تازه خبرونه
د افغان ترک لیسو په اړه سیاسي پرېکړه نه ده شوې- بنعلي یلدرم
د ترکیې لومړي وزیر کابل ته د خپل سفر په لړ کې ویلي، چې د افغان ترک لیسو په اړه هیڅ ډول سیاسي پرېکړه نه ده شوې او د دغو لیسو مدیریت د ښوونځيو د معیاري کولو لپاره بدل شوی دی.
په افغانستان کې د افغان ترک لیسو د مدیریت چارې د ترکیې هېواد د پوهنې بنسټ ته وسپارل شوې. له دې پرېکړې سره جوخت د افغان ترک لیسو د زدکوونکیو والدینو مخالفت وښود او دا یې سیاسي پرېکړه وګڼله.
کابل ته د ترکیې لومړي وزیر بنعلي یلدرم د خپل سفر په لړ کې ټينګار وکړ، چې د افغان ترک لیسو په اړه پرېکړه سیاسي نه ده.
ښاغلی بنعلي یلدرم وایي: زمونږ پرېکړه له ګولن سره تړلې نده، بلکې مونږ غواړو، چې د دغو ښوونځيو کیفیت لوړ کړو او وده ورکړو. مونږ غواړو، چې دا ښوونځي د ترکیې استازیتوب وکړي او مونږ د دې فرصت ولرو، چې د ودې لپاره یې کار وکړو.
د افغانستان اجرائيه ريیس هم د افغان ترک لیسو په اړه د ترکيې د لومړي وزیر پرېکړه وستایله.
د هېواد اجرائيه ريیس عبدالله عبدالله وایي: د ترکیې د پوهنې بنسټ یوه هوکړه لاسلیک کړې، چې د پلي کولو لپاره به یې ښوونکي له ترکیې راځي او مسوولیتونه به تر لاسه کوي. د افغانستان د پوهنې وزارت او د پوهنې بنسټ به ترې په ګډه څارنه کوي او په دې اړه به د هوکړې عملي کارونه نور هم چټک شي. دا کار زمونږ د هغو ماشومانو په ګټه دی، چې په دې ښوونځیو کې یې لوست کاوه.
د افغان ترک لیسو د زدکوونکیو والدین لاسلیکونه راټولوي، چې د افغان ترک ښوونځيو په اړه شوې پرېکړه وننګوي.
د افغان ترک لیسو د والدینو ټولنې غړی یوسف پښتون وایي: مونږ په افغانستان کې د معارف د ښه والي په اړه د هر هېواد له مرستو ملاتړ کوو؛ خو اجازه نه ورکوو، چې د پوهنې تر چتر لاندې زمونږ د اولادونو پر راتلونکې لوبې وشي.
د افغان ترک لیسو د والدینو د ټولنې غړی صدیق الله توحیدي وایي، چې: که اوسنی حکومت د ترکیې د لومړي وزیر له راتګ سره سامي یوز او استاد یولماز ایتین د ترکیې حکومت ته رسماً ور وسپاري؛ نو دا به د هېواد په تاریخ کې یو ستر شرم وي.
د افغان ترک لیسو مرستیال هم د دغو لیسو په اړه دا پرېکړه د قانون خلاف ګڼي.
د افغان ترک لیسو مرستیال احمد فواد حیدري وایي: ما په دې اړه خپل اعتراض په ډاګه کړی او د پخوا په شان به خپلې هڅې روانې ساتم.
وروسته له هغې، چې په ترکیه کې کودتا ناکامه شوه؛ د ترکیې حکومت په بهر کې د ټولو هغو ښوونځيو د بندولو غوښتنه وکړه، چې اداره یې د فتح الله ګولن له خوا تر سره کیدله.
تازه خبرونه
د ټاپي ګاز شرکت اجرائیه رییس له وروستیو پرمختګونو خوښي څرګنده کړه
د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.
د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.
د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.
ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.
TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت لهخوا پراختیا مومي.
دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.
تازه خبرونه
تحول: په افغانستان کې د بریټانیا د پوځي ماموریت ارزونه
تازه خبرونه
په فاریاب او سرپل کې سېلابونو ځاني او مالي زیانونه اړولي
سیمهییزو چارواکو ویلي؛ د سېلابونو له کبله دوه کسانو خپل خوږ ژوند له لاسه ور کړی او د مالي زيانونو تر څنګ د دې دوه ولايتونو د يو شمېر ولسواليو د تګ راتګ لارې هم تړل شوې دي.
دوی زياته کړې، چې پر کرنيزو ځمکو، استوګنې کورونو، د ښار او کلي تر منځ د پلونو پر نړېدو سربېره سېلابونو د خلکو ژوند له ستونزو سره مخ کړى دى.
د يادونې ده، چې د سېلابونو له کبله زيانمنې شوې کورنۍ له دولت او مرستندويه ادارو څخه د بېړنیو مرستو غوښتنه کوي.
-
تازه خبرونه2 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري3 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه4 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه3 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې
-
سیمه ییز خبرونه2 days ago
په بلوچستان کې د پاکستان د بحري ځواک پر هوايي اډه وسلوال برید وشو