
حقشناس ویلي؛ په دې پروژه کې د ۵ نویو پلګوټو جوړول، د ۳۳ پلګوټو پراخول او د سړک ترڅنګ د ۶۰۰ مټرو ویالو جوړول هم شامل دي.
د ټولګټو چارو وزیر محمد عیسی ثاني د تړون د لاسلیک پر مهال ویلي، د سالنګونو لویه لار د هېواد له مهمو اقتصادي لارو څخه ده او باید چارې یې له معیارونو سره سمې او پخپل وخت بشپړې شي.
د نوموړي د څرګندونو له مخې؛ دا پروژه د سالنګونو د لویې لارې د اساسي بیارغونې د پراخ پلان یوه برخه ده، چې په سویلي، شمالي او خنجان–دوشي برخو کې روانه ده.
د سالنګونو لویه لار د هېواد له مهمو ټرانسپورټي او ټرانزیټي لارو څخه ده، چې شمالي ولایتونه له پلازمېنې کابل سره نښلوي او د خلکو د تګ راتګ، د سوداګریزو توکو او کرنیزو محصولاتو د لېږد رالېږد په برخه کې مهم رول لري.
International Sports
مسي د نړیوال جام په ګولوهنه کې ریکارډ جوړ کړ؛ ارجنټاین حذفي پړاو ته ولاړ
د ارجنټاین لوبډلمشر په دې حساسه لوبه کې دواړه ګولونه ووهل او خپل ټول ګولونه یې په نړیوال جام کې ۱۸ ته ورسول، چې له دې سره یې د جرمني د میروسلاو کلوزې د ۱۶ ګولونو ریکارډ مات کړ.
لیونل مسي د دوشنبې پر ورځ د اتریش پر وړاندې د ارجنټاین په ۲–۰ بریا کې دوه ګولونه ووهل او د نړیوال جام د تاریخ د تر ټولو ډېرو ګولونو ریکارډ یې جوړ کړ.
د ارجنټاین لوبډلمشر په دې حساسه لوبه کې دواړه ګولونه ووهل او خپل ټول ګولونه یې په نړیوال جام کې ۱۸ ته ورسول، چې له دې سره یې د جرمني د میروسلاو کلوزې د ۱۶ ګولونو ریکارډ مات کړ.
مسي، چې څو ورځې وروسته ۳۹ کلن کېږي. نوموړي سره له دې، چې د لوبې په پیل کې یې یوه پنالټي ضایع کړه؛ خو په مهمو شېبو کې یې ښه لوبه وکړه. د هغه کړنې ارجنټاین ته دا زمینه برابره کړه، چې د نړیوال جام په سیالیو کې خپل قوي پیل وساتي او د ۳۲ غوره لوبډلو پړاو ته ووځي.
مسي اته ځله د طلایيتوپ ګټونکی پاتې شوی، په نړیوال جام کې یې په پرلهپسې شپږو لوبو کې ګولونه وهلي او د دې پړاو د پېنځه ګولونو له لرلو سره د طلایيتوپ د سیالۍ په مخکښو لوبغاړو کې دی.
د افغانستان فوټبال مینهوال کولی شي د نړیوال جام سیالۍ پر ژوندۍ بڼه د آریانا ټلویزیون له لارې وګوري.
-
International Sports5 days agoمسي د نړیوال جام په ګولوهنه کې ریکارډ جوړ کړ؛ ارجنټاین حذفي پړاو ته ولاړ
-
تازه خبرونه5 days agoد افغانستان په ځینو لرې پرتو سیمو کې ژوند «ستونزمن» شوی – ملګري ملتونه
-
سیمه ییز خبرونه4 days agoکه توغندي مو نهلرل، ایران به هم د غزې له برخلیک سره مخ شوی و- پزشکیان
-
سوداگري4 days agoد افغانستان او هند تر منځ د سوداګرۍ د پراختیا لپاره د همکارۍ هوکړهلیک لاسلیک شو
-
څار5 days agoڅار: بروکسل ته د اسلامي امارت د پلاوي سفر
-
تازه خبرونه5 days agoد سالنګونو لویې لارې د ۱۵ کیلومټره سړک د بیارغونې تړون لاسلیک شو
-
تحول5 days agoتحول: منځنۍ آسیا،اروپایي ټولنه او افغانستان
-
څار14 hours agoله اروپایي هېوادونو د افغان پناه غوښتونکو د ایستلو بهیر ته اندېښنې


