Connect with us

تازه خبرونه

د بښنې نړیوالې ټولنې د بندیانو پر خوشې کولو ټینګار څرګند کړ

Published

 on

(Last Updated On: وری ۲۳, ۱۳۹۹)

د بښنې نړیوال سازمان له افغان حکومت غوښتي؛ د ولسمشر د فرمان له مخې دې هغه زندانیان خوشې کړي، چې په دې فرمان کې یې یادونه شوې ده.

دوه اوونۍ مخکې ولسمشر محمد اشرف غني په زندانونو کې د کورونا ویروس د مخنیوي په موخه د هغو شاوخوا لس زره زندانیانو د خوشې کولو په تړاو یو فرمان صادر کړ، چې له مخې یې ښځې یې له ۵۵ کلونو لوړ عمر لرونکي او ناروغ زندانیان خوشې کیږي؛ خو د کورني او بهرني امنیت په قضیو کې نیول شوي کسان د دغه فرمان برخه نه ده.

د بښنې نړیوال سازمان لخوا په یوه خپاره شوي بیان کې اندېښنه ښودل شوې، چې په افغانستان کې د کرونا ویروس له چټکې خپریدنې سره زنداني میرمنې، چې ماشومان يي هم ورسره دي له جدي ګواښ سره مخ دي.

دې سازمان دا هم ویلي؛ مخکې له دې، چې د کورونا ویروس ستونزه جدي پړاو ته ورسېږي په فرمان کې د یادو شویو شرطونو له مخې د زندانیانو خوشې کیدلو بهیر باید چټک کړ شي.

د بښنې نړیوال بنسټ ټینګار کړی، چې په دې لړ کې دې ښځینه بندیانو ته لومړیتوب ورکړشي؛ خو د افغان حکومت د زندانونو اداره وايي، د ولسمشر غني د فرمان له مخې د بندیانو د خوشې کولو لړۍ په چټکۍ روانه ده.

د دې ادارې ویاند وحیدالله زاهد ویلي، په پام کې ده، چې په څو راتلونکیو ورځو کې یو زیات شمېر بندیانې میرمنې هم خوشې شي.

نوموړی وایي، د ولسمشر د فرمان له مخې نږدې درې زره بندیان خوشې شوي دي.

دا په داسې حال کې ده، چې د جمعې له ورځې د بندیانو د خوشې کیدو بهیر دریدلی او پدې ورځ بندیان آزاد شوي ندي.

تازه خبرونه

ملا برادر په افغانستان کې د پانګونې د غزولو په اړه د بیات بنیاد له مشر سره وکتل

Published

on

(Last Updated On: چنګاښ ۵, ۱۴۰۱)

په اقتصادي چارو کې د رییس الوزرا لومړي مرستيال ملا عبدالغني اخوند تېره ورځ په خپل کاري دفتر کې د بيات بنياد له لوی مشر احسان الله بيات سره وکتل.

ملا برادر او ډاکټر بیات د شنبې پر ورځ په خپلو خبرو کې پر یو شمېر سکتورونو کې د پانګونې پر امکاناتو خبرې وکړې.

 د اسلامي امارت د اتقتصادي مرستیال د دفترپه څرګندونو کې راغلي؛ مونږ ملي پانګوالو ته د امنیت ډاډ ورکوو او د کار کولو فرصت ورته برابروو.

 ملا عبدالغني برادر په افغانستان کې د بیات بنیاد له هر اړخیزو هڅو ستاینه او مننه وکړه.

بیات بنیاد په ۲۰۰۶ کال کې کار پیل کړی، تر دې مهاله یې د افغانستان په بیارغونه کې مرسته کړې او تر ټولو اړو او تر ټولو بېوسو افغانانو ته یې هیلې او مرستې رسولي دي.

دغه راز یې زرګونه کسانو ته په بېلابېلو مخابراتي، روغتیایي او انترنیټي برخو کې کاري آسانتیاوې برابرې کړې دي.

د جوماتونو، روغتیایي او ښوونیزوبنسټونو پر جوړولو سربېره یې له طبیعي پېښو او بشري ناورینه یې زیانمنو کورنیو ته مرستې رسولي دي.

د بیات بنیاد لخوا د ورکړ شویو مرستو یوه اړینه بېلګه په پکتیکا او خوست ولایتونو کې د تېرې اوونۍ له زلزلې د زیانمنو خلکو لاسنیوی دی، چې د تېرې چارشنبه له زلزلې څو ګړۍ وروږسته یې زیانمنو ته د  سرپناه اړین توکي، کمبلې او خوراکي توکي ولیږدول او د ټپیانو د درملنې لپاره یې د ډاکټرانو یوه ډله او ګرځند روغتیایي مرکز فعال وساته.

Continue Reading

تازه خبرونه

چین له افغان زلزله ځپلیو سره د څه باندې ۷ میلیون ډالرو مرسته کوي

Published

on

(Last Updated On: چنګاښ ۵, ۱۴۰۱)

په خوست او پکتیکا ولایتونو کې له زلزلې او ویجاړیو پېنځه ورځې تېرې شوې؛ خو د دغو ولایتونو زیانمن شوي خلک د مرستو په وېش کې د روڼتیا له نشتوالي انډېښمن شوي دي.

د پکتیکا او خوست د اړوند سیمو زلزله ځپليو زرګونه خلکو خپل کورونه او مالونه له لاسه ورکړي او تر شنه آسمان لاندې او یا په وېشل شویو خیمو کې ژوند کوي.

