تازه خبرونه
د ټاکنیزو بنسټونو دوه یمه مشورتي ناسته هم بې پایلې پای ته ورسیده
که څه هم داځل د ټاکنیزو شکایتونو خپلواک کمیسیون د ټاکنیز بهیرد په ټپه ولاړ حالت د بدلولو لپاره ډګر ته راودانګل؛ خو مشورتي ناسته یې بې پایلې پای ته ورسیده.
دې ناستې ته، چې شاوخوا شپږ ساعته روانه وه؛ د ټاکنډلو، سیاسي بهیرونو، رسنیو او د بهرنیو هېوادونو استازي هم ورغلي وه.
د ټاکنیزو شکایتونو خپلواک کمیسیون ټینګار کوي، چې د ټاکلي وخت بایومتریک شوې رایې به د اعتبار وړ وي.
د ټاکنیزو شکایتونو د خپلواک کمیسیون رییسه زهره بیان شینوارې وایي؛ له روان ټاکنیز بخران څخه د وتلو یوازنۍ لار د ټاکنیزو لوایحو، کړنلارې او قوانینو پلي کول دي. یوازې د ټاکلي وخت بایومتریک شوې رایې به د اعتبار وړ وي.
دا ناسته همداسې روانه وه، چې په کې لفظي شخړې وشوې، ځینو معترض لوريو د ټاکنو خپلواک کمیسیون مشرتابه پر کمزورتیا او ناغېړیو تورنوي. که څه هم دوی د درې سوه زره جنجالي رایو د باطلیدو غوښتنه لري؛ خو د ټاکنو خپلواک کمیسیون رییسې حوا علم نورستانۍ په غصه خبرداری ورکړ، چې تر ماښامه پایله اعلانوم؛ لاس د ټولو خلاص.
د ثبات او همپالنې ټاکنډلې دوه یم مرستیال اسدالله سعادتي ویلي؛ د حل یوازنۍ لار قانون ته د کمیسیون ورګرزیدل دي او باید لومړی د ۳۰۰ تقلبي او بې وخته رایو برخلیک ښکاره او روښانه شي.
د ناستې په منځ او پای کې هم لفظي شخړې او ناندرې وشوې؛ خو دولت جوړونکې ډله او همفکره یې وایي، چې ژر دې د ټاکنو لومړنۍ پایله اعلان شي.
د دولت جوړونکې ټاکنډلې د کمپاین د دفتر رییس عمر داودزي وايي، چې د ټاکنو خپلواک کمیسیون کار پای ته رسیدلی او یوازې د لومړنیو پایلو د اعلان مخې ته سیاسي خنډونه پراته دي.
داسې ښکاري، چې د ټاکنو خپلواک کمیسیون غړي د ټاکنو د لومړنیو او قسمي پایلو په اعلان کې همنظره دي.
د ټاکنیزو شکایتونو خپلواک کمیسیون ناسته هم بې پایلې پای ته رسیدلې؛ خو د ټاکنو خپلواک کمیسیون غړي وایي، د اووه ویشت ولایتونو تخنیکي چارې بشپړې شوي او که د اووه ولایتونو د رایو بیا شمېرنې لپاره زمینه برابره نشي، د ټاکنو قسمي پایله به اعلان کړي.
لومړۍ مشورتي ناسته د ملګرو ملتونو، ټاکنو خپلواک کمیسیون، سیاسي ډلو او رسنیو په ګډون؛ ځکه بې پایلې تر سره شوه، چې د ثبات او همپالنې ډلې د ټاکنو کمیسیون بې پروا وګاڼه او له یادې ناستې ووتل.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