سیمه ییز خبرونه
ولسي جرګې د دولت ټول پېشنهادي وزيران تائيد كړل
ولسي جرګې د ولسمشر حامد كرزي پنځه پيشنهادي وزيران تائيد كړل. ضرار احمد عثماني، دين محمد مبارز راشدي، محمد اكبر باركزى، شاكر كارګر او محمد عارف نورزى د حكومت پيشنهادي كانديدان و، چې د ولسي جرګې غوڅ اكثريت رايي يي وګټلې او د وزيرانو په توګه تائيد شول. ولسي جرګې دين محمد ګران او عبدالقادر عدالت خواه هم د سترې محكمې د شورا د غړو په توګه تائيد كړل.
په ولسي جرګه كې وضعيت بل ډول دى، اكثر استازي راغلي ښايي، دوی د دولت د كابينې پنځو پېنشهادي وزيرانو ته د رايو وركولو په خاطر جرګې كې حاضر شوي وي.
د جرګې د پېل خبرې داخلي ستونزو پورې را ټولې وې، چې د استازو كم كاري او د جرګې ناتواني د بحث موضوعات و.
د ولسي جرګې رئيس د كميسيونونو پر حالت او دا، چې اكثر استازي جرګې ته نه راځي، خپګان ښكاره كړ او ويي وېل همدې غېر حاضريو ډېر قوانين له تصويب غورځولي دي.
كانديد وزيران او د سترې محكمې پيشنهادي غړي تالار ته راغلل. د بهرنيو چارو وزارت سرپرست ضرار احمد عثماني وايي، كه يي د وزير په توګه رايې وګټلې، افغانستان ته به مشخص بهرنى سياست جوړوي، امنيتي هوكړه ليك ته هم نوموړي اشاره وكړه.
دين محمد مبارز راشدي د نشه يي توكو پر وړاندې د مبارزې وزارت ته كانديد دى، دى وايي تر اوسه حكومت له نشه يي توكو سره مبارزه په جدي توګه پر مخ نه ده وړې او كه چېرې يي د استازو باور تر لاسه كړ، د نشه يي توكو ګراف به را ټيټ كړي.
نورو وزيرانو هم خپل پروګرامونه بيان كړل. خو داسې ښكاري، چې د دوی خبرې د ولسي جرګې ځينو استازو ته ارزښت نه لري.
ولسي جرګې د دولت ټول دا پيشنهادي وزيران تائيد كړل خو له انتظار لرې.
ضرار احمد عثماني د ۱۸۳ تائيد او ۳۲ رد رايو په ترلاسه كولو سره د بهرنيو چارو وزير شو، دين محمد مبارز راشدي د ۱۶۶ تائيد او ۵۱ رد رايو په تر لاسه كولو سره د نشه يي توكو پر وړاندې د مبارزې وزير شو. شاكر كارګر د ۱۶۳ تائيد او ۳۴ رد رايو په ګټلو سره د سوداګرۍ وزير شو. محمد اكبر باركزى د ۱۶۴ تائيد او ۵۳ رد رايو په تر لاسه كولو سره د كانونو وزير شو او محمد عارف نورزى د ۱۷۷ تائيد رايو او ۴۰ رد رايو په ګټلو سره د انرژۍ او اوبو وزير شو. دين محمد ګران د ۱۴۶ تائيد او ۶۴ رد رايو په تر لاسه كولو سره د سترې محكمې د عالي شورا غړى او عبدالقادر عدالت خواه هم د ۱۶۰ تائيد رايو په ګټلو سره د سترې محكمې د عالي شورا غړيتوب تر لاسه كړ.
سیمه ییز خبرونه
پوتین د ولسمشرۍ بله ۶ کلنه لوړه وکړه
د روسیې ولسمشر ولادیمیر پوتین د سې شنبې پر ورځ د غویی اتلسمه په کرملین ماڼۍ کې د یو لړ مراسمو پر مهال د دغه هېواد د ولسمشر په توګه خپل نوی شپږ کلن پېر پیل کړ.
پوتین له دې مخکې څلور ځله د روسیې د اساسي قانون د ساتنې لوړه کړې ده.
ولادیمیر پوتین له ۱۹۹۹ ز.کال راپدیخوا د روسیې په سیاسي ډګر کې د ولسمشر یا لومړي وزیر په توګه خپل واک ساتلی دی.
۷۱ کلن پوتین په تېر مارچ کې د روسیې د ولسمشریزو ټاکنو ګټونکی وپېژندل شو.
د هغه تر ټولو نومیالی سیال الکسي ناوالني یوه میاشت مخکې د شمالي قطب په یوه زندان کې ناڅاپه مړ شو.
د الکسي ناوالني میرمنې په یوټیوب کې د ولسمشرۍ د لوړې له مراسمو مخکې یوه ویډیو خپره کړه؛ پوتین یې ظالم او قاتل یاد کړی او له پلویانو یې وغوښتل، چې د پوتین پر وړاندې مبارزه روانه وساتي.
امریکا، بریټانیا او یو شمېر نورو هېوادونو د پوتین د لوړې له مراسمو ډده کړی ده.
د امریکا بهرنیو چارو وزارت ویاند مټیو میلر د دوشنبې پر ورځ ویلي: مونږ به د هغه د لوړې په مراسمو کې استازی ونلرو. مونږ د [روسیې] ټاکنې ازادې او عادلانه نه ګڼو؛ خو پوتین د روسیې ولسمشر دی او په اټکل کیږي، چې خپل کار به روان وساتي.
د آلمان خبري آژانس او د اروپايي اتحاديې د ډيپلوماتانو د څرګندونو له مخې؛ ځينو هېوادونو لکه فرانسې، هنګري او سلواکیا د پوتين د لوړې مراسمو ته د اړیکو د ساتلو لپاره خپل استازي استولي دي.
ولادیمیر پوتین، چې لږ تر لږه ۲۵ کاله په واک کې پاتې دی؛ تر ۲۰۳۰ پورې به د روسیې د ولسمشر په توګه خپلې دندې ترسره کوي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
-
تازه خبرونه2 days ago
الله ګل مجاهد د قتل پر تور ونیول شو
-
تازه خبرونه2 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري2 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه1 day ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه1 day ago
د حج او اوقافو وزارت چارسمبالي د ترکیې له ولسمشر سره وکتل
-
تحول5 days ago
تحول: له نړۍ سره د افغانستان د ډیپلوماټیکو اړیکو د ښه کېدو هڅې
-
نړۍ11 hours ago
انټوني بلینکن اوکراین ته رسېدلی