تازه خبرونه
د افغانستان د بانکي شتمنۍ د وېش په اړه د بایدن پرېکړې نیوکې راوپارولې
د سپټمبر د یوولسمې په برید کې د قربانیانو کورنیو ته د تاوان غرامت ورکولو په اړه د امریکا د ولسمشر جو بایډن پرېکړې په ټول هېواد کې د افغانانو نیوکې راپارولي دي.
د هېواد د بېلابېلو ولايتونو اوسیدونکي د بایډن پرېکړه غيرعادلانه بولي او اندېښنه څرګندوي، چې که دغه فرمان عملي شي؛ د هېواد اوسېدونکي به له زياتو اقتصادي ستونزو سره مخ شي.
د افغانستان وګړي د امریکا د ولسمشر د وروستۍ پرېکړې په غبرګون کې څرګندوي؛ د افغانستان بانک کنګل شوې پیسې د افغانستان د خلکو دي او باید بېرته وروسبارل شي.
کابل ښاریان ټینګار کوي، چې دا پیسې د افغانستان د خلکو دي او دا پیسې باید خوندي وي، چې افغانان ترې د اقتصادي ودې او پراختیا لپاره د ملي ډاډ په توګه په خپلو ملي معاملو کې ګټه پورته کړي او که نه دا پرېکړه عملي شي؛ نو له اقتصادي اړخه به د ملت هر اړخیزې ستونزې نورې هم شي.
د ننګرهار اوسدونکی عبدالرحمن وایي؛ دوی حق نلري، چې د افغانستان دخلکو پیسې ورنکړي. له نړیوالې ټولنې زمونږ غوښتنه دا ده، چې پر امریکا فشار راوړي، چې ټولې پیسې پخپله افغانانو ته ورکړي.
د ننګرهار ولاایت اوسیدونکي امان الله ویلي: دا د افغانانو پیسې دي، باید پخپله افغانانو ته ورکړ شي.
یو بل ننګرهاری په دې اړه وایي: زه د افغانستان له خلکو غوښتنه کوم، چې لاريونونه وکړي او پر ټولو ملتونو غږ کوم، چې د امريکا د دغه ظلم پر وړاندې ودرېږي.
په افغانستان کې د امریکا په شل کلنه جګړه کې زرګونه کسان وژل شوي او د ملګرو ملتونو د څرګندونو له مخې نږدې سل زره کسان وژل شوي او ټپیان دي.
د هرات اوسیدونکی عبدالواحد څرګندوي: مونږ دا نه منو، چې د افغانستان او د افغان سوداګرو له پیسو څخه دې غرامت واخیستل شي.
د هرات اوسیدونکې زینت میرزايي ویلي: هغه ۳ اعشاریه ۵ میلیارډ ډالر، چې د سپټمبر د پېښې زیانمنو خلکو ته ورکول کیږي؛ هغه د افغانستان د ټولو خلکو دي، چې باید افغانستان ته راواستول شي او مونږ له جو بایډن څخه غوښتنه کوو، چې دا پیسې پخپله د افغانستان خلکو ته ورکړي.
دغه راز د هېواد یو شمېر نور وګړي پدې باور دي، چې امریکا د افغانستان د شتمنیو د ضبطولو په لټه کې ده او غواړي، چې نور هم په فقر، لوږې او بدبختۍ کې ښکېل پاتې شي.
د بلخ پوهنتون استاد عبدالکبیر عزیزي وایي: زما په اند دا منطقي پرېکړه نه ده. دا یوه غیر منطقي پرېکړه ده. مونږ پر اوسني افغان حکومت غږ کوو، چې دا مسله د نړۍ د قضايي او عدلي ادارو له لارې د ټینګار وړ وګڼي او پاتې پیسې بېرته افغانستان ته راستنې کړي.
د تېر حکومت له رانسکورېدو راپدیخوا د افغانستان شاوخوا ۹ اعشاریه ۵ میلیارډ ډالر بهرنۍ شتمني په امریکا او د اروپا په هېوادونو کې کنګل شوې ده.
