تازه خبرونه
د سیاسي اجماع نشتوالی به د حکومت دریځ کمزوری کړي- پیري مایدون
په کابل کې د اروپایي ټولنې سفیر خبرداری ورکوي، چې د سیاسي اجماع نشتون به د سولې په خبرو کې د حکومت دریځ کمزوری کړي او طالبان به په لوړ دریځ کې وي.
د افغانستان ستراتیژیکو مطالعاتو انستیتوت د افغانستان د سولې په بهیر کې د اروپايي ټولنې پر رول ټینګار کړی دی.
په کابل کې د اروپایي ټولنې سفیر د سولې له هوکړې وروسته سیاسي او مالي ملاتړ اعلام کړ. که څه هم امریکا په ځلونو له طالبانو سره خبرې کړي؛ خو تر اوسه اروپایي ټولنه د سولې په خبرو کې دخېله شوې نده. دا ټولنه د سولې هوکړه لیک په تړاو اصلي پرېکړه نیوونکی افغان دولت او طالبان بولي؛ خو د سولې بهیر په تړاو په حکومت کې د سیاسي اجماع نشتوالی د اندېښنې وړ بولي.
په افغانستان کې د اروپايي ټولنې سفیر پیري مایدون د دوحې ناستې له مرکچي پلاوي غواړي، چې په خپلو کې یوې اجماع ته ورسیږي. کابل کې د اروپایي ټولنې سفیر دا راز افغان حکومت او طالبان د سولې هوکړه لیک په برخه کې اصلي پرېکړه کوونکي بولي او وایي، اروپايي ټولنه د لنډمهال حکومت له جوړېدو او د سولې خبرو په پلمه د ټاکنو له ځنډېدو سره په کلکه مخالفت لري.
د نوموړي د څرګندونو له مخې؛ زمونږ باور دا دی، چې دوحې ته تلوونکی مرکچي پلاوی باید په خپل منځ کې یوې سیاسي اجماع ته ورسیږي او په دې برخه کې د لارې نقشه شتون ولري؛ ځکه د سیاسي اجماع نشتون د افغان حکومت ځای او دریځ کمزوری کوي او طالبانو ته به د دې زمینه برابره کړي، چې په لوړ دریځ کې وي.
اروپايي ټولنه باوري ده، چې له طالبانو سره اوسنۍ خبرې، د حکومت او طالبانو د سولې مذاکرات ندي. اروپايي ټولنه باوري ده، چې د سولې خبرې به هغه مهال رامنځته شي، چې افغان حکومت او طالبان مخامخ خبرو ته کیني.
اروپایي ټولنه د لنډ مهال حکومت له جوړېدو سره هم مخالفت لري.
ښاغلي پیري مایدون زیاته کړې، چې مونږ د لنډ مهال حکومت د جوړېدو له منطق ملاتړ نه کوو؛ مونږ نه غواړو ځوان بنسټونه په ستونزو کې واچوو، مونږ دغلته د تیورۍ پر بنسټ خبرې نه کوو، بلکې عملاً غواړو څه، چې وایوو هغه دې تر سره شي.
د اروپايي ټولنې سفیر د سولې مذاکراتو په پلمه د ولسمشریزو ټاکنو له ځنډیدو سره هم مخالفت څرګند کړ او وایي، چې د سولې خبرو له پر مخ بیولو سره هممهال، ټاکنې هم د ملي وحدت حکومت پر میز دي. مونږ غواړو، چې دا دواړه بهیرونه په ګډه تر پاملرنې لاندې راشي او باید ټاکنې د سولې خبرو اترو تر سیوري لاندې رانشي. ولسمشریزې ټاکنې باید پخپل وخت تر سره شي.
که څه هم د طالبانو او امریکایانو خبرې څو میاشتې کیږي، چې روانې دي؛ خو تر اوسه دواړه لوري وروستۍ هوکړې ته ندي رسیدلي. طالبان له افغان حکومت سره د سولې مخامخ خبرو ته هم ندي حاضر شوي، خو اروپایي ټولنه خبرداری ورکوي، چې که خبرې پایلې ته ونه رسیږي، افغانستان به په ټولو برخو کې له ستونزو سره مخ شي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
تازه خبرونه22 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
نړۍ20 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
لوبی21 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