تازه خبرونه
د امریکا دفاعي چارواکو د سرتېرو پر کمولو او د عملیاتو پر روان ساتلو ټینګار کړی
د امریکا دفاعي چارواکو ويلي، چې په افغانستان کې د ترهګرۍ خلاف د عملیاتو د روان ساتلو ترڅنګ غواړي په دغه هېواد کې د خپلو سرتېرو شمېر هم راټیټ کړي.
د امریکا کانګرس له دفاع وزیر او لوی درستیز څخه په افغانستان کې د روانې جګړې او سولې په اړه پوښتنې کړې دي.
د امریکا دفاع وزیر مارک سپر کانګرس ته ویلي، چې په افغانستان کې د خپلو سرتېرو د کچې پر راټیټولو غور کوي؛ خو دا ټينګار هم شته، چې له ترهګرۍ سره به مبارزه رونه ساتي.
د امریکا دفاع وزیر مارک سپر د کانګرس ناستې ته څرګنده کړې، چې مونږ په افغانستان کې د ترهګرۍ ضد یو مهم ماموریت لرو. په دې معنا، چې افغانستان بیا هیڅکله د ترهګرو پر ځالې بدل نشي او له دغې خاورې پر متحده ایالتونو بیا برید ونشي. زه غواړم خپل پوځونه هلته راکم کړم او ښه دا ده، چې د افغانستان جګړې ته سیاسي حل لار وموندل شي.
دغه راز د امریکا لوی درستیز مارک میلي هم ویلي، چې طالبان افغان حکومت پر رسمیت نه پېژني او له افغان حکومت سره د سولې خبرو ته ندي حاضر؛ خو ټينګار یې کړی، چې د امریکا په ګډون د افغانستان په قضیه کې ټول ښکېل افغان اړخونه د خبرو مهمه برخه ګڼل کیږي.
د نوموړي د څرګندونو له مخې: طالبان نه غواړي له افغان حکومت سره خبرې وکړي او افغان حکومت یې غواړي؛ نو همدا علت دی، چې د دوی ترمنځ تر اوسه خبرې شوې ندي. زه ګومان کوم، چې اوس د افغانانو خپلمنځي خبرو ته نږدې شوي یو. افغانان به خپلې ستونزې په خپله حل کړي. غوره لار دا ده، چې افغانان په خپلو منځو کې سره جرګه شي.
په افغانستان کې د روانې اوږدې جګړۍې په اړه د امریکا د بوستون انستیتیوت او ویستون پوهنتون یو ګډ راپور ښیي، چې په افغانستان کې د امریکا له ۲۰ کلنې جګړې نژدې ۱۵۰ زره کسان وژل شوي دي.
دغه راپور په ډاګه کوي، چې: له ۲۰۰۱ میلادي کال څخه تر ۲۰۱۹ پورې په جګړه کې شاوخوا اته دېرش زره څلور سوه نهه اتیا ملکیان او اته پنځوس زره پېنځه سوه شپږ نوي افغان امنیتي ځواکونه وژل شوي دي.
د راپور له مخې؛ په دې موده کې دوه زره څلور سوه امریکايي سرتېري، د دې ځواکونو درې زره نهه سوه اووه دېرش قراردادیان او د مرستندویه بنسټونو ۴۰۹ کارکوونکي هم وژل شوي دي.
د دغو امریکايي روزنیزو بنسټونو په راپور کې دا هم راغلي، چې په تېرو شاوخوا ۲۰ کلونو کې دوه څلوېښت زره او سل وسلوال طالبان او د نورو وسلوالو ډلو غړي وژل شوي دي.
د امریکا دفاع وزیر مارک سپر د کانګریس غونډې ته زیاته کړې؛ زمونږ سرتېري افغانانو ته له ترهګرۍ سره د مبارزې زدکړې ورکوي او په استخباراتي برخه کې مرسته کوي، چې کار یې اغېزمن شي.
دغه راز د دغه هېواد لوی درستیز مارک میلی ویلي؛ له دوه زره لومړي کال راپدیخوا زمونږ ستراتیژي دا ده، چې افغانستان یو ځل بیا د ترهګرو پر مرکز بدل نشي. مونږ اوس همکاري کوو، چې د طالبانو او افغان حکومت تر منځ خبرې یوې پایلې ته ورسیږي.
له دې ټولو سره سره په افغانستان کې د امریکا تر ټولو د اوږدې جګړې د پای ته رسولو نښې نښانې نه ښکاري او د سولې د خبرو او هڅو ترڅنګ د جګړې ډګر هم تود ساتل شوی دی.
تازه خبرونه
اسلامي امارت به نړیوالو فشارونو ته تسلیم نشي – مولوي عبدالکبیر
د ریاست الوزراء سیاسي مرستیال مولوي عبدالکبیر د سې شنبې پر ورځ (د غویی یوولسمه) د کابل پولیتخنیک د زدهکړیالانو د فراغت په مراسمو کې څرګنده کړې، چې اسلامي امارت به نړیوالو فشارونو ته تسلیم نشي او نه به د هیچا پر فرمایش کار وکړي.
د کابل پولیتخنیک پوهنتون د زدهکړیالانو د فراغت مراسم د اسلامي امارت د چارواکو په حضور کې ترسره شول؛ خو ډېر پر سیاسي خبرو راڅرخېدل.
نوموړي په دې مراسمو کې زیاته کړې، چې د سیمې ټرانزیټ له افغانستان پرته ناشوني دی او چارسمبالی حکومت ترې ګټه پورته کوي.