چارلي ډاګاتا امریکایي خبریال او شنونکي څرګنده کړې؛ د امريکا د ډېرو مرستندويه ادارو په ګډون ډېرې نړيوالې مرستندويه ټولنې د طالبانو( اسلامي امارت) له حاکمیت او حکومت وروسته له افغانستان څخه ووتل. سربېره پر دې د طالبانو پر وړاندې بنديزونه هم شته، نو افغانستان ته رادننه کېدونکې پیسې له نږدې څارل کېږي، چې حکومت ته ونه رسیږي؛ خو په افغانستان کې د دې لپاره، چې په راتلونکي کې دا ډول غمیزه تکرار نشي، پر بېخبناوو پانګونه ورته ډېره اړینه ده.

که څه هم د سیمې ګڼو هېوادونو زلزله ځپلیو ته لسګونه ټنه خوراکي توکي، درمل او د سرپناه لومړني وسایل ورکړي؛ خو زیانمن شوي خلک وايي، چې تر دې دمه دوی ته رسېدلي مرستې بسنه نکوي او حکومت اړ دی، چې آسانتیاوې برابرې او دوی ته نوره مرسته چمتو کړي.

چین په خوست او پکتیکا ولایتونو کې د زلزله ځپلیو د اړتیاوو د پوره کولو لپاره د څه باندې اووه میلیون ډالرو مرستې اعلان وکړ.

همدارنګه هره ورځ د سیمې او نړۍ له هېوادونو مرستې د کابل او خوست هوايي ډګرونو ته رارسیږي او پر زیانمنو شویو کسانو وېشل کېږي.

د تېرې چارشنبې له زلزلې څخه پاتې زیان او ویجاړۍ خورا پراخې دي؛ د نړيوالو موسسو لخوا د خپرو شويو معلوماتو له مخې، د خوست او پکتيکا په پېنځه ولسواليو کې شاوخوا درې زره کورونه ويجاړ شوي دي.

دا په داسې حال کې ده، چې له زلزله ځپلیو سره د مرستې لپاره نن د قطر خوراکي توکي، درمل او د جامو توکي نن افغانستان ته راورسېدل.

خو د وروستۍ زلزلې ځپلي خلک له دې مرستو راضي نه دي او له نړیوالې ټولنې او اسلامي امارت څخه د لا زیاتو مرستو غوښتنه کوي.

Continue Reading

تازه خبرونه

د پکتیکا ولایت د ګیان ولسوالۍ زلزله ځپلي اوس هم خوراکي توکو او سرپناه ته اړ دي

Published

on

(Last Updated On: چنګاښ ۴, ۱۴۰۱)

د افغانستان د پکتیکا ولایت د ګیان ولسوالۍ ژوندي پاتې شوي کسان، چې د کورنۍ څو غړي یې د سترګو په رپ کې له لاسه ورکړي د بې کوره کېدو او لوږې ترخې کیسې کوي.

له یوې خوا دغو خلکو د خپلو عزیزانو د له لاسه ورکولو درد پر اوږو بار کړی او له بلې خوا لوږې او بې کورۍ یې ژوند تریخ کړی دی.

 د اسلامي امارت چارواکي، چې ګیان ولسوالۍ ته ورغلي وايي؛ په سیمه کې شاوخوا ۹۰ سلنه کورونه ویجاړ شوي دي.

په نړیدلیو خټینو کورونو کې د دې سیمې بېوزله کورنیو ژوند کاوه، ماشومان د خپلو میندو په تودو غېږو کې پر درنده خوب ویده ول، چې دغه طبعیي ناورین وځپل او هر څه یې لوټه لوټه او کورنۍ یې یا نیمګړې کړې او یا یې هم بشپړې ووېشلې؛ خو ژوندي پاتې خلک یې سمدلاسه خواړو او سرپناه ته اړ دي.

د پکتیکا زلزله ځپلی سيد بختاجان وایي، چې د زلزلې له کبله یې د کورنۍ څلور غړیو ژوند له لاسه ورکړی او دوه نور یې په روغتون کې دي.

دی وايي، چې ژوندي پاتې کسان یې تر شنه آسمان لاندې پاتې دي.

بختا جان ته اوس د هغه د کورنۍ غړیو یوازې جامې ور پاتې دي.

د عامې روغتیا وزارت سرپرست قلندر عباد ویلي؛ دغې ویجاړوونکې او مرګونې زلزلې په ګیان ولسوالۍ کې ۹۰ سلنه کورونه نړولي او په ټولیزه توګه یې  ۱۰۳۶ کسان مړه کړل او شاوخوا  دوه زره نور په روغتونونو کې بستري شوي دي.

د طبیعي پېښو پر وړاندې د مبارزې وزارت د مرستیال شرف الدین مسلم د څرګندونو له مخې؛ خامه او کنډو کپرو سړکونو د مرستې هڅې له خنډ او ځنډ سره مخ  کړي؛ ځکه، نو په ګیان کې دغه بشري ناورین ځپلي کسان بېړنیو مرستو ته اړتیا لري.

دا په داسې حال کې ده، چې د جمعې پر ورځ د دوه یم ځل لپاره هم زلزلې دغه سیمه ولړزوله، چې په کې لږ تر لږه پېنځه کسان مړه شول.

Continue Reading

Trending

Copyright © 2022 Ariana News. All rights reserved!