سیمه ییز خبرونه
ایران او پاکستان به امنیتي همکاري پراخه او د توغندیزو بریونو مخه ونیسي
پاکستان او ایران د دوشنبې پر ورځ( د سلواغې نهمه ) ژمنه وکړه، چې د اړیکو د ښه کولو لپاره به دواړه خواوې د اورپکو پر وړاندې ګډې هڅې کوي او په دې اړه به امنیتي همکارۍ هم پراخې کړي.
د دواړو هېوادونو د بهرنیو چارو وزیرانو په اسلامآباد کې له هغې وروسته سره وکتل، چې روانه میاشت یې دواړو حکومتونو سرحدي سیمې پر توغندیو وویشتې او د پراخې بې ثباتۍ په اړه یې اندېښنې راپورته کړې.
د تهران او اسلامآباد په توغندیزو بریدونو کې د سرحدي سیمو لږ تر لږه ۱۱ کسان وژل شوي دي.
د پاکستان د بهرنیو چارو وزارت لنډمهالي وزیر جلیل عباس جیلاني له خپل ایراني سیال حسین امیر عبداللهیان سره په ګډه خبري غونډه کې ویلي، اسلامآباد او تهران به د ګډې همکارۍ له لارې اورپکو ته اجازه ورنهکړي، چې اړیکې مو له خطر سره مخ کړي.
جیلاني وایي: مونږ توانیدلي یوو، چې دا وضعیت په لنډ وخت کې بېرته عادي حالت ته راوګرځوو.
هغه زیاته کړې: مونږ وتوانیدو، چې د دواړو حکومتونو ترمنځ رامنځته شوې ستونزه ژر تر ژره حل کړو؛ ځکه، چې تاریخي اړیکې د تاوتریخوالي مخنیوی کوي.
جیلاني ویلي؛ دواړو لوریو هوکړه وکړه، چې په خپلو سیمو کې له اورپکو سره مبارزه وکړي او د بهرنیو چارو د وزیرانو پر کچه د سلا مشورو یو سیسټم جوړ کړي چې په اړوند برخو کې پرمختګونه وڅاري.
دواړو وزيرانو په تربت او زاهدان کې د روانو امنيتي او استخباراتي همکاريو د پياوړتيا لپاره په سمدستي توګه د اړيكو افسرانو پر ګمارلو هوکړه وكړه.
دغه راز عبداللهیان څرګنده کړې، چې د ایران او پاکستان ترمنځ هیڅکله ځمکني اختلافات یا جنګونه رامنځته شوي نهدي.
عبداللهیان وایي؛ مونږ د پاکستان امنیت ته ژمن یوو او پاکستان د ایران یو ورور، دوست او ګاونډی ګڼو، چې د ایران او پاکستان امنیت د ټولې سیمې امنیت دی.
هغه وایي: د تهران او اسلامآباد تر منځ د ګډې همکارۍ له لارې به اجازه ورنهکړو، چې اورپکي سرحدي امنيت له خطر سره مخ کړي.
هغه زياته کړې، چې د ايران ولسمشر ابراهيم ریيسي به ډېر ژر پاکستان ته سفر وکړي.
د پاکستان د بهرنیو چارو وزارت لخوا په خپره شوې خبرپاڼه کې راغلي؛ دواړو بهرنیو چارو وزیرانو د اقتصادي او پرمختیایي همکاریو لپاره د نوښتونو پر پراخولو هم موافقه کړې، چې په کې د ګډو پولو بازارونو د ژر فعالولو له لارې په سرحدي سیمو کې د خلکو په ځانګړي توګه د میشتو خلکو ټولنیز-اقتصادي حالت لوړ شي.
کارپوهانو ويلي، چې د ایران او پاکستان ترمنځ توغندیز بریدونه تر ډېره د داخلي سیاسي فشارونو نتیجه ده؛ تهران د پاکستان په سرحدي سیمه کې د ایران ضد وسلهوالې ډلې جیش العدل پټنځایونه پر نښه کړي او پاکستان د ایران په سیستان او بلوچستان ایالت کې د بېلتون پالو بلوڅ اورپکو پر پټنځایونو هوايي بریدونه کړي وه.
سیمه ییز خبرونه
پوتین د ولسمشرۍ بله ۶ کلنه لوړه وکړه
د روسیې ولسمشر ولادیمیر پوتین د سې شنبې پر ورځ د غویی اتلسمه په کرملین ماڼۍ کې د یو لړ مراسمو پر مهال د دغه هېواد د ولسمشر په توګه خپل نوی شپږ کلن پېر پیل کړ.
پوتین له دې مخکې څلور ځله د روسیې د اساسي قانون د ساتنې لوړه کړې ده.
ولادیمیر پوتین له ۱۹۹۹ ز.کال راپدیخوا د روسیې په سیاسي ډګر کې د ولسمشر یا لومړي وزیر په توګه خپل واک ساتلی دی.
۷۱ کلن پوتین په تېر مارچ کې د روسیې د ولسمشریزو ټاکنو ګټونکی وپېژندل شو.
د هغه تر ټولو نومیالی سیال الکسي ناوالني یوه میاشت مخکې د شمالي قطب په یوه زندان کې ناڅاپه مړ شو.
د الکسي ناوالني میرمنې په یوټیوب کې د ولسمشرۍ د لوړې له مراسمو مخکې یوه ویډیو خپره کړه؛ پوتین یې ظالم او قاتل یاد کړی او له پلویانو یې وغوښتل، چې د پوتین پر وړاندې مبارزه روانه وساتي.
امریکا، بریټانیا او یو شمېر نورو هېوادونو د پوتین د لوړې له مراسمو ډده کړی ده.
د امریکا بهرنیو چارو وزارت ویاند مټیو میلر د دوشنبې پر ورځ ویلي: مونږ به د هغه د لوړې په مراسمو کې استازی ونلرو. مونږ د [روسیې] ټاکنې ازادې او عادلانه نه ګڼو؛ خو پوتین د روسیې ولسمشر دی او په اټکل کیږي، چې خپل کار به روان وساتي.
د آلمان خبري آژانس او د اروپايي اتحاديې د ډيپلوماتانو د څرګندونو له مخې؛ ځينو هېوادونو لکه فرانسې، هنګري او سلواکیا د پوتين د لوړې مراسمو ته د اړیکو د ساتلو لپاره خپل استازي استولي دي.
ولادیمیر پوتین، چې لږ تر لږه ۲۵ کاله په واک کې پاتې دی؛ تر ۲۰۳۰ پورې به د روسیې د ولسمشر په توګه خپلې دندې ترسره کوي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
-
تازه خبرونه3 days ago
د پاکستان خاوره د افغانستان پر ضد کارول کیږي
-
نړۍ4 days ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه3 days ago
د سې شنبې پر ورځ خراسان او سرخ پوشان لوبډلو لوبه وګټله
-
سوداگري2 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
تازه خبرونه4 days ago
دولتي بنسټونه د برښنا له شرکت څخه یو نیم میلیارډ افغانۍ پوروړي دي
-
نړۍ5 days ago
د غزې په جګړه کې مو د مصر او قطر د اوربند وړاندیز منلی – حماس
-
لوبی2 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه3 days ago
په بدخشان ولایت کې ماین چاودنې ۸ کسانو ته مرګ او ژوبله اړولې