تازه خبرونه
د افغانستان بانک د ۳.۵ میلیارد دالرو شتمنۍ په اړه د امریکایي قاضي له پرېکړې هرکلی وکړ
د امریکا یوه قاضي د سې شنبې پر ورځ پرېکړه کړې، چې د ۲۰۰۱ ز. کال د سپتمبر د ۱۱ نېټې د بریدونو قربانیان د افغانستان بانک له ۳.۵ میلیارد دالرو څخه د تاوان د ترلاسه کولو حق نهلري.
په نیویارک ایالت کې د منهاتن د سیمې د یوې محکمې قاضي جورج دانیلز حکم کړی، چې د سپتمبر د یوولسمې د پېښې د قربانیانو ژوندي پاتې شوي کسان د افغانستان بانک له شتمنیو څخه د تاوان د جبران حق نهلري.
جورج دانیلز ویلي، چې د امریکا اساسي قانون هغه ته اجازه نه ورکوي چې په افغانستان کې رامنځته شوی حکومت د یوه مشروع حکومت په توګه ومني او که د سپتمبر د یوولسمې نېټې قربانیانو ته د افغانستان بانک پیسې ورکړ شي؛ نو دا به پدې معنی وي، چې هغه د افغانستان سرپرست حکومت د یوه مشروع حکومت په توګه منلی دی.
جورج دانیلز وایي: د امریکا محکمې دا واک نهلري، چې د افغانستان بانک پیسې د سپتمبر د یوولسمې نېټې قربانیانو ته وسپاري او که داسې وکړي؛ نو دا به پدې معنا وي، چې د طالبانو(اسلامي امارت) حکومت یې د مشروع حکومت په توګه منلی دی. په داسې حال کې، چې د جوبایدن په مشرۍ حکومت د افغانستان سرپرست حکومت په رسیمت ندی پیژندلی. دا تاوان باید په خپله طالبان ( اسلامي امارت) ورکړي نه د افغانستان خلک.
د سپتمبر د یوولسمې له بریدونو د ژوندي پاتې شویو کسانو وکیلانو ویلي، چې د دې قاضي پرېکړه به وننګوي.
د افغانستان بانک ویلي، چې امریکا باید د افغانانو غږ واوري او کنګل شوې پانګه آزاده کړي او د افغانستان بانک ته یې وسپاري.
د افغانستان بانک ویاند حسیب الله نوري له دې پرېکړې هرکلی کړی او څرګندوي، چې دا پیسې د افغانستان د خلکو دي او د پولي ثبات، د مالي نظام د پیاوړتیا او له نړۍ سره د سوداګرۍ د اسانتیا لپاره کارول کېږي.
په ملګرو ملتونو کې د افغانستان د څوکۍ سرپرست نصیر احمد فایق هم د نیویارک ایالت محکمې ته د افغانستان بانک د ۳ اعشاریه ۵ میلیارد دالرو د شتمنیو د خوندیتوب په خاطر خپله دفاعیه استولې ده.
له دې مخکې د امریکا یوې بلې محکمې هم د ۲۰۲۲ ز. کال په اګست میاشت کې پرېکړه کړې وه، چې د امریکا د سپتمبر د ۱۱مې د پېښې قربانیان د افغانستان بانک له شتمنۍ څخه د غرامت تر لاسه کولو حق نهلري.
دا په داسې حال کې ده، چې امریکا د افغانستان بانک اووه میلیارد دالر پانګه کنګل کړې او جوبایډن پرېکړه کړې، چې د دې پيسو نیمه برخه د سویس بانک صندوق ته، چې د افغانستان لپاره جوړ شوی واستول شي او پاتې درې نیم میلیارد دالر د سپتمبر د یوولسمې قربانیانو ته د غرامت په توګه ورکړي.
تازه خبرونه
په قطر کې د ګامبیا د سفیر او سهیل شاهین لیدنه؛ د دوه اړخیزو اړیکو ارزونه او د پانګهونې فرصتونه
په دوحه کې د افغانستان سفارت د خبرپاڼې له مخې؛ عمر جاح هممهاله د افغانستان لپاره د ګامبیا د سفارت چارې هم پر مخ وړي.
په دوحه کې د افغانستان اسلامي امارت د سفارت چارسمبالي(سرپرست) په قطر کې د ګامبیا له سفیر او ځانګړي استازي عمر جاح سره پر دوه اړخیزو اړیکو خبرې کړې دي.
