سوداگري
د مس عینک د کان کېندنې بهیر به په نږدې راتلونکي کې پیل شي
د کانونو او پترولیم وزارت څرګنده کړې، چې په نږدې راتلونکي کې به د چین ام سی سی شرکت په کابل کې خپل د فتر پرانیزي او د مس عینک کان د استخراج د بهیرپه اړه به خپلې هڅې ګړندۍ کړي.
د کانونو او پترولیم وزارت وايي، چې د افغانستان د کانونو په سکتور کې د نړۍ د یو شمېر هېوادونو د پانګوالو پر پرتله د چین هېواد پانګوالو لیوالتیا د افغانستان د کانونو له سکتور سره زیاته شوې ده.
د کانونو وزارت هڅه کوي، چې د هېواد د کانونو په سکتور کې ډېره پانګونه جذب کړي.
د کانونو او پترولیم وزارت وايي، چې د چین هېواد له MCC شرکت سره يي خبري پیل کړي او د روا نې میاشتې په پای کې به دا شرکت په کابل کې خپل د فتر پرا نیزي.
د کانونو وزارت د څرګندونو له مخې؛ په مس عین کان کې د استخراج د بهیر پیل په وړاندې کومه ستونزه نشته او په نږدې راتلوونکي کې به پیل شي.
د کانونو او پطرو لیم وزارت ویاند مفتي عصمت الله برهان ویلي: د اسلامي امارت رهبرۍ د قرارداد په اړه څېړنې کړي؛ کوم خاص مشکل نلري. له ام سی ي شرکت سره خبرې شوي او د مس عینک کان د استخراج لپاره به خپل دفتر په کابل کې پرانیزي.
د خصوصي سکتورغړي هم د افغانستان د لویو کانونو د استخراج د بهیر له پیل کیدو هرکلی کوي او زیاتوي، چې له دې سره به مو د هېواد په اقتصادي نظام کې مثبت بدلونو نه رامنځته شي.
د دوی د څرګندونو له مخې؛ په نړیوالو مارکیټو نو کې د میس بیه هم لوړه شوې او د میس عنیک استخراج به د هېواد په اقتصادي نظام کې خورا مثبت اغېز ولري.
د خصوصي سکتور غړی بازمحمد غیرت زیاتوي: د هېواد د کانونو په سکتور کې د بهرنۍ پانګونې جذب مو د اقتصاد لپاره یوه اړینه اړتیا ده؛ ځکه، چې له دې سره به هم خلکو ته کار زیات شي او هم به مو خزانې ته له دې درکه ډېرعواید تر لاسه شي.
په دې وروستیو کې والسټریټ ژورنال ورځپاڼې په یوه راپورکې څرګنده کړې؛ چین غواړي د نړۍ د مسو سترکان استخراج کړي؛ ځکه دغه هېواد دمګړۍ مسو ته اړتیا لري او په نړۍ کې هم د مسو بیې لوړې شوې دي.
والسټریټ ژورنال په ډاګه کړې؛ چینایي لوري پدې اړه له افغان حکومت سره خبرې پيل کړي او هڅه کوي ژر دغه چاره ترسره کړي.
د سرچینې د څرګندونو له مخې؛ دا چاره د رېل پټلۍ جوړولو ته هم اړتیا لري.
سوداگري
په کابل کې د افغانستان او قزاقستان سوداګریز کنفرانس او نندارتون جوړ شو
نن پنجشنبه ( د غویی شپږمه ) د افغانستان او قزاقستان چارواکو سوداګریز کنفرانس جوړ او د سوداکریز نندارتون پرانسته وکړه، چې په کې د سوداګریزو اړیکو پر پراختیا ټینګار څرګند شو.
د ریاست الوزرا قتصادي مرستیال د دې نندارتون د پرانستې په غونډه کې د افغانستان د امنیتي ټيکاو او په هېواد کې د پانګونې د زمینې د برابرلو ترڅنګ د سوداګرۍ د ټرنزیټي کچې پر وده او پراختیا هم خبرې وکړې.
د ریاست الوزرا اقتصادي مرستیال ویلي، چې د اسلامي امارت د اقتصاد محوره بهرني سیاست پر بنسټ توانیدلي، چې د سیمې هېوادونو او په ځانګړي توګه له منځنۍ آسیا سره سوداګریزې پراخې اړیکې جوړې کړي.
د سوداګرۍ وزارت څرګنده کړې؛ په ١٤٠٢ لمریز لېږدیز کال کې د افغانستان او قزاقستان ترمنځ د سوداګرۍ کچه نږدې ٢٧٠ ميليون ډالره وه.
