Connect with us

تازه خبرونه

د کابل د بادام باغ نباتي او حیواني لابراتوارونه ګټې اخیستنې ته سپارل کیږي

خپور شوی

 په

(Last Updated On: زمری ۱۳, ۱۳۹۷)

چارواکي وایي، د کابل د بادام باغ د نباتي ناروغیو د تشخیص، د کرنیزو او حیواني محصولاتو او کیمیاوې سرې د کیفیت معلومولو لابراتوارونه به تر دوه نورو میاشتو ګټې اخیستنې ته وسپارل شي.

د دغو بېلابېلو لابراتوارونو د ودانۍ کار بشپړ شوی او څلور سوه میلیون افغانۍ لګښت پرې راغلی دی.

مسوولین وايي، چې د کرنیزو لابراتوارنو دغه کمپلکس په دوه میاشتو کې پر ټولو وسایلو سمباليږي او په ۱۳ فرعي لابراتوارونو کې به کار پیل کړي.

دغه لابراتوارونه به د کرنیزو او حیواني محصولاتو د کیفیت جوازونه ورکوي او توکي به په معیاري ډول معاینه کوي.

د کرنې او مالدارۍ وزارت ویاند اکبر رستمي وایي، چې دغه کمپلکس ۱۳ فرعي لابراتوارونه لري، چې د نباتي ناروغیو د تشخیص، د کرنیزو او حیواني محصولاتو او کیمیاوې سرې د کیفیت معلومولو په درې بنسټیزو برخو کې کار کوي.

د سوداګرۍ خونې مسوولین وايي؛ دغه ډول لابراتوارونه باید د هېواد په کچه ډېر شي، چې د محصولاتو د کیفیت ستونزه اواره شي او د نباتي ناروغیو تشخیص وشي.

د سوداګرۍ خونې مرستیال خان جان الکوزی زیاتوي، چې نړۍ زاړه ستندردونه نه مني؛ لابراتوارونه باید جوړ شي، چې نړیوال غړیتوب تر لاسه شي.  

اقتصادي کارپوهان وايي، چې د دغه ډول لابراتوارونو له فعالیدو سره به خلک په کورنیو محصولاتو باور وکړي او بازار به یې هم وغوړیږي.

اقتصادي کارپوه سید مسعود وایي، دا لابراتوارونه باید څو کاله مخکې جوړ شوي وای؛ خو اوس، چې دا کار شوی؛ یو ښه او مثبت ګام دی، چې اوس باید ورته ډېره پاملرنه وشي.

سوداګر وايي، چې د پرمختللیو لابراتوارنو د نشتوالي له کبله څو ځله د دوی محصولات او تولیدي توکي له بهره مسترد شوي او سخت زیانونه یې لیدلي دي.

Advertisement

تازه خبرونه

د حج د چارو د تنظيم، سمون او ترسره کولو ملي کمیټه ومنل شوه

خپور شوی

په

توسط

(Last Updated On: غبرګولى ۱, ۱۴۰۱)

د افغانستان اسلامي امارت د ویاند مرستیال ویلي، چې د کابینې د پرېکړې پر بنسټ د ترانسپورت او هوايي چلند وزارت د حج د چارو د تنظیم، سمون او ترسره کولو ملي کمیټه جوړه او طرحه یې تصویب شوه.

د افغانستان اسلامي امارت د ویاند مرستیال انعام الله سمنګاني زیاته کړې؛ د حج د چارو د تنظیم، سمون او ترسره کولو ملي کمیټه د لومړي وزیر د مرستیال عبدالسلام حنفي په مشرۍ او د حج او اوقافو ریاستونو، هوايي ډګرونو، هوایي چلند او ترانسپورت، عدلیې، مالیې، بهرنیو چارو، کورنیو چارو وزارتونو، ریاستونو او سوداګرۍ نونې د استازیو په ګډون یوه کمېټه جوړه شوې ده.

د یادونې ده، چې په ولایتونو کې به د دې کمیتې مشري د والي د مرستیال پر غاړه وي.