اوس د امریکا ولسمشر جو بایډن پرېکړه کړې، چې ۳ اعشاریه ۵ میلیارډ ډالر د افغانستان خلکو ته په بشري مرستو کې حساب او په دې هېواد کې پاتې درې نیم میلیارډ د سپټمبر د پېښې د قربانیانو کورنیو ته د غرامت په توګه وسپاري.
د یادونې ده، چې د جوبایډن د دې فرمان په اړه به د امریکا عدلي او قضایي بنسټونه پرېکړه کوي.
تازه خبرونه
شهاب الدین دلاور او ورسره مل پلاوي د مس عینک کان له اړوند سیمو لیدنه وکړه
د کانونو او پټرولیم وزارت چارسمبالي او ور سره مل پلاوي د چارشنبې پر ورځ د غویی نولسمه د مس عینک کان له بېلابېلو سیمو او د عینک سیمې له لرغونو آثارو لیدنه وکړه.
لوګر ولایت ته په دې سفر کې د کانونو او پټرولیم وزارت له چارسمبالي شهاب الدین دلاور سره د اطلاعاتو او کلتور وزارت چارسمبالي ملا خیرالله خیرخواه، په کابل کې د چین هېواد سفیر ژاو شینک، د MCC شرکت چارواکو، والي ضیاءالرحمن مدنی او د انرژۍ او اوبو وزارت مرستیال ملتیا کوله.
د کانونو او پټرولیم وزارت د څرګندونو له مخې؛ په دې اړه یوه ناسته هم تر سره شوه، چې په کې د MCC شرکت چارواکو د مس عینک کان د سړک جوړولو، د لرغونو آثارو ساتنې د پلان د وروستي کېدو او د عملي کار د پیل په اړه هر اړخیز معلومات وړاندې کړل.
د یاد شرکت چارواکو ویلي، چې د مس عینک کان د پروژې له عملي پیل سره به په سیمه کې لرغونو آثارو ته زیان ونه رسیږي.
دغه راز د اطلاعاتو او کلتور وزارت چارسمبالي هم د دغې سيمې د لرغونو آثارو او د هغو د ساتنې په اړه خبرې وکړې او د پروژې د کار د ګړندي کولو لپاره يې د همکارۍ ژمنه وکړه.
د انرژۍ او اوبو وزارت مرستیال هم د مس عینک کان د برښنا او اوبو رسولو په برخه کې د دې وزارت له همکاریو ډاډ څرګند کړ.
ویل کیږي، چې د لوګر مس عینک کان تړون له یوې چینايي کمپنۍ سره ۱۶ کاله پخوا لاسلیګ شوی دی؛ خو د دغه کان استخراج اوس هم ندی پیل شوی.
تازه خبرونه
سعودي عربستان ته د افغان حاجیانو د لېږد بهیر پیل شو
د ارشاد، حج او اوقافو وزارت چارسمبالي نور محمد ثاقب ويلي، چې له افغانستان څخه سعودي عربستان ته د حاجیانو د لېږد بهیر پیل شوی دی.
د نورمحمد ثاقب د څرګندونو له مخې؛ تېره شپه (چارشنبه د غویي نولسمه) شاوخوا ۲۳۰ حاجیان په لومړۍ الوتنه کې مدینې منورې ته ولېږدول شول.
نوموړي د افغان حاجيانو د لومړي کاروان د لېږد په مراسمو کې ويلي، چې سږ کال يې حج کوونکیو ته د غوره خدمتونو د وړاندې کولو لپاره د نورو کلونو په پرتله د کاري کمیټې کارکوونکي سعودي عربستان ته مخکې لېږلي دي.
دغه راز د ریاست الوزراء اداري مرستیال عبدالسلام حنفي په دې مراسمو کې حاجیانو ته په خطاب کې ویلي: ګرانو حاجیانو! تاسې په سعودي عربستان کې د افغانانو استازي یاست؛ نو دغه استازیتوب په ښه توګه ترسره کړئ.