د صنعت او سوداګرۍ وزارت چارسمبالي نورالدین عزیزي ویلي: د افغانستان او قزاقستان ترمنځ په سوداګرۍ کې د پام وړ زیاتوالي راغلي او د دغو نندارتونونو له جړیدا سره به د دواړو هېوادونو ترمنځ اقتصادي اړیکې نورې هم پراخي شي.
نورالدین عزیزي څرګنده کړې: د اسلامي امارت بهرنی سیاست خپلواک، متوازن او اقتصاد محوره دی، چې کولی شي افغان- قزاق نړیوال نندارتون ته ورته نندارتونونه جوړ کړي.
هغه زیاته کړې، دغه نندارتون د افغانستان او قزاقستان ترمنځ د اقتصادي او سیاسي اړیکو په پیاوړتیا کې ارزښتناک رول لوبولی شي.
له دې سره د قزاقستان د لومړي وزیر مرستیال هم ویلي، چې د افغانستان او قزاقستان ترمنځ سوداګریزې اړیکې پراخه شوې دي او د افغانستان له لارې یې له منځنۍ آسیا سره پر نښلېدا ټینګار کړی دی.
د قزاقستان د لومړي وزیر مرستیال، چې د یو پلاوي پر مشرۍ کابل ته راغلی د افغانستان او قزاقستان د سوداګریزو اړیکو پر پراختیا یې ټينګار کړی او وایي؛ د دواړو هېوادونو ترمنځ د سوداګريزو، ټرانزيټي او اقتصادي اړيکو د پراختیا لپاره پر شته ظرفیتونو باید کار وشي، چې د افغانستان له لارې منځۍ آسیا له جنوبي آسیا سره ونښلول شي.
د قزاقستان د لومړي وزیر مرستیال سیریک ژومنګارین ویلي: پر بنسټيزې پروژو په ځانګړي توګه د افغانستان د اورګاډي پټلۍ د پراختیا او همداراز په اقتصادي ډګرونو کې پر شته ظرفیتونو باید کار وشي، چې د دواړو هېوادونو ترمنځ د اقتصادي او سوداګریزو اړیکو د پراختیا لپاره زمینه برابره شي.
ملګري ملتونه هم وايي، چې د منځنۍ آسیا هېوادونه د افغانستان په اقتصادي وده کې اساسي رول لوبولی شي.
په افغانستان کې د ملګرو ملتونو ځانکړې استازې روزا اوتونبایوا ویلي؛ د افغانستان په اقتصادي پراختیا کې خصوصي سکټور د باثباته اقتصاد په رامنځ ته کولو کې مهم رول لري، چې په وروستیو دوه کلونو کې دوی په ځانګړي ټوګه د ټرانزیټي، بانکي او نړیوال مارکیټ ته دلاس رسي په برخو کې ستونزې لرلې، چې په دې برخه کې ترې ملګرو ملتونو خپله همکارۍ نده سپمولې.
ویل کیږي، چې د افغانستان او قزاقستان ترمنځ د دې سوداګریز کنفرانس په دوه ورځني نندارتون کې د دواړو هېوادونو خصوصي سکټورنو له لوري په ۸۰ غرفو کې بېلابېل تولیدات نندارې ته وړاندې کړي دي.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
سوداگري
ماليزيايي پانګوال دې په افغانستان کې پانګونه وکړي – عزيزي
د صنایعو او سوداګرۍ وزارت چارسمبالي نورالدین عزیزي د مالیزیا د بهرنیو چارو، دفاع، کورنیو چارو وزارتونو او د افغانستان لپاره د دې هېواد د لومړي وزیر د دفتر له استازې ډاکټرې شازلینا بنت زین العابدین سره وکتل.
د افغانستان د سوداګرۍ او صنایعو وزارت ويلي؛ په دې کتنه کې د دواړو هېوادونو ترمنځ د سوداګریزو اړیکو پر پیاوړتیا، د دواړو لوریو دوه اړخیزو سوداګریزو اړیکو کنفرانس، د افغانستان او مالیزیا تر منځ د سوداګرۍ توازن او د افغانستان د محصولاتو لکه غالۍ، پنبه او کاني ډبرو لپاره بازار موندلو خبرې شوې دي.
ویل کیږي، چې په دې لیدنه کې د صنعت او سوداګرۍ وزارت چارسمبالي په افغانستان کې د سیمې د هېوادونو د پانګونې پر زیاتوالي ټینګار کړی او د مالیزیا له پانګوالو غوښتل شوي، چې په افغانستان کې پانګونه وکړي.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
تازه خبرونه16 hours ago
د بغلان ولایت د غوري سمنټو تولید زیات شوی
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
تازه خبرونه1 day ago
ترکمنستان د ټاپي پروژې بشپړولو ته ژمن دی – امانوف
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
لوبی1 day ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل