تازه خبرونه
د سرتېرو او طالبانو د تلفاتو په اړه، د ولسمشر څرګندونې له غبرګون سره مخ شوې
د ولسي جرګې غړي د ولسمشر وروستیو خبرو ته ګوته نیسي، چې ویلي یې دي: د طالبانو او افغان ځواکونو پر تلفاتو یې زړه ماتیږي.
دوی وایي، د حکومت د بې کفایتۍ له کبله امنیتي ځواکونه وژل کیږي او حکومت د وضعیت په کابو کولو کې پاتې راغلی دی.
په ولسي جرګه کې د نورستان استازی احمد الله موحد وایي: د طالبانو د تلفاتو په اړه د ولسمشر غني څرګندونې شرموونکې دي. آیا له دغو څرګندونو سره د طالبانو مبارزه رښتینې ده؟ دا خبرې د پوځیانو روحیه کمزورې کوي.
دوی پر حکومت نیوکه کوي، چې په خبره یې د دوست او دښمن څرګند تعریف یې نه دی کړی.
په ولسي جرګه کې د کابل استازی عبدالستار درزابي وایي، چې د حکومت مشرتابه د افغان ځواکونو قربانۍ د ترورستانو له تلفاتو سره مساوي کړي. دا څرګندونې د اندېښنې وړ دي؛ د امنیتي، عدلي او قضایي بنسټونو صلاحیتونه یې هم له منځه وړی دی.
د ولسي جرګې ځینې غړي ټینګار کوي، چې د امنیتي مسوولینو د بې کفایتۍ له کبله د امنیتي ځواکونو تلفات لوړ شوي دي.
په ولسي جرګه کې د هرات استازی خلیل الله شهید زاده وایي، چې خلک او امنیتي ځواکونه د اړوند مسوولینو د بې پروایۍ او بې کفایتۍ له کبله وژل کیږي؛ خو حکومت یې له ټولو امکاناتو سره سره مخنیوي نشي کولی.
په ولسي جرګه کې د کابل استازی الله ګل مجاهد وایي، ورځ تر بلې حالات خرابیږي او امریکا یې نه مخه نیولې او نه یې امنیتي تړون پلې کړې دی.
د ولسي جرګې رییس عبدالرووف ابراهیمي وایي، ټاکنې د وسلوالو مخالفانو اصلي موخه ده او هم د دې بهیر د ګډوډولو لپاره پراخ پلانونه تر لاس لاندې نیول شوي دي.
د نوموړي د څرګندونو له مخې؛ امنیتي ځواکونه باید د ټاکنې د ورځې لپاره خپلې امنیتي طرحې پلې کړي.
د ولسي جرګې غړي ټینګار کوي، چې امنیتي وضعیت خلک اندېښمن کړي او که حکومت د خلکو د امنیت ښه والي لپاره کار ونکړي؛ خلک به له حکومت ډېر واټن ونیسي.
خبریال: رفیع صدیقي
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
لوبی5 days ago
د افغانستان فوټسال ملي لوبډلې له ایران ماتې وخوړه
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه8 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه2 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
سیمه ییز خبرونه24 hours ago
د ایران ولسمشر پر درې ورځني سفر پاکستان ته ولاړ
-
سوداگري20 hours ago
د اوسپنې پټلۍ له لارې ترکیې ته د افغانستان صادرات پیل شول