په دوحه کې د افغانستان سفارت د خبرپاڼې له مخې؛ عمر جاح هممهاله د افغانستان لپاره د ګامبیا د سفارت چارې هم پر مخ وړي.
په دې لیدنه کې دواړو لوریو د افغانستان او ګامبیا ترمنځ پر دوهاړخیزو اړیکو، په افغانستان کې امنیتي وضعیت، د پانګونې فرصتونو، اقتصادي همکاریو او نورو ګډو موضوعاتو اندونه وړاندې کړي دي.
تازه خبرونه
که په واک کې ښه چارواکي وای، د ډیورنډ کرښې دواړو غاړو ته به خلکو آزاد تګ راتګ کاوه – اڅکزی
هغه په یوه غږیزه خپرونه کې ویلي، چې نور هېوادونه لکه روسیه، جرمني او بریټانیا، له تاریخي جګړو سره – سره نن خلاصې پولې لري؛ یوازې یوه «کاغذي کرښه» یې ترمنځ پاتې ده او د څارنې او ارزونې هیڅ کومه سخته ارزونه نشته.
د پاکستان په ملي شورا کې د اپوزیسیون مشر او د پښتونخوا د عوامي ملي ګوند مشر محمود خان اڅکزي ویلي، چې که ښه مشران په واک کې وای: نو د ډیورنډ کرښې په اوږدو کې به خلکو آزاد تګ راتګ کولی شو.
هغه په یوه غږیزه خپرونه کې ویلي، چې نور هېوادونه لکه روسیه، جرمني او بریټانیا، له تاریخي جګړو سره – سره نن خلاصې پولې لري؛ یوازې یوه «کاغذي کرښه» یې ترمنځ پاتې ده او د څارنې او ارزونې هیڅ کومه سخته ارزونه نشته.
اڅکزي زیاته کړې، کېدی شو؛ په سیمه کې ورته وضعیعت رامنځته شوی وای.
هغه ټینګار کړی: «دلته ستونزه څه ده؟ پنجابي په کندهار کې نڅا کوله او پښتانه دلته راتلل. که څه هم مونږ په ښکاره یو هېواد نهیوو، خو کولی مو شو په عمل کې یو هېواد واوسو.»
هغه د شوروي اتحاد او امریکا لهخوا پر افغانستان د یرغل یادونه وکړه او څرګندوي؛ افغانستان حق لري، چې له دې هېوادونو د جګړې د زیانونو او بیارغونې لپاره د تاوان غوښتنه وکړي.
دې پاکستاني سیاستوال له پښتنو سره د پاکستان د حکومت پر چلند نیوکه کړې او ادعا کوي، چې په ځینو ښارونو لکه لاهور او کراچۍ کې هغوی نیسي او جبري ایستل کیږي.
تازه خبرونه
د کونړ زلزلهځپلو ته په ننګرهار کې نمرې وویشل شوې
د دې وزارت د خپرې شوې خبرپاڼې له مخې؛ یاد ښارګوټی د معیاري ښاري پلان له مخې طرحه شوی، چې په کې د اوسېدو د نمرو تر څنګ سړکونه او بنسټیزې آسانتیاوې په پام کې نیول شوې دي.
د کور او ښار جوړولو وزارت د کونړ ولایت هغو زلزلهځپلو کورنیو ته، چې د وروستۍ زلزلې له کبله یې کورونه ویجاړ شوي وه؛ د ننګرهار ولایت د ښېوې ولسوالۍ د ګمبیري د اړوند سیمې په ۱۰۰۰ جریبه ځمکه کې د نوي جوړ شوي ښارګوټي استوګنیزې نمرې وېشلي دي.
د دې وزارت د خپرې شوې خبرپاڼې له مخې؛ یاد ښارګوټی د معیاري ښاري پلان له مخې طرحه شوی، چې په کې د اوسېدو د نمرو تر څنګ سړکونه او بنسټیزې آسانتیاوې په پام کې نیول شوې دي.
دغه راز په دې ښارګوټي کې د ښوونځي، مدرسې، جوماتونو، روغتیایي کلینیک او هدیرې لپاره ځانګړې ځمکې پر نښه شوې دي، چې اوسېدونکو ته د یو منظم او باعزته ژوند بشپړ چاپېریال برابر شي.