Continue Reading

تازه خبرونه

هیچا ته به د ګډوډۍ رامنځته کولو اجازه ورنکړ شي – مولوي محمد یعقوب مجاهد

خپور شوی

په

توسط

(Last Updated On: غویی ۳۱, ۱۴۰۱)

د اسلامي امارت د دفاع وزارت چارسمبالي مولوی محمد یعقوب مجاهد تېره ورځ پنجشیر ولایت ته په سفر کې ډاډ څرګند کړی، چې هیچا ته به د ګډوډۍ د رامنځته کولو اجازه ورنکړ شي.

نوموړي د دغه ولایت له خلکو، قومي مخورو او امنیتي مسوولینو سره وکتل او له خلکو یې وغوښتل، چې د دښمن پر تبلیغاتو ونه غولېږي او خپل عادي ژوند روان وساتي.

مولوي محمد یعقوب مجاهد د دې ولایت د خلکو وړاندیزونه هم واورېدل او پر خلکو یې غږ وکړ، چې د نظم په ټینګښت کې له خپلو چارواکو سره پوره همکاري وکړي.

نوموړي ډاډ ورکړ، چې هیڅ ډول وسلوالو ته به اجازه ورنکړ شي، چې امنیت ګډوډ کړي.

د ملي دفاع وزارت چارسمبالي د دغه ولایت امنیتي وضعیت ښه وګاڼه او د اسلامي امارت د مسوولینو او ځواکونو له کړنو او دندو څخه یې ستاینه وکړه.

د یادونې ده، چې مجاهد د امنیت د خوندي ساتنې په اړه اړوند مسوولینو ته لازمې لارښوونې هم وکړې.

Continue Reading

تازه خبرونه

اسلامي امارت له رسنیو خپل ملاتړ روان ساتي – مجاهد

خپور شوی

په

توسط

(Last Updated On: غویی ۲۹, ۱۴۰۱)

د اسلامي امارت ویاند ویلي، چې حکومت له رسنیو او خبریالانو سره همکاري کوي او رسنۍ دې هم په خپلو خپرونو کې اسلامي ارزښتونه، د رسنیو اصول او ملي ګټې په پام کې ونیسي.

د اسلامي امارت ویاند ذبیح الله مجاهد نن پنجشنبه د غويي ۲۹ د مطبوعاتو د آزادۍ د نړیوالې ورځې په نمانځغونډه کې څرګنده کړې چې د رسنیو د سرغړونو کمیسیون نن خپل کار پیل کړی او اطلاعاتو ته د لاسرسي هغه به هم په نږدې راتلونکي کې خپل کار پیل کړي.

د ذبیح الله مجاهد د څرګندونو له مخې؛ اسلامي امارت د اسلامي شریعت په چوکاټ کې د رسنیو ملاتړ ته ژمن دی. نوموړي پر رسنيو غږ وکړ، چې په خپلو خپرونو کې ملي ګټې او اسلامي ارزښتونه پام ونيسي.

نوموړی وایي: حکومت له رسنیو سره اقتصادي ملاتړ ته دوام ورکوي او مونږ غواړو، چې د رسنیو ستونزې صفر ته راکښته کړو.

هغه له رسنیو وغوښتل، چې د اسلامي اصولو پر بنسټ د رسنیو فعالیت تروان وساتل شي.

د اطلاعاتو او فرهنګ وزارت د معلوماتو له مخې، د تېر حکومت له نسکورېدو وروسته اوسمهال په هېواد کې ۱۹۸ چاپي او غږیزې رسنۍ شته، چې ۱۷۰ رسنۍ له اقتصادي ستونزو له کبله تړل شوې دي.

د اطلاعاتو او فرهنګ وزارت د خپرونو مشر عبدالحق حماد ويلي: ډېري رسنۍ، چې بندې دي؛ مسوولين يې له افغانستان څخه وتلي او نورې يې د بهرنيانو په ملاتړ پورې تړلې وې، چې اوس فعالې ندي.

په افغانستان کې وروستیو سیاسي پرمختګونو د رسنیو پر وضعیت هم اغېز کړی، چې د راپورونو له مخې د یو شمېر رسنیو د تړل کېدو له کبله د رسنیو شاوخوا ۶۰۰۰ کارکوونکطو خپلې دندې له لاسه ورکړې دي.

Continue Reading

Trending

Copyright © 2022 Ariana News. All rights reserved!