تازه خبرونه
د طالبانو په نفوذي برید کې د غزني ۲۵ سیمه ییز سرتېري وژل شوي
Last Updated on: لړم ۳, ۱۴۰۱
د غزني ولایت د قره باغ ولسوال غلام حبیب ځیرک ویلي؛ دغه برید د دې ولسوالۍ د نوده په اړوند سیمه کې د اووه نفوذي طالبانو لخوا د سیمه ییزو سرتېرو پر یوه پوسته تر سره شوی دی.
نوموړي زیاته کړې؛ برید کوونکي له پېښې وروسته له وسلوالو طالبانو سره یو ځای شوي او د پوستې ټول تجهیزات یې د هاموی تانک په ګډون له ځان سره وړي دي.
دفاع وزارت د دغې پېښې په اړه وایي، چې په دې نفوذي برید کې ۹ سیمه ییز سرتېري وژل شوي دي.
د طالبانو د څرګندونو له مخې؛ په دې برید کې ۳۲ سرتېري وژل شوي دي.
قره باغ د غزني ولایت یوه ناامنه ولسوالي ده، چې وسلوال طالبان په کې پراخې هڅې تر سره کوي.