تازه خبرونه
طالبانو له دوه میاشتو راپدیخوا نږدې ۱۰۰۰ ولسي وګړي زیانمن کړي – ملي امنیت شورا
د ملي امنیت شورا ویلي، چې له امریکا سره د طالبانو د سولې له تړون راپدیخوا نږدې ۱۰۰۰ ولسي وګړیو ته مرګ او ژوبله اړولې او یا یې تښتولي دي.
د ملي امنیت شورا زیاته کړې؛ د طالبانو دغه کړنې ښيي، چې دوی سولې ته ژمن ندي.
د ملي امنیت شورا وايي، له کومه وخته چې طالبانو له امریکا سره د سولې تړون لاسلیک کړی، دغې ډلې ۳۳۷ ولسي وګړي وژلي، ۴۵۲ یې ټپیان کړي او ۱۶۴ کسان یې تښتولي دي.
د ملي دفاع وزارت دا هم ويلي، چې په دې وروستیو کې پر افغان سرتېرو د طالبانو بریدونه ډېر شوي دي.
د ملي دفاع وزارت ویاند روح الله احمدزي څرګنده کړې، چي طالبانو بیا هم پر نظامیانو او پر ملکي وګړیو خپل بریدونه چټک کړي او دوی ته هم ځاني زیانونه رسیدلي دي.
طالبان بیا د افغان حکومت دا څرګندونې بیځایه ګڼي او وایي، چې حکومت د جګړې دوام ته زمینه برابره کړې ده.
طالبانو ویلي؛ په داسې حال کې، چې کرونا ویروس د زندانیانو ژوند ګواښي او که حکومت طالب زندانیان خوشې نکړي؛ نو غچ به یې واخلي.
د هوايي ځواک پخوانی قومندان وهاب وردګ په ډاګه کړې، چې امریکا باید یوه لار را جوړه کړي، چې زندانیان خوشې شي او تاوتریخوالې هم کم شي.
دغه راز د طالبانو بریدونو په افغانستان کې د ناټو د غوڅ ملاتړ قومندان غبرګون ته اړ کړ او جنرال میلر ویلي؛ که طالبان بریدونو ته دوام ورکړي، دوی به یې هم ځواب ورکړي.
همداراز د ولسي جرګې د کورني امنیت کمیسیون مشر خان آقا رضایي ویلي، چې که سرتېري پیاوړي نشي؛ نو ځواکونه به ډېر زیانمن شي.
دا په داسې حال کې ده، چې د ملګرو ملتونو امنیت شورا له کرونا ویروس سره پر نړیواله مبارزه د راڅرخیدو لپاره په یوه د خپل پرېکړه لیک له مخې په ټوله نړۍ کې د درې میاشتو لپاره د جګړو د دریدو غوښتنه کړې ده.
تازه خبرونه
له اسلامي امارت سره په تعامل کې مو ملي ګټې رانغښتي- امریکا
د امریکا بهرنیو چارو وزارت مرستیال ويلي؛ هېوادنۍ ګټې واشنګټن اړ کوي، چې له اسلامي امارت سره له خبرو او تعامل ډډه ونکړي.
د امریکا بهرنیو چارو وزارت ویاند د سې شنبې پر ورځ ( د غویی یوولسمه) یوه خبري کنفرانس ته ویلي، چې له اسلامي امارت سره تعامل مستقیمو خبرو ته زمینه برابروي.
ویډانټ پټل څرګنده کړې، چې له اسلامي امارت سره تعامل نه یوازې د امریکا د ګټو د خوندیتوب لپاره ښه دی، بلکې د افغانستان له خلکو څخه د ملاتړ لپاره هم غوره لار ده.
د پټل د څرګندونو له مخې؛ دا تعامل پر اسلامي امارت د هغو امریکايي وګړو په ځانګړي توګه، چې په ناحقه نیول شوي له شرط پرته د خوشې کولو لپاره یو فشار هم دی.
هغه زیاته کړې، چې امریکا به د دغو فرصتونو پر کارولو له اسلامي امارت څخه د ترهګرۍ پر وړاندې د مبارزې په اړه د دوی له ژمنو هم ګټه پورته کړي.
هغه ټینګار کړی، چې د بشري حقونو مسله هم د اجنډا په سر کې ده.
تازه خبرونه
نړیوال بانک له افغانستان سره ۸۴ میلیون ډالر مرسته ومنله
نړیوال بانک ويلي، دې بنسټ له اقتصادي ناورین سره د مبارزې او په هېواد کې د اقتصادي پروژو د پلي کولو لپاره افغانستان ته ۸۴ میلیون ډالر مرسته منلې ده.
نړیوال بانک د سې شنبې پر شپه (د غویی یوولسمه) څرګنده کړې، چې له دې مرستو څخه به ۷۰ میلیون د افغانستان وجهي صندوق (ایآرټي اف) او نړیوالې پراختیايي ټولنې (آیډيای ) له لارې په افغانستان کې د هوسا ژوندانه اړوند پروژو پر پلي کولو ولګول شي.
په دې اړه د نړیوال بانک د افغانستان څانګې مشرې ملینډا ګوډ ویلي، چې نړیوالې پراختیایي ټولنې په وروستیو ۱۸ میاشتو کې د افغانستان د ښځو لپاره د کارموندنې په برخو کې د دې پیسو د لګولو لپاره یو ځانګړی او ګټور چوکاټ چمتو کړی دی.