عبدالسلام حنفي زیاته کړې؛ د ارشاد، حج او اوقافو وزارت په هلو ځلو تېرو کلونو ته ورته سږ کال هم د حج ټول فعالیتونه په منظم ډول ترسره شوي دي.
له دې مخکې د حج او اوقافو وزارت اعلان کړی و، چې سږ کال سعودي عربستان افغان حاجیانو ته ۳۰ زره سهمیه ورکړې ده.
ویل کیږي، چې آریانا افغان او کام ایر شرکتونو ته سږکال هم د افغان حاجیانو د لېږد او راستنولو مسوولیت سپارل شوی دی.
تازه خبرونه
تېر کال پر زړه د سوريو ۷۰۰ ماشومانو درملنه وشو – سره میاشت
د افغانستان په سویل لویديځ کې سره میاشت ادارې ويلي؛ تېر کال يې پر زړه سوريو ٧٠٠ ماشومانو درملنه کړې او په پام کې ده، چې سږ کال د ١٥ زره اړوند ماشومانو درملنه وکړي.
سره صلیب او سرې میاشتې ټولنې نړیواله ورځ د بشریت ژوندي ساتلو تر سرلیک لاندې ولمانځل شوه. په دې مراسمو کې د رییس الوزار سیاسي مرستیال له نړیوالې ټولنې وغوښتل، چې افغانستان هېر نه کړي، ځکه دا هېواد له اقتصادي ستونزو، زلزلو، طبیعي پېښو او کډوالو جبري شړلو سره مخ دی او اسلامي امارت نشي کولی دا ستونزې په یوازې سر حل کړي.
د رییس الوزرا سیاسي مرستیال مولوي عبدالکبیر ويلي؛ نړیواله ټولنه باید افغانستان له بشري اړخه هېر نکړي؛ ځکه، چې بشري همکارۍ ته اړتیا لري.
هغه وایي؛ بانکي بنديزونو او د مرستو کمېدو د افغانستان اقتصادي وضعيت پېچلى کړى او د اسلامي امارت فعاليتونه يې محدود کړي دي، نو باید د افغانستان شتمنۍ ازادې شي.
د مولوي عبدالکبیر د څرګندونو له مخې؛ د مرستو کمښت او د بانکي بندیزونو دوام د اسلامي امارت پر فعالیتونو منفي اغېز کړی دی.
د اسلامي امارت دغه چارواکي زیاته کړې، چې اسلامي امارت له نړۍ سره د متقابل احترام له مخې دوه اړخیزې اړیکې غواړي.
په افغانستان کې د سره صليب کمیټه هم د افغانستان له خلکو سره د دې بنسټ د فعاليتونو او همکاريو پر دوام ټينګار کوي.
په افغانستان کې د سره صلیب نړیوالې کمیټې رییسه کترینا ریتز ویلي: د سره صليب نړيواله کمیټه او افغاني سرې مياشتې ټولنه په ګډه کار کوي او غواړي، چې له زيانمنو شويو ټولنو سره مرستې وکړي، د دوی اساسي اړتياوې پوره او هغوی ته بنسټیز خدمتونه وړاندې کړي.
افغانني سرې میاشتې ټولنې ویلي، چې د مرستندویه بنسټونو پر وړاندې کومه ستونزه نشته او دوی کولی شي مرستې د هېواد لرې پرتو سیمو ته ورسوي.
-
تازه خبرونه2 days ago
د پاکستان خاوره د افغانستان پر ضد کارول کیږي
-
نړۍ2 days ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه5 days ago
په غور کې د سېلابونو له کبله سلګونه خلک بې ځایه شول
-
تازه خبرونه2 days ago
د سې شنبې پر ورځ خراسان او سرخ پوشان لوبډلو لوبه وګټله
-
تازه خبرونه5 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه2 days ago
دولتي بنسټونه د برښنا له شرکت څخه یو نیم میلیارډ افغانۍ پوروړي دي
-
نړۍ4 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري5 days ago
د ترکمنستان د سوداګرو او صنایعو اتحادیې مشر هرات ته سفر وګړ