خبرپاڼه زیاتوي؛ په همدې مناسبت جوړه شوې غونډه کې د کور او ښار جوړولو وزارت وزیر نجیبالله حیات حقاني د ننګرهار ولایت د والي مرستیال مولوي غلام الرحمن حیدري، د علماوو شورا رییس او د زلزلهځپلو د مرکزي کمیسیون مشر شیخ خیر محمد فاروقي، د کونړ د جهادي مدرسې مشر شیخ عبدالقهار صدیقي، د ننګرهار ولایت د مقام استازی شمس العارفین او یو شمېر نورو مسوولانو ګډون کړی و.
د کور او ښار جوړولو وزارت وزیر نجیبالله حیات حقاني دغو مراسمو ته په وینا کې ویلي؛ اسلامي امارت هڅه کوي، چې زلزلهځپلې کورنۍ پیاوړې کړي او د ټولنې د فعالو غړو په توګه یې وروزي، چې د مرستې له اخیستونکو څخه د مرستې کوونکو کچې ته ورسېږي.
نوموړي د دې پلان پر ارزښت ټینګار وکړ او وایي: دا «پلان هغه ګټوره نسخه ده، چې خړه دښته د سرو زرو پر ارزښت بدلوي او د انساني ټولنې د پرمختګ لپاره عملي کېږي.»
ویل کیږي، چې د ننګرهار ولایت د مقام استازي شمس العارفین څرګنده کړې، چې د ننګرهار ولایت مقام د زلزلهځپلو د ملاتړ او د یاد ښارګوټي د ښه مدیریت لپاره د هر راز همکاریو ډاډ ور کړ.
په قطر کې د ګامبیا د سفیر او سهیل شاهین لیدنه؛ د دوه اړخیزو اړیکو ارزونه او د پانګهونې فرصتونه
که په واک کې ښه چارواکي وای، د ډیورنډ کرښې دواړو غاړو ته به خلکو آزاد تګ راتګ کاوه – اڅکزی
امریکا او ایران د جګړې د پای ته رسولو او د اټومي خبرو د پیل لپاره سره نږدې شوي – راپور
د کونړ زلزلهځپلو ته په ننګرهار کې نمرې وویشل شوې
امریکا به له ایران څخه غني شوي یورانیم ترلاسه کړي – ټرمپ
له برید درولو وروسته ایران له امریکا سره پر لنډمهالي اوربند هوکړه وکړه
د افغانستان، ازبکستان او قرغزستان د استازو سوداګریزه ناسته ترسره شوه
د هائیټي په تاریخي کلا کې د ګڼې ګوڼې له کبله مرګ او ژوبله رامنځته شوې
آیا ایران په هرمز تنګي کې پر بېړیو پیسې وضع کولی شي؟
د جګړې له پایلو د اماراتو اندېښنه؛ د تېلو په راکړه ورکړه کې د ډالرو دډې ته کولو احتمال
تحول: د ایران او امریکا په شخړه کې ډیپلوماټیک بدلون
څار: له اسلامي امارت سره د هېوادونو د تعامل زیاتوالی
تحول: له جرمني څخه د افغان کډوالو د ایستلو روان بهیر
څار: د پاکستان پر پالیسۍ نیوکې
تحول:د افغانستان پر وړاندې د پاکستان دوه ګونی سیاست
-
سوداگري4 days agoله قزاقستان څخه افغانستان ته د غنمو په صادراتو کې د پام وړ زیاتوالی راغلی دی
-
تازه خبرونه5 days agoد ملګرو ملتونو خبرداری: د مرستو کمښت په افغانستان کې د ماین پاکۍ بهیر ځنډولی
-
سیمه ییز خبرونه4 days agoامریکا په هرمز تنګي کې د بندو کښتیو د خوندي لېږد چارې پیل کړې
-
سوداگري2 days agoد منځنۍ آسیا له لارې د چین– افغانستان نوې ټرانزیټي لاره پرانیستل شوه
-
سوداگري5 days agoد ۱۲ پراختیایي پروژو تائید؛ د بنسټیزو برښنایي، ټرانسپورټي او ودانیزو چارو پر پراختیا ټینګار
-
سیمه ییز خبرونه2 days agoپه بېجینګ کې لوړپوړې خبرې؛ په هرمز تنګي کې د امریکا او ایران پر کړکېچ ټینګار
-
نړۍ3 days agoسپینې ماڼۍ ته نږدې نښته؛ یو وسلهوال ټپي او روغتون ته ولېږدول شو
-
تازه خبرونه5 days agoپه کابل کې د کتاب نندارتون؛ د لوست کلتور پیاوړتیا او د کورنیو لیکوالانو ملاتړ