د ګوډ د څرګندونو له مخې؛ پدې مرسته به IDA د افغانستان په ۲۶ ولایتونو کې افغانانو ته خپلو خدمتونه روان وساتي.
هغې زیاته کړې: له دې نوي تمویل سره به دا پروژه په کلیوالو او ښاري سیمو کې خپل فعالیتونه زیات کړي، د ښځو لپاره به د هوساینې ډېر فرصتونه برابر کړي او افغان راستنیدونکیو ته به د کار او خدماتو زمینه برابره کړي.
دغې پروژې په ۲۰۲۲ کال کې د افغانستان کليو او ښاري سيمو ته د نړيوال بانک د ۲۶۵ ميليون ډالرو پر مرسته خپل فعاليت پيل کړ، چې تر اوسه یې څه باندې ۷۷۶ زره افغان کورنیو ته لنډمهاله دندې پیدا کړي، چې له دې لارې شاوخوا ۵ اعشاریه ۴ میلیون کسانو ګټه اخیستې ده.
دغه راز په افغانستان کې ٩٢ زره ٢٠٠ زيانمنو کورنیو، چې ښځو یې چارسمبالې او مشرې وې له دې پروژې نغدي او غيرې نغدي مرستې ترلاسه کړې دي.
د نړیوال بانک د څرګندونو له مخې؛ په دې موده کې شاوخوا ۷ اعشاریه ۴ میلیون افغانانو ټولنیزو خدمتونو لکه سړکونو، روغتیايي مرکزونو او د څښاک پاکو اوبو ته لاسرسی موندلی دی.
دې ادارې یادونه کړې، چې په تېرو دوه کلونو کې د روغتیا او تغذیې، د اقلیمي بدلون د اغېزو او له طبیعي پېښو سره د مبارزې په برخه کې له ۲ اعشاریه ۱ میلیون ډېر کسان روزل شوي دي.
په افغانستان کې د اسلامي امارت له واکمنۍ وروسته په دغه هېواد کې د خلکو د ژوند وضعیت خراب شوی او د نړیوالو ټولنو د څرګندونو له مخې سږ کال شاوخوا ۲۳ میلیون افغانان بشري مرستو ته اړتیا لري.
دا په داسې حال کې ده، چې څو ورځې مخکې نړیوال بانک په افغانستان کې د ښځو او د هغوی پر مشرۍ سوداګریزو هڅو ترسره کولو او کارموندلو لپاره ۱۶ میلیون ډالر مرسته اعلان کړه وه.
تازه خبرونه
اسلامي امارت به نړیوالو فشارونو ته تسلیم نشي – مولوي عبدالکبیر
د ریاست الوزراء سیاسي مرستیال مولوي عبدالکبیر د سې شنبې پر ورځ (د غویی یوولسمه) د کابل پولیتخنیک د زدهکړیالانو د فراغت په مراسمو کې څرګنده کړې، چې اسلامي امارت به نړیوالو فشارونو ته تسلیم نشي او نه به د هیچا پر فرمایش کار وکړي.
د کابل پولیتخنیک پوهنتون د زدهکړیالانو د فراغت مراسم د اسلامي امارت د چارواکو په حضور کې ترسره شول؛ خو ډېر پر سیاسي خبرو راڅرخېدل.
نوموړي په دې مراسمو کې زیاته کړې، چې د سیمې ټرانزیټ له افغانستان پرته ناشوني دی او چارسمبالی حکومت ترې ګټه پورته کوي.
د اسلامي امارت دغه لوړپوړي چارواکي ویلي، چې چارسمبالی حکومت له یوې خوا د پروژو پر پلي کېدا او له بلې خوا د کانونو پر استخراج کار کوي.
هغه دغه راز هېواد ته د مهاجرینو د راستنېدو لپاره د شرایطو پر برابرولو هم ټینګار وکړ.
د امربالمعروف او نهی عن المنکر او شکایتونو اورېدو وزارت چارسمبالي محمد خالد حنفي ویلي، اسلامي امارت په هېواد کې د عصري علومو د پراختیا مخالف ندی او غربي هېوادونه د اسلامي امارت پر خلاف په دې اړه منفي تبلیغات کوي.
د لوړو زدهکړو وزارت چارسمبالي ندا محمد ندیم ټینګار کوي، چې اسلامي امارت د جګړې په ډګر کې بریالی شوی؛ د اقتصاد، روغتیا او پوهنې په ډګرونو کې به هم بریاوې ترلاسه کړي.
له بلېخوا د لوړو زدهکړو وزارت یو شمېر نورو چارواکو ويلي؛ دغه وزارت هڅه کوي، چې د علمي او تحصیلي پراختیا په برخه کې پرمختګ وکړي او له نړیوالو معیارونو سره برابر شي.
د کابل پولیتخنیک پوهنتون د فراغت له دې پړاو څخه د ۱۷ څانګو ۵۳۷ زدهکړیالان فارغ شول او د اسلامي امارت د چارواکو لهخوا د فراغت سندونه ورکړ شول.
-
تازه خبرونه3 days ago
د بغلان ولایت د غوري سمنټو تولید زیات شوی
-
تازه خبرونه3 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه3 days ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه2 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
لوبی3 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
تازه خبرونه2 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
تازه خبرونه3 days ago
له پاکستان څخه دې د افغان کډوالو د جبري ایستلو چټکتیا راکمه شي
-
لوبی2 days ago
اټک انرژي او موج ساحل د دوشنبې د ورځې لوبې وګټلې