پرمختګ او بشپړتیا
د افغان فلم مسوولینو د ارګ ارشیف ته ۶۰۰۰ ساعته بېلابېل فلمونه وسپارل
لرغوني آثار د هېواد ملي پانګه بلل کیږي او د همدغو آثارو له لارې مونږ کولی شو، چې خپل پت او برم نه یوازې خوندي کړو، بلکې د نړي نورو ملتونو ته یې هم وړاندې کړو.
د افغان فلم یوولس کارکوونکیو د هېواد د بېلا بېلو تاریخي دورو نږدې شپږ زره ساعته فلمونه د ارګ ارشیف ته وسپارل.
ولسمشرۍ ماڼۍ د مالي او عملیاتي ادارې ريیس احمد وفي امین د افغان فلم د کارکوونکیو دغه کار وستایه او وایي؛ مونږ ۴۰ کاله جګړه لیدلې او په دې جګړه کې مو ډېرڅه له لاسه ورکړي او دا د خوشۍ شېبې دې، چې د چای خونو پر ځای مونږ ځان جوړونه پیل کړه او د هېواد ارزښتونه خوندي کوو.
د ارګ د ارشیف کارکوونکي وايي، چې په منځنۍ کچه هره ورځ له دغه ارشیف څخه له سل ډېر کسان لیدنه کوي.
د ارګ د ارشیف او د ارمان شهر د بنسټ لخوا د افغان فلم یوولس کارکوونکیو ته د دغه کار په بدل کې ستاینلیکونه هم ورکړ شول.