لوبی
د آسترالیا کرکت ملي لوبډلې د تست نړیوال جام اتلولي خپله کړه
د آسترالیا کرکت ملي لوبډلې په وروستۍ لوبه کې هندوستان ته پر ۲۰۹ منډو ماتې ورکړه او د نړۍ د تست سیالیو اتلولي یې وګټله.
هندوستان، چې د ۴۴۴ منډو له هدف سره مخ و؛ د لوبې پر پېنځمه او وروستۍ ورځ یې د درې لوبغاړیو پر سوځیدو ۱۶۴ منډې جوړې کړې او لوبه یې بیا پیل کړه.
دوی د ۲۳۴ منډو پر جوړولو ټول وسوځېدل. هندوستان د ورځې تر نیمايي پورې اووه لوبغاړي له لاسه ورکړي وه او په ۲۴ آوورونو کې یې یوازې ۷۰ منډې جوړې کړې.
د آسترالیا سکات بولند په یوه آوور کې دوه ویکتې واخیستې، چې ویرات کوهلي هم په کې و.
ناتان لیون بیا نور هندي لوبغاړي هم وسوځول.
هند پچه ګټلی وه؛ خو آسترالیا د لوبې له پیله برلاسی و، چې تراویس هید ۱۶۳ او ستیف سمیت ۱۲۱ منډې وکړې.
د امتیازاتو لنډیز
آسترالیا لومړۍ پاڼۍ ۴۶۹ منډې (تراویس هید ۱۶۳، سیتیف سمت ۱۲۱ او محمد سراج ۱۰۸ـ ۴ )
هند لومړۍ پاڼۍ ۲۹۶ (اجینکیا رهاني ۸۹، شاردول تاکور۵۱ ؛ پت کمینز ۳-۸۳)
آسترالیا دوهیمه پاڼۍ ۲۷۰ـ۸ (الیکس کري ۶۶؛ رویندر جدیجا ۵۸-۳ )
هند دوهیمه پاڼۍ ۲۳۴ (ناتان لیون ۴۱-۴، سکات بولند ۳-۴۶ )
لوبی
اټک انرژی جوانان واحدي لوبډله او عینو مېنې خدیم ماټ کړل
د دوشنبې پر ورځ د افغانستان اتلانو لیګ په درېدېرشمه لوبه کې اټک انرژي جوانان واحدي ته ۷- ۰ او په څلوردېشمه لوبه کې عینو مېنې خدیم افسي ۳ پر ۱ مات کړل.
د جوانان پر وړاندې د اټک عبدالصبور رحیمي (۲)، یارمحمد ذاکرخېل (۲)، اکپو افنجا ګوډون (۱) او جواد الکوزي (۱) ګولونه ووهل. د دوی لومړی ګول عصمت الله غیاشي پخپله هڅه وواهه.
دغه راز د عینو مېنې لپاره احمد نبي مقصود (۲) او خلیل احمد بادشاه (۱) ګولونه ووهل او خدیم ته یې ۳- ۱ ماتې ورکړه.
د خادیم لوبډلې لخوا یوازنی ګول مجیب الله کریمي وواهه.
د سې شنبې په سیالیو کې خراسان فاریاب له استقلال کابل سره او سرسبز یاشلر له سورخ پوشان خوافي سره لوبه کوي.
دغه سیالۍ له آریانا ټلویزیون څخه پر ژوندۍ بڼه خپریږي.
لوبی
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
د یکشنبې پر ورځ په کابل کې د افغانستان اتلانولیګ په درېیم پړه کې د ابو مسلم فراه لوبډلې میوند ته ۹ پر ۱ ماتې ورکړه او محمد سهراب افغان پېنځه ګولونه ورکړل.
د ابو مسلم څلور نور ګولونه معین کمالي، عبیدالله عمري، رؤف عظیمي او نجیب الله هاشمي ووهل.
دا د دې سیالیو په لړ کې تر اوسه د یوې لوبډلې لخوا تر ټولو ډېر ګولونه دي.
میوند لوبډلې خپل یوازنی ګول د لوبې له پای ته رسېدو لږ مخکې د سید جاوید حسني پر مټ وواهه.
د همدې ورځې په بله لوبه کې عدالت فراه ۳ د صفر پر توپیر موجل ساحل ته ماتې ورکړه. عبدالعلي واحدي دوه او فرهاد کریمي یو ګول ترسره کړ.
د افغانستان تلانو لیګ د دوشنبې ورځې په سیالیو کې به اټک انرژی لوبډله د جوانان واحدي له لوبډلې سره د غرمې پر ۱:۰۰ او عینو مېنه به ۳:۳۰ له خدیم لوبډلې سره ولوبیږي.
دا سیالۍ له آریانا تلویزیون څخه پر ژوندۍ بڼه خپریږي.
لوبی
سرخ پوشان خوافي او خدیم د خپلو اړوند سیالیو ګټونکي شول
د چارشنبې پر ورځ په کابل کې د افغانستان اتلانو لیګ په درویشتمه سیالۍ کې سرخ پوشان خوافي د جوانان واحدي لوبډلې ته ۳- ۰ ماتې ورکړه او د همدې ورځې په څلیریشتمه لوبه کې خدیم افسي استقلال کابل ته ۲ د ۱ پر توپیر ماتې ورکړه.
سرخ پوشان خوافي جوانان واحدي ته درې ګولونه ورکړ شول، چې حامد امیري، مسعود آزاداني او فرهاد علیزاده یوـ یو ګول ترسره کړ.
حمید امیري د لوبې غوره لوبغاړی هم اعلان شو.
د نن ورځې په دوهیمه لوبه کې د خدیم افسي لوبډلې لوبغاړي شهزاد سنچارکي دوه ګولونه ووهل.
د استقلال کابل لوبډلې یوازنی ګول حمید غلامي وواهه.
سنچارکي د لوبې غوره لوبغاړی ونومول شو.
-
تازه خبرونه3 days ago
په غور کې د سېلابونو له کبله سلګونه خلک بې ځایه شول
-
تازه خبرونه3 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه3 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
نړۍ2 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
تازه خبرونه2 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
سوداگري3 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
لوبی2 days ago
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
-
نړۍ2 days ago
د غزې په جګړه کې مو د مصر او قطر د اوربند وړاندیز منلی – حماس