د اسلامي امارت دغه لوړپوړي چارواکي ویلي، چې چارسمبالی حکومت له یوې خوا د پروژو پر پلي کېدا او له بلې خوا د کانونو پر استخراج کار کوي.
هغه دغه راز هېواد ته د مهاجرینو د راستنېدو لپاره د شرایطو پر برابرولو هم ټینګار وکړ.
د امربالمعروف او نهی عن المنکر او شکایتونو اورېدو وزارت چارسمبالي محمد خالد حنفي ویلي، اسلامي امارت په هېواد کې د عصري علومو د پراختیا مخالف ندی او غربي هېوادونه د اسلامي امارت پر خلاف په دې اړه منفي تبلیغات کوي.
د لوړو زدهکړو وزارت چارسمبالي ندا محمد ندیم ټینګار کوي، چې اسلامي امارت د جګړې په ډګر کې بریالی شوی؛ د اقتصاد، روغتیا او پوهنې په ډګرونو کې به هم بریاوې ترلاسه کړي.
له بلېخوا د لوړو زدهکړو وزارت یو شمېر نورو چارواکو ويلي؛ دغه وزارت هڅه کوي، چې د علمي او تحصیلي پراختیا په برخه کې پرمختګ وکړي او له نړیوالو معیارونو سره برابر شي.
د کابل پولیتخنیک پوهنتون د فراغت له دې پړاو څخه د ۱۷ څانګو ۵۳۷ زدهکړیالان فارغ شول او د اسلامي امارت د چارواکو لهخوا د فراغت سندونه ورکړ شول.
تازه خبرونه
افغان ـ ترکمن چارواکو په هرات کې د نورالجهاد سب سټیشن چارې وارزولې
د افغانستان برښنا شرکت څرګنده کړې، چې د دې شرکت د رهبرۍ او ترکمن پلاوي ترمنځ د هرات نورالجهاد سب سټېشن د پاتې تخنیکي چارو د ژر بشپړېدو، فعالېدو او پرانیستلو په اړه ګډه ناسته ترسره شوه.
د افغانستان برښنا شرکت عملیاتي رییس عبدالرحمن رحماني په دې ناسته کې ویلي؛ اوسمهال د نورالجهاد سب سټیشن چارې د بشپړېدو په حال کې دي او ټاکل شوې د دواړو لوریو ترمنځ د تخنیکي مسایلو له حل کېدلو وروسته نوموړی سب سټیشن فعال او ګټې اخیستنې ته وسپارل شي.
دغه راز د ترکمنستان نړیوالو پروژو رییس مراد آرتیکوف ویلي؛ د نورالجهاد سب سټیشن چارې د دواړو لوریو ترمنځ په ښې همغږۍ ترسره شوي او ډېر ژر به بشپړې شي.
د آرتیکوف د څرګندونو له مخې؛ ټاکل شوې د تجهیزاتو او نورو تخنیکي مسایلو پروتوکول هم په راتلونکیو ورځو کې تائید او وروستی شي.
ویل کیږي، چې د نوموړې پروژې له پرانیستې سره به هرات ته د ترکمنستان وارداتي برښنا کچه لوړه او زرګونه نوي پېرودونکي د برښنا له انرژۍ څخه برخمن شي.
تازه خبرونه
له ترهګرۍ سره په مبارزه کې له اسلامي امارت سره همکارۍ ته چمتو یوو- ایران
په کابل کې د ایران سفارت د دوشنبې پر ورځ ( د غویی لسمه) د هرات ولایت په یوه جوماتن کې له وسلهوال برید وروسته څرګنده کړې، چې له ترهګرۍ سره په مبارزه کې له اسلامي امارت سره همکارۍ ته چمتو دی.
یاد سفارت دا غبرګون په هرات ولایت کې د شیعهګانو پر جومات له وسلهوال برید وروسته څرګند کړی دی.
دا سفارت دا برید “ترهګریزه پېښه” بولي او په کلکه یې غندلې ده.
د دغه سفارت په خبرپاڼه کې راغلې، چې ايران غواړي د دغه «جرم» عاملين وپېژني او سزا ورکړي.
دغه سفارت زیاته کړې؛ ایران له ترهګرۍ سره د مبارزې په برخه کې له اسلامي امارت سره د همکارۍ د پیاوړتیا لپاره خپل چمتووالی اعلانوي.
د کورنیو چارو وزارت ویاند عبدالمتین قانع ويلي؛ تېره شپه (دوشنبه د ثور لسمه) د هرات ولایت د ګذرې ولسوالۍ په شهرک سیمه کې ناڅرګندو وسلهوال پر لمونځ کوونکیو د کلاشینکوف ډزې کړي، چې ۶ ملکي وګړي یې وژلي او یو بل ټپي دی.
قانع زیاته کړې، چې د دې پېښې جزئیات به وروسته وړاتندې شي.
تر اوسه کومې ډلې یا شخص د دې پېښې مسوولیت پر غاړه ندی اخیستی.
-
تازه خبرونه3 days ago
د بغلان ولایت د غوري سمنټو تولید زیات شوی
-
تازه خبرونه3 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه3 days ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه2 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
لوبی3 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
تازه خبرونه3 days ago
له پاکستان څخه دې د افغان کډوالو د جبري ایستلو چټکتیا راکمه شي
-
تازه خبرونه2 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی2 days ago
اټک انرژي او موج ساحل د دوشنبې د ورځې لوبې وګټلې